ਇੱਕ ਵਿਅਕਤੀ ਆਪਣੇ ਦੋਸਤ ਨੂੰ ਬੋਲਿਆ, ‘‘ਮੈਨੂੰ ਕਿਸੇ ਜਾਨਵਰਾਂ ਦੇ ਡਾਕਟਰ ਕੋਲ ਲੈ ਕੇ ਚਲੋ।”

ਦੋਸਤ (ਹੈਰਾਨ ਹੋ ਕੇ), ‘‘ਉਹ ਕਿਸ ਲਈ?”
ਵਿਅਕਤੀ, ‘‘ਇਸ ਲਈ ਕਿ ਮੁਰਗੇ ਵਾਂਗ ਸਵੇਰੇ ਪੰਜ ਵਜੇ ਜਾਗ ਜਾਂਦਾ ਹਾਂ। ਘੋੜੇ ਵਾਂਗ ਭੱਜ-ਭੱਜ ਕੇ ਦਫਤਰ ਜਾਂਦਾ ਹਾਂ, ਸਾਰਾ ਦਿਨ ਗਧੇ ਵਾਂਗ ਕੰਮ ਕਰਦਾ ਹਾਂ। ਸ਼ਾਮ ਨੂੰ ਘਰ ਆ ਕੇ ਸਭ ਉੱਤੇ ਕੁੱਤੇ ਵਾਂਗ ਭੌਂਕਦਾ ਹਾਂ ਤੇ ਰਾਤ ਬਿੱਲੀ ਵਾਂਗ ਕੋਨੇ ਵਿੱਚ ਸੌਂ ਜਾਂਦਾ ਹਾਂ।”
*******
ਦੋ ਦੋਸਤ ਜੰਗਲ ਵਿੱਚ ਜਾ ਰਹੇ ਸਨ ਕਿ ਸਾਹਮਣੇ ਖੂੰਖਾਰ ਰਿੱਛ ਜਾਂਦਾ ਦਿੱਸਿਆ। ਉਸ ਨੂੰ ਦੇਖ ਕੇ ਇੱਕ ਦੋਸਤ ਨੇੜੇ ਦੇ ਰੁੱਖ ਉੱਤੇ ਚੜ੍ਹ ਗਿਆ। ਦੂਸਰਾ ਸਾਹ ਰੋਕ ਕੇ ਧਰਤੀ ਉੱਤੇ ਲੇਟ ਗਿਆ।
ਲੇਟੇ ਹੋਏ ਨੌਜਵਾਨ ਕੋਲ ਆ ਕੇ ਰਿੱਛ ਬੋਲਿਆ, ‘‘ਤੇਰਾ ਇਹ ਡਰਾਮਾ ਨਹੀਂ ਚੱਲੇਗਾ ਬੱਚੂ, ਕਿਉਂਕਿ ਇਹ ਕਹਾਣੀ ਮੈਂ ਵੀ ਪੜ੍ਹੀ ਹੋਈ ਹੈ।”
*******
ਪਾਗਲ (ਡਾਕਟਰ ਨੂੰ), ‘‘ ਕੀ ਰਾਤ ਨੂੰ ਤੁਸੀਂ ਚੌਕੀਦਾਰੀ ਦੀ ਪਾਰਟ ਟਾਈਮ ਜੌਬ ਕਰਦੇ ਹੋ?”
ਡਾਕਟਰ, ‘‘ਤੈਨੂੰ ਏਦਾਂ ਕਿਉਂ ਲੱਗਾ?”
ਪਾਗਲ, ‘‘ਕਿਉਂਕਿ ਤੁਸੀਂ ਰਾਤ ਨੂੰ ਇਸ ਬਿਲਡਿੰਗ ਦੇ ਚਾਰੇ ਪਾਸੇ ਰਾਊਂਡ ਲਗਾਉਂਦੇ ਨਜ਼ਰ ਆਉਂਦੇ ਹੋ।”