ਲੰਡਨ, 5 ਜਨਵਰੀ (ਪੋਸਟ ਬਿਊਰੋ)- ਬ੍ਰਿਟਿਸ਼ ਫ਼ੌਜ 'ਚ ਭਾਰਤੀ ਮੂਲ ਦੀ ਸਿੱਖ ਮਹਿਲਾ ਫ਼ੌਜੀ ਅਧਿਕਾਰੀ ਅਤੇ ਫ਼ੀਜ਼ੀਓਥੈਰੇਪਿਸਟ ਕੈਪਟਨ ਹਰਪ੍ਰੀਤ ਚੰਦੀ ਨੇ ਦੱਖਣੀ ਧਰੁਵ ਦੀ ਬਿਨਾਂ ਸਮਰਥਨ ਦੇ ਇਕੱਲੇ ਯਾਤਰਾ ਕਰਕੇ ਪਹਿਲੀ ‘‘ਗ਼ੈਰ ਗੋਰੀ ਮਹਿਲਾ'' ਬਣ ਕੇ ਇਤਿਹਾਸ ਰੱਚ ਦਿੱਤਾ ਹੈ।
‘ਪੋਲਰ ਪ੍ਰੀਤ' ਦੇ ਨਾਮ ਤੋਂ ਵੀ ਜਾਣੀ ਜਾਣ ਵਾਲੀ ਚੰਦੀ ਨੇ ਆਪਣੇ ਲਾਈਵ ਬਲਾਗ 'ਤੇ ਕੱਲ੍ਹ 40ਵੇਂ ਦਿਨ ਦੇ ਅੰਤ 'ਤੇ 700 ਮੀਲ (1127 ਕਿਲੋਮੀਟਰ) ਦੀ ਯਾਤਰਾ ਕਰਨ ਦੇ ਬਾਅਦ ਆਪਣੇ ਸਾਰੀ ਕਿੱਟ ਨਾਲ ਸਲੇਜ਼ (ਪੁਲ) ਖਿੱਚਦੇ ਹੋਏ ਅਤੇ ਸਿਫ਼ਰ ਤੋਂ 50 ਡਿੱਗਰੀ ਹੇਠਾਂ ਦੇ ਤਾਪਮਾਨ ਅਤੇ ਲੱਗਭਗ 60 ਮੀਲ ਪ੍ਰਤੀ ਘੰਟੇ ਦੀ ਰਫ਼ਤਾਰ ਨਾਲ ਚੱਲ ਰਹੀਆਂ ਹਵਾਵਾਂ ਨਾਲ ਲੜਦੇ ਹੋਏ ਇਤਿਹਾਸ ਰਚਣ ਦਾ ਐਲਾਨ ਕੀਤਾ।ਉਨ੍ਹਾਂ ਲਿਖਿਆ, ‘‘ਮੈਂ ਦੱਖਣੀ ਧਰੁਵ 'ਤੇ ਪਹੁੰਚ ਗਈ, ਜਿੱਥੇ ਬਰਫ਼ਬਾਰੀ ਹੋ ਰਹੀ ਹੈ। ਹਾਲੇ ਮਨ 'ਚ ਬਹੁਤ ਸਾਰੀਆਂ ਸੰਭਾਨਾਵਾਂ ਚਲ ਰਹੀਆਂ ਹਨ। ਮੈਂ ਤਿੰਨ ਸਾਲ ਪਹਿਲਾਂ ਧਰੁਵਾਂ ਦੀ ਦੁੁਨੀਆ ਬਾਰੇ ਕੁਝ ਨਹੀਂ ਜਾਣਦੀ ਸੀ ਅਤੇ ਅੰਤ ਵਿੱਚ ਇੱਥੇ ਪਹੁੰਚਣਾ ਕਿੰਨਾ ਸੱਚਾ ਲਗਦਾ ਹੈ। ਇਥੇ ਪਹੁੰਚਣਾ ਮੁਸ਼ਕਲ ਸੀ ਅਤੇ ਮੈਂ ਸਾਰਿਆਂ ਦੇ ਸਮਰਥਨ ਲਈ ਧਨਵਾਦ ਦੇਣਾ ਚਾਹੁੰਦੀ ਹਾਂ।''ਚੰਡੀ ਨੇ ਕਿਹਾ, ‘‘ਇਹ ਮੁਹਿੰਮ ਹਮੇਸ਼ਾ ਮੇਰੇ ਤੋਂ ਕਿਤੇ ਵੱਧ ਸੀ। ਮੈਂ ਲੋਕਾਂ ਨੂੰ ਆਪਣੀਆਂ ਇੱਛਾਵਾਂ ਨੂੰ ਅੱਗੇ ਵਧਾਉਣ ਅਤੇ ਖੁਦ 'ਤੇ ਭਰੋਸਾ ਕਰਨ ਲਈ ਉਤਸ਼ਾਹਤ ਕਰਨਾ ਚਾਹੁੰਦੀ ਹਾਂ। ਮੈਨੂੰ ਕਈ ਮੌਕਿਆਂ 'ਤੇ ਨਾਂਹ ਕਿਹਾ ਗਿਆ ਅਤੇ ਕਿਹਾ ਗਿਆ ਕਿ ‘ਬਸ ਆਮ ਜਿਹੇ ਕੰਮ ਕਰੋ', ਪਰ ਅਸੀਂ ਆਪਣੇ ਆਮ ਕੰਮ ਨੂੰ ਖਾਸ ਬਣਾਉਂਦੇ ਹਾਂ।'' ਉਨ੍ਹਾਂ ਨੇ ਆਪਣੀ ਯਾਤਰਾ ਦਾ ਲਾਈਵ ਟ੍ਰੈੇਕਿੰਗ ਨਕਸ਼ਾ ਅਪਲੋਡ ਕੀਤਾ ਅਤੇ ਬਰਫ਼ ਨਾਲ ਢਕੇ ਖੇਤਰ 'ਚ ਆਪਣੀ ਯਾਤਰਾ ਦੇ ਨਿਯਮਤ ਬਲਾਗ ਵੀ ਪੋਸਟ ਕੀਤੇ।ਚੰਦੀ ਨੇ ਆਪਣੇ ਬਲਾਗ 'ਤੇ ਪਹਿਲਾਂ ਕਿਹਾ ਸੀ ਕਿ ਐਂਟਾਰਕਟਿਕਾ ਧਰਤੀ ਦਾ ਸਭ ਤੋਂ ਠੰਢਾ, ਸਭ ਤੋਂ ਉਚਾ, ਸਭ ਤੋਂ ਸੁੱਕਾ ਅਤੇ ਹਵਾ ਵਾਲਾ ਮਹਾਂਦੀਪ ਹੈ। ਬ੍ਰਿਟਿਸ਼ ਫ਼ੌਜ ਦੇ ਚੀਫ਼ ਆਫ਼ ਜਨਰਲ ਸਟਾਫ਼ ਨੇ ਚੰਦੀ ਨੂੰ ਉਸਦੀ ਯਾਤਰਾ ਦੇ ਪੂਰਾ ਹੋਣ 'ਤੇ ਵਧਾਈ ਦਿੱਤੀ ਅਤੇ ਨਾਲ ਉਸ ਦੀ ‘‘ਧੀਰਜ ਅਤੇ ਦਿ੍ਰੜਤਾ ਦੀ ਇੱਕ ਪ੍ਰੇਰਨਾਦਾਇਕ ਉਦਾਹਰਣ'' ਵਜੋਂ ਪ੍ਰਸ਼ੰਸਾ ਕੀਤੀ।