ਸਿੰਗਾਪੁਰ, 3 ਜਨਵਰੀ (ਪੋਸਟ ਬਿਊਰੋ)- ਹਾਂਗਕਾਂਗ ਵਿੱਚ ਹੋਈ ਵਰਲਡ ਮੈਮੋਰੀ ਚੈਂਪੀਅਨਸ਼ਿਪ ਵਿੱਚ ਸਿੰਗਾਪੁਰ ਵਾਸੀ ਭਾਰਤੀ ਮੂਲ ਦੇ 12 ਸਾਲਾ ਵਿਦਿਆਰਥੀ ਨੇ ਸੋਨ ਤਮਗਾ ਜਿੱਤਿਆ ਹੈ। ਬੱਚਿਆਂ ਦੀ ਸ਼੍ਰੇਣੀ ਵਿੱਚ ਧਰੁਵ ਮਨੋਜ ਨੇ ਨੇਮਸ ਐਂਡ ਫੇਸੇਜ ਅਤੇ ਰੈਂਡਮ ਵਰਡਸ ਵਿੱਚ 56 ਹੋਰਨਾਂ ਮੁਕਾਬਲੇਬਾਜ਼ਾਂ ਨੂੰ ਪਿੱਛੇ ਛੱਡਦੇ ਹੋਏ ਜਿੱਤ ਹਾਸਲ ਕੀਤੀ।
ਮਿਲੀ ਜਾਣਕਾਰੀ ਅਨੁਸਾਰ ਇਸ ਮੁਕਾਬਲੇ ਦਾ ਆਯੋਜਨ 20 ਤੋਂ 22 ਦਸੰਬਰ ਦੇ ਵਿਚਾਲੇ ਕੀਤਾ ਗਿਆ। ਧਰੁਵ ਨੇ ਸੱਤ ਤੋਂ ਵੱਧ ਡੈਕਸ ਆਫ ਸ਼ਲਫਡ ਕਾਰਡ ਨੂੰ ਇੱਕ ਘੰਟੇ ਵਿੱਚ ਯਾਦ ਕਰ ਲਿਆ। ਸਿੰਗਾਪੁਰ ਦੇ ਇਸ ਮੁਕਾਬਲੇ ਵਿੱਚ ਕੇਵਲ ਧਰੁਵ ਨੇ ਹਿੱਸਾ ਲਿਆ ਸੀ। ਚੀਨ, ਰੂਸ, ਭਾਰਤ, ਤਾਈਵਾਨ ਅਤੇ ਮਲੇਸ਼ੀਆ ਤੋਂ 260 ਤੋਂ ਵੱਧ ਮੁਕਾਬਲੇਬਾਜ਼ਾਂ ਨੇ ਆਪਣੀ ਦਾਅਵੇਦਾਰੀ ਪੇਸ਼ ਕੀਤੀ ਸੀ। ਸਿੰਗਾਪੁਰ ਦੇ ਅਖਬਾਰ ਨਿਊਜ਼ ਪੇਪਰ ਟੂਡੇ ਨੇ ਧਰੁਵ ਦੇ ਹਵਾਲੇ ਨਾਲ ਕਿਹਾ, ਸਭ ਤੋਂ ਮੁਸ਼ਕਲ ਕੰਮ ਧਿਆਨ ਕੇਂਦਰਿਤ ਕਰਨਾ ਸੀ, ਮੇਰੇ ਜ਼ਿਆਦਾ ਦੋਸਤ ਪੀ ਐਸ ਐਲ ਈ ਤੋਂ ਅੱਗੇ ਨਹੀਂ ਜਾ ਸਕੇ, ਮੇਰਾ ਉਥੇ ਬੈਠਣਾ ਅਤੇ ਹਿੱਸਾ ਲੈਣਾ ਮੁਸ਼ਕਲ ਸੀ, ਪ੍ਰੰਤੂ ਮੈਂ ਇਸ ਨੂੰ ਕਰਨ ਦੇ ਲਈ ਕਾਮਯਾਬ ਰਿਹਾ। ਧਰੁਵ ਦੇ ਪਿਤਾ ਮਨੋਜ ਪ੍ਰਭਾਕਰ ਨੇ ਕਿਹਾ, ਮੈਂ ਦੇਖਿਆ ਕਿ ਧਰੁਵ ਨੰ ਅਜਿਹਾ ਕਰਨ ਵਿੱਚ ਮਜ਼ਾ ਆ ਰਿਹਾ ਹੈ ਅਤੇ ਉਹ ਵਧੀਆ ਕਰ ਰਿਹਾ ਹੈ।