ਵਾਸਿੰ਼ਗਟਨ, 3 ਜਨਵਰੀ (ਪੋਸਟ ਬਿਊਰੋ) : ਨੈਂਸੀ ਪੈਲੋਸੀ ਇਹ ਜਾਣਦੀ ਸੀ ਕਿ ਭਾਵੇਂ ਹੋਰ ਲੋਕ ਇਸ ਉੱਤੇ ਸ਼ੱਕ ਕਰਨ ਜਾਂ ਉਸ ਦਾ ਰਾਹ ਰੋਕਣ ਦੀ ਕੋਸਿ਼ਸ਼ ਕਰਨ ਪਰ ਇਹ ਘੜੀ ਜ਼ਰੂਰ ਆਵੇਗੀ।
ਵੀਰਵਾਰ ਨੂੰ ਪੈਲੋੋਸੀ ਨੂੰ ਹਾਊਸ ਸਪੀਕਰ ਚੁਣਿਆ ਜਾਵੇਗਾ। ਕੈਲੇਫੋਰਨੀਆ ਤੋਂ ਡੈਮੋਕ੍ਰੈਟ ਪੈਲੋਸੀ ਦੇ ਸਿਆਸੀ ਕਰੀਅਰ ਵਿੱਚ ਹਮੇਸ਼ਾਂ ਉਸ ਨੂੰ ਘੱਟ ਆਂਕਿਆ ਜਾਂਦਾ ਰਿਹਾ। ਪਰ ਉਸ ਨੇ ਹਮੇਸ਼ਾਂ ਖੁਦ ਨੂੰ ਸਹੀ ਸਿੱਧ ਕਰਕੇ ਆਪਣੇ ਵਿਰੋਧੀਆਂ ਦੇ ਮੂੰਹ ਬੰਦ ਕੀਤੇ। ਇਸ ਮਾਮਲੇ ਵਿੱਚ ਪੈਲੋਸੀ ਨੇ ਡੈਮੋਕ੍ਰੈਟਿਕ ਬਹੁਗਿਣਤੀ ਨੂੰ ਮੁੜ ਹਾਸਲ ਕੀਤਾ ਹੈ ਤੇ ਸਪੀਕਰ ਦੇ ਅਹੁਦੇ ਉੱਤੇ ਆਪਣੀ ਦਾਅਵੇਦਾਰੀ ਸਿੱਧ ਕੀਤੀ ਹੈ। ਪੈਲੋਸੀ ਨੇ ਪਿਛਲੇ ਸਾਲ ਦੇ ਅੰਤ ਵਿੱਚ ਕੈਂਪੇਨ ਦੌਰਾਨ ਇਹ ਆਖਿਆ ਸੀ ਕਿ ਉਹ ਇਹ ਜਾਣਦੀ ਹੈ ਕਿ ਉਹ ਜੋ ਵੀ ਕਰਦੀ ਹੈ ਉਸ ਵਿੱਚ ਉਹ ਬਹੁਤ ਵਧੀਆ ਹੁੰਦੀ ਹੈ।
ਵੀਰਵਾਰ ਨੂੰ ਦਿੱਤੀ ਜਾਣ ਵਾਲੇ ਆਪਣੇ ਭਾਸ਼ਣ ਵਿੱਚ ਪੈਲੋਸੀ ਵੰਡੀ ਹੋਈ ਸਰਕਾਰ ਦੇ ਨਵੇਂ ਯੁੱਗ ਲਈ ਸਹਿਮਤੀ ਦੇਵੇਗੀ। ਉਨ੍ਹਾਂ ਆਖਿਆ ਕਿ ਇਸ ਹਾਊਸ ਦੀ ਜ਼ਮੀਨ ਅਮਰੀਕਾ ਦਾ ਟਾਊਨ ਹਾਲ ਹੋਣਾ ਚਾਹੀਦਾ ਹੈ ਜਿੱਥੇ ਲੋਕ ਸਾਡੀਆਂ ਬਹਿਸਾਂ ਵੇਖਣ ਤੇ ਜਿੱਥੇ ਉਨ੍ਹਾਂ ਦੀਆਂ ਆਵਾਜ਼ਾਂ ਸੁਣੀਆਂ ਜਾ ਸਕਣ ਤੇ ਸਾਡੇ ਫੈਸਲੇ ਉਨ੍ਹਾਂ ਤੋਂ ਪ੍ਰਭਾਵਿਤ ਹੋ ਸਕਣ। ਉਨ੍ਹਾਂ ਡੈਮੋਕ੍ਰੈਟਿਕ ਕਦਰਾਂ ਕੀਮਤਾਂ ਦੀ ਗੱਲ ਕਰਦਿਆਂ ਹੈਲਥ ਕੇਅਰ ਦੀ ਕੌਸਟ ਘਟਾਉਣ, ਗ੍ਰੀਨ ਇਨਫਰਾਸਟ੍ਰਚਰ ਵਿੱਚ ਨਿਵੇਸ਼ ਕਰਨ ਤੇ ਸਰਕਾਰ ਦੀ ਏਕਤਾ ਬਣਾਈ ਰੱਖਣ ਦਾ ਤਹੱਈਆ ਵੀ ਪ੍ਰਗਟਾਇਆ। ਉਨ੍ਹਾਂ ਇਹ ਵੀ ਆਖਿਆ ਕਿ ਸਾਨੂੰ ਮੱਧ ਵਰਗ ਦਾ ਵੀ ਖਾਸ ਖਿਆਲ ਰੱਖਣਾ ਚਾਹੀਦਾ ਹੈ ਕਿਉਂਕਿ ਉਹ ਹੀ ਜਮਹੂਰੀਅਤ ਦੀ ਰੀੜ੍ਹ ਦੀ ਹੱਡੀ ਹੈ।