ਓਟਵਾ, 23 ਦਸੰਬਰ (ਪੋਸਟ ਬਿਊਰੋ) : ਸਟੈਟੇਸਟਿਕਸ ਕੈਨੇਡਾ ਵੱਲੋਂ ਜਾਰੀ ਕੀਤੇ ਅੰਕੜਿਆਂ ਅਨੁਸਾਰ ਅਕਤੂਬਰ ਵਿੱਚ ਕੈਨੇਡਾ ਦੇ ਅਸਲ ਕੁੱਲ ਘਰੇਲੂ ਉਤਪਾਦ ਵਿੱਚ 0·8 ਫੀ ਸਦੀ ਦਾ ਵਾਧਾ ਹੋਇਆ।
ਇਹ ਅੰਕੜੇ ਏਜੰਸੀ ਵੱਲੋਂ ਪਿਛਲੇ ਮਹੀਨੇ ਜਾਰੀ ਕੀਤੇ ਗਏ ਮੁੱਢਲੇ ਅੰਦਾਜੇ਼ ਤੇ ਵਿਸ਼ਲੇਸ਼ਕਾਂ ਦੀਆਂ ਉਮੀਦਾਂ ਨਾਲ ਮੇਲ ਖਾਂਦੇ ਹਨ। ਅਕਤੂਬਰ ਦੇ ਮਹੀਨੇ ਬਹੁਤੇ ਸੈਕਟਰਾਂ ਵਿੱਚ ਮੁਨਾਫਾ ਹੋਇਆ ਹੈ, ਇਨ੍ਹਾਂ ਵਿੱਚ ਉਤਪਾਦਨ ਖੇਤਰ ਵੀ ਸ਼ਾਮਲ ਹੈ ਜਿਸ ਵਿੱਚ 1·8 ਫੀ ਸਦੀ ਦਾ ਮੁਨਾਫਾ ਕਮਾਇਆ।ਸਟੈਟੇਸਟਿਕਸ ਆਫਿਸ ਨੇ ਨੋਟਸ ਜੋ ਵੀ ਹੋਣ ਪਰ ਉਤਪਾਦਨ ਦੇ ਖੇਤਰ ਵਿੱਚ ਸੈਮੀਕੰਡਕਟਰ ਚਿੱਪਸ ਦੀ ਘਾਟ ਕਾਰਨ ਤੇ ਸਪਲਾਈ ਚੇਨ ਵਿੱਚ ਆ ਰਹੇ ਅੜਿੱਕਿਆਂ ਕਾਰਨ ਆਟੋ ਮੈਨੂਫੈਕਚਰਿੰਗ ਦੇ ਖੇਤਰ ਵਿੱਚ ਕਮੀ ਪਾਈ ਜਾ ਰਹੀ ਹੈ।
ਇਸ ਤੋਂ ਇਲਾਵਾ ਅਕਤੂਬਰ ਵਿੱਚ ਰੀਟੇਲ ਟਰੇਡ, ਕੰਸਟ੍ਰਕਸ਼ਨ ਤੇ ਘਰਾਂ ਦੀ ਰੀਸੇਲ ਐਕਟੀਵਿਟੀ ਵਿੱਚ ਵੀ ਮੁਨਾਫਾ ਹੋਇਆ ਹੈ। ਇਸ ਦੇ ਨਾਲ ਹੀ ਆਰਟਸ ਤੇ ਐਂਟਰਟੇਨਮੈਂਟ ਸੈਕਟਰ ਵਿੱਚ ਫਾਇਦਾ ਹੋਇਆ।ਸਟੈਟੇਸਟਿਕਸ ਕੈਨੇਡਾ ਦਾ ਕਹਿਣਾ ਹੈ ਕਿ ਅਕਤੂਬਰ ਵਿੱਚ ਇਕਨੌਮਿਕ ਐਕਟੀਵਿਟੀ 0·4 ਫੀ ਸਦੀ ਰਹੀ।