ਯਾਮੀ ਗੌਤਮ ਪਿਛਲੇ ਕੁਝ ਸਮੇਂ ਤੋਂ ਥ੍ਰਿਲਰ ਫਿਲਮ ‘ਏ ਥਰਸਡੇ’ ਨੂੰ ਲੈ ਕੇ ਸੁਰਖੀਆਂ ਵਿੱਚ ਹੈ। ਪਹਿਲੇ ਮੇਕਰਸ ਨੇ ਉਨ੍ਹਾਂ ਦੀ ਇਸ ਫਿਲਮ ਨੂੰ ਥੀਏਟਰ ਵਿੱਚ ਰਿਲੀਜ਼ ਕਰਨ ਦੀ ਯੋਜਨਾ ਬਣਾਈ ਸੀ, ਪਰ ਫਿਰ ਮੇਕਰਸ ਨੇ ਇਸ ਫਿਲਮ ਨੂੰ ਸਿੱਧਾ ਓ ਟੀ ਟੀ ਉੱਤੇ ਲਿਆਉਣ ਦਾ ਫੈਸਲਾ ਕੀਤਾ ਹੈ।
ਫਿਲਮ ਦੇ ਰਾਈਟਸ ਡਿਜ਼ਨੀ ਪਲੱਸ ਹੌਟਸਟਾਰ ਨੇ ਖਰੀਦ ਲਏ ਹਨ ਅਤੇ ਇਹ ਫਿਲਮ ਡਾਇਰੈਕਟ ਓ ਟੀ ਟੀ ਉੱਤੇ ਰਿਲੀਜ਼ ਹੋਵੇਗੀ। ਮੇਕਰਸ ਇਸ ਬਾਰੇ ਵਿੱਚ ਜਲਦੀ ਹੀ ਅਨਾਊਂਸਮੈਂਟ ਕਰਨਗੇ। ਇਸ ਫਿਲਮ ਦਾ ਨਿਰਦੇਸ਼ਨ ‘ਬਲੈਕ’ ਫੇਮ ਡਾਇਰੈਕਟਰ ਬਹਿਜ਼ਾਦ ਖੰਬਾਟਾ ਨੇ ਕੀਤਾ ਹੈ ਤੇ ਰੌਨੀ ਸਕਰੂਵਾਲਾ ਇਸ ਦੇ ਨਿਰਮਾਤਾ ਹਨ। ਫਿਲਮ ਵਿੱਚ ਯਾਮੀ ਦੇ ਇਲਾਵਾ ਡਿੰਪਲ ਕਪਾਡੀਆ, ਨੇਹਾ ਧੂਪੀਆ ਅਤੇ ਅਤੁਲ ਕੁਲਕਰਨੀ ਵੀ ਨਜ਼ਰ ਆਉਣਗੇ।