ਮੁੰਬਈ, 17 ਜਨਵਰੀ (ਪੋਸਟ ਬਿਊਰੋ)- ਰਾਏਗੜ੍ਹ ਵਿੱਚ ਇੱਕ ਜ਼ਮੀਨੀ ਟੁਕੜੇ ਬਾਰੇ ਅਮਰੀਕਾ ਦੇ ਇੱਕ ਰਿਟਾਇਰਡ ਐਨ ਆਰ ਆਈ ਕੇਤਨ ਕੱਕੜ ਤੇ ਉਸ ਦੇ ਗੁਆਂਢੀ ਬਾਲੀਵੁੱਡ ਮੈਗਾਸਟਾਰ ਸਲਮਾਨ ਖਾਨ ਦਾ ਵਿਵਾਦ ਛਿੜ ਗਿਆ ਹੈ। ਕੱਕੜ ਵੱਲੋਂ ਸੋਸ਼ਲ ਮੀਡੀਆ ਪੋਸਟ ਉੱਤੇ ਤਿੱਖੀ ਆਲੋਚਨਾ ਕੀਤੇ ਜਾਣ ਉੱਤੇ ਅਭਿਨੇਤਾ ਸਲਮਾਨ ਖਾਨ ਨੇ ਗੂਗਲ, ਯੂ-ਟਿਊਬ, ਫੇਸਬੁੱਕ, ਟਵਿੱਟਰ ਅਤੇ ਹੋਰ ਸੋਸ਼ਲ ਪਲੇਟਫਾਰਮ ਸਮੱਗਰੀ ਨਿਰਮਾਤਾਵਾਂ ਦੇ ਇਲਾਵਾ ਆਪਣੇ ਗੁਆਂਢੀ ਖਿਲਾਫ ਨਾਗਰਿਕ ਮਾਣਹਾਨੀ ਦਾ ਮੁਕੱਦਮਾ ਦਾਇਰ ਕਰ ਦਿੱਤਾ ਹੈ।
ਇਹ ਮਾਮਲਾ 9ਵੇਂ ਦਹਾਕੇ ਦੇ ਕਰੀਬਅੱਧ ਦਾ ਹੈ, ਜਦੋਂ ਯੁਵਾ ਐਨ ਆਰ ਆਈ ਕੱਕੜ ਨੇ ਰਿਟਾਇਰਮੈਂਟ ਪਿਛੋਂ ਆਪਣਾ ਘਰ ਬਣਾਉਣ ਲਈ ਰਾਏਗੜ੍ਹ ਵਿੱਚ ਇੱਕ ਛੋਟਾ ਜਿਹਾ ਪਲਾਟ ਖਰੀਦਣ ਦੀ ਯੋਜਨਾ ਬਣਾਈਸੀ ਅਤੇ ਵਿਕਰੇਤਾ ਕੰਪਨੀ ਨੇ ਉਨ੍ਹਾਂ ਨੂੰ ਬਾਲੀਵੁੱਡ ਦੇ ਮਹਾਨ ਲੇਖਕ ਸਲੀਮ ਖਾਨ ਨਾਲ ਮਿਲਾਇਆ ਸੀ। ਖਾਨ ਨੇ ਕੱਕੜ ਨੂੰ ਭਰੋਸਾ ਦਿੱਤਾ ਕਿ ਇਲਾਕਾ ਵਧੀਆ ਹੈ ਤੇ ਉਹ ਉਨ੍ਹਾਂ ਨੂੰ ਆਪਣੇ ਗੁਆਂਢੀ ਬਣਾਉਣਾ ਪਸੰਦ ਕਰਨਗੇ। ਇਸ ਭਰੋਸੇ ਵਿੱਚ ਕੱਕੜ ਨੇ 1996 ਵਿੱਚ 2.50 ਏਕੜ ਜ਼ਮੀਨ ਖਰੀਦੀ ਅਤੇ ਫਿਰ ਉਸ ਉੱਤੇ ਛੋਟਾ ਜਿਹਾ ਵਾਤਾਵਰਣ ਅਨੁਸਾਰ ਭਗਵਾਨ ਗਣੇਸ਼ ਦਾ ਮੰਦਰ ਬਣਵਾਇਆ ਅਤੇ ਕਈ ਸਾਲਾਂ ਬਾਅਦ ਵਾਤਾਵਰਣ ਅਨੁਸਾਰ 120 ਵਰਗ ਫੁੱਟ ਦੇ ਘਰ ਨੂੰ ਕਦੇ-ਕਦੇ ਉਥੇ ਜਾਣ ਲਈ ਬਣਵਾਇਆ। ਦੋ ਦਹਾਕਿਆਂ ਤੋਂ ਵੱਧ ਸਮੇਂ ਤਕ ਦੋਵਾਂ ਗੁਆਂਢੀਆਂ ਵਿੱਚ ਸਭ ਠੀਕ ਰਿਹਾ ਅਤੇ ਜਦ ਵੀ ਕੱਕੜ ਆਪਣੀ ਛੋਟੀ ਜਿਹੀ ਜਾਇਦਾਦ ਦਾ ਦੌਰਾ ਕਰਦੇ ਤਾਂ ਅਰਪਿਤਾ ਫਾਰਮ ਵਿੱਚ ਖਾਨ ਕਬੀਲਾ ਉਨ੍ਹਾਂ ਦਾ ਗਰਮਜੋਸ਼ੀ ਨਾਲ ਸਵਾਗਤ ਕਰਦਾ ਸੀ। ਇਸ ਦੇ ਬਾਅਦ ਸੰਬੰਧ ਖਰਾਬ ਹੋ ਗਏ ਸਨ।