Welcome to Canadian Punjabi Post
Follow us on

18

June 2019
ਬ੍ਰੈਕਿੰਗ ਖ਼ਬਰਾਂ :
ਮੋਦੀ ਨੇ ਅੱਜ ਬਹੁਮਤ ਹਾਸਿਲ ਕੀਤਾ। ਇਸਦੇ ਨਾਲ ਹੀ ਉਨ੍ਹਾਂ ਨੇ ਆਪਣੇ ਨਾਲੋਂ ਚੌਕੀਦਾਰ ਸ਼ਬਦ ਹਟਾ ਦਿੱਤਾ ਹੈ। ਇਸ ਬਾਰੇ ਉਨ੍ਹਾਂ ਨੇ ਟਵੀਟ ਕੀਤਾ ਹੈ। ਇਕ ਵਾਰ ਫਿਰ ਆਈ ਮੋਦੀ ਸਰਕਾਰ ਮੋਦੀ ਦੀ ਜਿੱਤ ਉੱਤੇ ਪਾਕਿਸਤਾਨ ਦੇ ਪ੍ਰਧਾਨਮੰਤਰੀ ਇਮਰਾਨ ਖਾਨ ਨੇ ਕੀਤਾ ਟਵੀਟਪਟਿਆਲਾ ਹਲਕੇ ਤੋਂ ਪਰਨੀਤ ਕੌਰ ਦੀ ਜਿੱਤ, ਰੱਖੜਾ ਦੀ ਹੋਈ ਹਾਰ ਜਲੰਧਰ ਹਲਕੇ ਤੋਂ ਸੰਤੋਖ ਚੌਧਰੀ ਦੀ ਜਿੱਤ, ਅਕਾਲੀ ਦਲ ਦੇ ਉਮੀਦਵਾਰ ਚਰਨਜੀਤ ਸਿੰਘ ਅਟਵਾਲ ਦੀ ਹੋਈ ਹਾਰ ਫਿਰੋਜ਼ਪੁਰ ਹਲਕੇ ਤੋਂ ਸੁਖਬੀਰ ਸਿੰਘ ਬਾਦਲ ਦੀ 2 ਲੱਖ ਤੋਂ ਵੱਧ ਵੋਟਾਂ ਨਾਲ ਜਿੱਤ, ਘੁਬਾਇਆ ਦੀ ਹੋਈ ਹਾਰ ਬਠਿੰਡਾ ਹਲਕੇ 'ਚੋਂ ਹਰਸਿਮਰਤ ਕੌਰ ਬਾਦਲ ਦੀ ਜਿੱਤ, ਰਾਜਾ ਵੜਿੰਗ ਦੀ ਹਾਰ ਖਡੂਰ ਸਾਹਿਬ ਹਲਕੇ ਤੋਂ ਜਸਬੀਰ ਸਿੰਘ ਡਿੰਪਾ ਦੀ 5365 ਵੋਟਾਂ ਨਾਲ ਜਿੱਤ, ਬੀਬੀ ਜਗੀਰ ਕੌਰ ਦੀ ਹਾਰ
ਅੰਤਰਰਾਸ਼ਟਰੀ

ਖਤਨੇ ਦੇ ਵਿਰੁੱਧ ਜਾਗਰੁਕ ਹੋਈਆਂ ਕੁਰਦ ਔਰਤਾਂ

January 04, 2019 07:31 AM

ਬਗਦਾਦ, 3 ਜਨਵਰੀ (ਪੋਸਟ ਬਿਊਰੋ)- ਇਰਾਕ ਦੇ ਕਈ ਪਿੰਡਾਂ ਦੀਆਂ ਔਰਤਾਂ ਨੇ ਖਤਨੇ ਵਿਰੁੱਧ ਅਵਾਜ਼ ਬੁਲੰਦ ਕਰਨੀ ਸ਼ੁਰੂ ਕਰ ਦਿਤੀ ਹੈ। ਕੁਰਦ ਭਾਈਚਾਰੇ ਦੇ ਇਲਾਕੇ ਵਿਚ ਔਰਤਾਂ ਅਤੇ ਬੱਚਿਆਂ ਦੇ ਖਤਨੇ ਵਿਰੁੱਧ ਮੁਹਿੰਮ ਚਲਾਉਣ ਵਾਲੀ ਗ਼ੈਰ-ਸਰਕਾਰੀ ਸੰਸਥਾ ਵਾਦੀ ਨਾਲ ਜੁੜੀ ਰਸੂਲ ਨਾਮ ਦੀ ਔਰਤ ਨੇ ਇਸ ਦੀ ਕਾਮਯਾਬੀ ਦੀ ਸਹੁੰ ਚੁੱਕੀ ਹੈ।
ਰਸੂਲ ਕਈ ਪਿੰਡਾਂ ਦੇ ਬੱਚਿਆਂ ਲਈ ਦੇਵਦੂਤ ਬਣ ਕੇ ਆਈ ਹੈ। ਬਚਪਨ ਵਿਚ ਖਤਨਾ ਸਹਾਰ ਚੁੱਕੀ 35 ਸਾਲਾ ਰਸੂਲ ਸਥਾਨਕ ਘਰਾਂ ਵਿਚ ਜਾ ਕੇ ਲੋਕਾਂ ਨਾਲ ਇਸ ਬਾਰੇ ਗੱਲਾਂ ਕਰਦੀ ਹੈ। ਉਸ ਦੇ ਨਾਲ ਖੇਤਰ ਦੀਆਂ ਕੁਝ ਹੋਰ ਔਰਤਾਂ ਨੇ ਵੀ ਇਲਾਕੇ ਦੀ ਰੂੜੀਵਾਦੀ ਸੋਚ ਬਦਲਣ ਦੀ ਠਾਣ ਲਈ ਹੈ। ਇਸੇ ਕਾਰਨ ਇਰਾਕ ਦੇ ਮੁਕਾਬਲੇ ਕੁਰਦ ਖੇਤਰ ਵਿਚ ਬੱਚੀਆਂ ਦੇ ਖਤਨੇ ਦੀ ਗਿਣਤੀ ਵਿਚ ਕਮੀ ਆਈ ਹੈ। ਇਕ ਸਮਾਂ ਅਜਿਹਾ ਸੀ, ਜਦ ਕੁਰਦ ਇਲਾਕੇ ਵਿਚ ਬੱਚੀਆਂ ਦਾ ਖਤਨਾ ਕਰਨਾ ਆਮ ਗੱਲ ਸੀ। ਖੇਤਰੀ ਰਾਜਧਾਨੀ ਇਰਬਿਲ ਦੇ ਪੂਰਬ ਵਿਖੇ ਸ਼ਰਬਤੀ ਸਾਘਿਰਾ ਪਿੰਡ ਵਿਚ ਖਤਨੇ ਵਿਰੁਧ ਜਾਗਰੁਕਤਾ ਫੈਲਾਉਣ ਅਤੇ ਇਸ ਰਵਾਇਤ ਨੂੰ ਬੰਦ ਕਰਵਾਉਣ ਲਈ ਰਸੂਲ ਇਥੇ 25 ਵਾਰ ਜਾ ਚੁੱਕੀ ਹੈ। ਉਹ ਪਿੰਡ ਦੇ ਇਮਾਮ ਦੀ ਸੋਚ ਬਦਲਣ ਦੀ ਕੋਸ਼ਿਸ਼ ਕਰ ਰਹੀ ਹੈ, ਜੋ ਸੋਚਦੇ ਹਨ ਕਿ ਖਤਨਾ ਇਸਲਾਮਕ ਰਵਾਇਤ ਹੈ। ਉਹ ਪਿੰਡ ਦੀਆਂ ਸਿਖਲਾਈ ਪ੍ਰਾਪਤ ਦਾਈਆਂ ਨੂੰ ਖਤਨੇ ਨਾਲ ਹੋਣ ਵਾਲੇ ਨੁਕਸਾਨ, ਉਸ ਦੇ ਕਾਰਨ ਹੋਣ ਵਾਲੇ ਖੂਨ ਦੇ ਵਹਾਅ ਅਤੇ ਮਾਨਸਿਕ ਸ਼ੋਸ਼ਣ ਦੇ ਬਾਰੇ ਸਮਝਾਉਂਦੀ ਹੈ। ਖਤਨੇ ਵਿਰੁੱਧ ਔਰਤਾਂ ਵੱਲੋਂ ਚਲਾਈਆਂ ਜਾਂਦੀਆਂ ਮੁਹਿੰਮਾਂ ਤੋਂ ਬਾਅਦ ਕੁਰਦ ਪ੍ਰਸ਼ਾਸਨ ਨੇ 2011 ਵਿਚ ਖਤਨੇ ਨੂੰ ਘਰੇਲੂ ਹਿੰਸਾ ਕਾਨੂੰਨ ਅਧੀਨ ਦਰਜ ਕੀਤਾ ਹੈ। ਇਸ ਕਾਨੂੰਨ ਮੁਤਾਬਕ ਖਤਨਾ ਕਰਨ ਵਾਲਿਆਂ ਨੂੰ ਵੱਧ ਤੋਂ ਵੱਧ ਤਿੰਨ ਸਾਲ ਦੀ ਸਜ਼ਾ ਅਤੇ ਲਗਭਗ 80,000 ਅਮਰੀਕੀ ਡਾਲਰ ਦੇ ਜੁਰਮਾਨੇ ਦਾ ਪ੍ਰਬੰਧ ਕੀਤਾ ਗਿਆ ਹੈ। ਕਾਨੂੰਨ ਬਣਾਉਣ ਅਤੇ ਗ਼ੈਰ-ਸਰਕਾਰੀ ਸੰਸਥਾਵਾਂ ਵੱਲੋਂ ਚਲਾਈਆਂ ਮੁਹਿੰਮਾਂ ਨਾਲ ਪੈਦਾ ਹੋਈ ਜਾਗਰੁਕਤਾ ਕਾਰਨ ਖਤਨੇ ਦੀ ਗਿਣਤੀ ਦੇ ਮਾਮਲੇ ਪਹਿਲਾਂ ਨਾਲੋਂ ਘੱਟ ਹੋਏ ਹਨ।

Have something to say? Post your comment
ਹੋਰ ਅੰਤਰਰਾਸ਼ਟਰੀ ਖ਼ਬਰਾਂ