ਤਾਈਪੇ, 27 ਨਵੰਬਰ (ਪੋਸਟ ਬਿਊਰੋ)- ਅਮਰੀਕਾ ਦੇ ਪੰਜਪਾਰਲੀਮੈਂਟ ਮੈਂਬਰਾਂ ਨੇ ਤਾਈਵਾਨ ਦੇ ਰਾਸ਼ਟਰਪਤੀ ਸਾਈ ਇੰਗ ਵੇਨ ਨਾਲ ਕੱਲ੍ਹ ਸਵੇਰੇ ਮੁਲਾਕਾਤ ਕੀਤੀ। ਅਚਾਨਕ ਹੋਈ ਇਹ ਮੁਲਾਕਾਤ ਚੀਨ ਦੀ ਧਮਕੀ ਤੋਂ ਬਾਅਦ ਤਾਈਵਾਨ ਨੂੰ ਅਮਰੀਕਾ ਦੇ ਮੁਕੰਮਲ ਸਮੱਰਥਨ ਦਾ ਇੱਕ ਹੋਰ ਸਬੂਤ ਹੈ।
ਕੱਲ੍ਹ ਰਾਤ ਅਮਰੀਕੀ ਪ੍ਰਤੀਨਿਧੀ ਸਭਾ ਵਿੱਚੋਂ ਹਾਕਮ ਅਤੇ ਵਿਰੋਧੀ ਪਾਰਟੀਆਂ ਦੇ ਪਾਰਲੀਮੈਂਟ ਮੈਂਬਰਾਂ ਦਾ ਇੱਕ ਗਰੁੱਪਤਾਈਵਾਨ ਪੁੱਜਾ ਅਤੇ ਰਾਸ਼ਟਰਪਤੀ ਸਾਈ ਸਮੇਤ ਕਈ ਸੀਨੀਅਰ ਨੇਤਾਵਾਂ ਨਾਲ ਮੁਲਾਕਾਤ ਕੀਤੀ। ਤਾਈਵਾਨ ਦੀਇੱਕ ਅਮਰੀਕੀ ਸੰਸਥਾ, ਜਿਸ ਨੂੰ ਦੂਤਘਰ ਮੰਨਿਆ ਜਾਂਦਾ ਹੈ, ਨੇ ਦੋਵਾਂ ਦੇਸ਼ਾਂ ਦੇ ਨੇਤਾਵਾਂ ਦੀ ਮੁਲਾਕਾਤ ਦੇ ਸਬੰਧ ਵਿੱਚ ਹੋਰ ਕੋਈ ਜਾਣਕਾਰੀ ਨਹੀਂ ਦਿੱਤੀ। ਅਮਰੀਕੀ ਪਾਰਲੀਮੈਂਟ ਮੈਂਬਰਾਂ ਦਾ ਇਹ ਦੌਰਾ ਓਦੋਂ ਹੋਇਆ ਹੈ, ਜਦੋਂ ਦਹਾਕਿਆਂ ਦੇ ਬਾਅਦ ਤਨਾਅ ਆਪਣੇ ਸਿਖਰ ਉੱਤੇ ਹੈ। ਸਾਲ 1949 ਦੇ ਗ੍ਰਹਿ ਯੁੱਧ ਤੋਂ ਬਾਅਦ ਵੱਖ ਹੋਏ ਦੋ ਦੇਸ਼ਾਂ ਚੀਨ ਤੇ ਤਾਈਵਾਨ ਵਿਚਾਲੇ ਹਮੇਸ਼ਾ ਤੋਂ ਤਣਾਅ ਰਿਹਾ ਹੈ, ਪਰ ਚੀਨ ਅੱਜਤੱਕ ਵੀ ਉਸ ਨੂੰ ਆਪਣੇ ਅਨਿੱਖੜਵਾਂ ਅੰਗ ਮੰਨਦਾ ਹੈ।ਅਮਰੀਕੀ ਪਾਰਲੀਮੈਂਟ ਮੈਂਬਰ ਐਲੀਸਾ ਸਟੋਕਿਨ ਨੇ ਟਵੀਟ ਕਰ ਕੇ ਕਿਹਾ ਕਿ ਸਾਡੇ ਦੌਰੇ ਦੀ ਖ਼ਬਰ ਜਦੋਂ ਜਨਤਕ ਹੋ ਗਈ, ਉਦੋਂ ਸਾਡੇ ਦਫ਼ਤਰ ਵਿੱਚ ਚੀਨੀ ਦੂਤਘਰ ਤੋਂ ਇੱਕ ਧਮਕੀ ਵਾਲਾ ਪੱਤਰ ਆਇਆ। ਉਸ ਵਿੱਚ ਕਿਹਾ ਗਿਆ ਸੀ ਕਿ ਅਮਰੀਕੀ ਪਾਰਲੀਮੈਂਟ ਮੈਂਬਰ ਇਸ ਦੌਰੇ ਤੋਂ ਵਾਪਸ ਚਲੇ ਜਾਣ। ਅਮਰੀਕੀ ਪਾਰਲੀਮੈਂਟਮੈਂਬਰਾਂ ਦੇ ਇਸ ਨੁਮਾਇੰਦਗੀ ਵਾਲੇ ਵਫ਼ਦ ਵਿੱਚ ਮਾਰਕ ਟਕਾਨੋ ਅਤੇ ਮੇਸ ਸ਼ਾਮਲ ਹਨ, ਜਿਹੜਾ ਤਾਈਵਾਨ ਵਿੱਚ ਗਿਆ ਹੈ।