ਇਸਲਾਮਾਬਾਦ, 27 ਨਵੰਬਰ (ਪੋਸਟ ਬਿਊਰੋ)- ਪਾਕਿਸਤਾਨ ਦਾ ਮੁੱਖ ਨਾਗਰਿਕ ਡਾਟਾਬੇਸ ਹੈਕ ਕਰਨ ਦਾ ਭੇਦ ਖੁੱਲ੍ਹਾ ਹੈ। ਫੈਡਰਲ ਜਾਂਚ ਏਜੰਸੀ (ਐਫ ਆਈ ਏ) ਨੇ ਇੱਕ ਪਾਰਲੀਮੈਂਟਰੀ ਪੈਨਲ ਨੂੰ ਸੂਚਨਾ ਵਿੱਚ ਕਿਹਾ ਕਿ ਅਜੇ ਤੱਕ ਇਸ ਦੀ ਵਰਤੋਂ ਸਿਰਫ ਨਾਜਾਇਜ਼ ਮੋਬਾਈਲ ਸਿਮ ਕਾਰਡ ਜਾਰੀ ਕਰਨ ਲਈ ਕੀਤੀ ਗਈ ਹੈ।
ਐਫ ਆਈ ਏ ਨੇ ਸੂਚਨਾ ਟੈਕਨਾਲੋਜੀ ਅਤੇ ਟੈਲੀਕਾਮ ਬਾਰੇ ਨੈਸ਼ਨਲ ਅਸੈਂਬਲੀ ਸਟੈਂਡਿੰਗ ਕਮੇਟੀ ਨੂੰ ਨੈਸ਼ਨਲ ਡਾਟਾਬੇਸ ਐਂਡ ਰਜਿਸਟ੍ਰੇਸ਼ਨ ਅਥਾਰਿਟੀ (ਨਾਦਰਾ) ਦੇ ਡਾਟਾ ਹੈਕਬਾਰੇ ਦੱਸਿਆ।ਐਫ ਆਈ ਏ ਦੇ ਸਾਈਬਰ ਕ੍ਰਾਈਮ ਵਿੰਗ ਦੇ ਮੁਖੀ ਐਡੀਸ਼ਨਲ ਡਾਇਰੈਕਟਰ ਤਾਰਿਕ ਨੇ ਕਿਹਾ ਕਿ ਨਾਦਰਾ ਦੇ ਡਾਟਾ ਵੇਚੇ ਜਾ ਰਹੇ ਸਨ। ਪਾਕਿਸਤਾਨ ਦੇ ਨਾਗਰਿਕਾਂ ਦਾ ਪੂਰਾ ਡਾਟਾ ਰਿਕਾਰਡ ਕਰਨ ਪਿੱਛੋਂ ਨਾਗਰਿਕਾਂ ਨੂੰ ਆਈ-ਕਾਰਡ ਅਤੇ ਪਾਸਪੋਰਟ ਜਾਰੀ ਕਰਨ ਦਾ ਇੱਕੋ ਇੱਕ ਅਧਿਕਾਰ ਨਾਦਰਾ ਕੋਲ ਹੈ। ਉਨ੍ਹਾਂ ਨੇ ਕਿਹਾ ਕਿ ਸਿਮ ਤਸਦੀਕ ਵਿੱਚ ਬਾਇਓਮੈਟ੍ਰਿਕ ਡਾਟਾ ਸ਼ਾਮਲ ਹੈ। ਨਾਦਰਾ ਦੇ ਬਾਇਓਮੈਡਟ੍ਰਿੇਕ ਸਿਸਟਮ ਨਾਲ ਛੇੜਖਾਨੀ ਹੋਈ ਹੈ। ਉਨ੍ਹਾਂ ਕਿਹਾ ਕਿ ਪੰਜਾਬ ਦੇ ਫੈਸਲਾਬਾਦ ਖੇਤਰ ਵਿੱਚ ਹੋਈ ਪੁਲਸ ਦੀ ਇੱਕ ਕਾਰਵਾਈ ਦੌਰਾਨ 13,000 ਨਕਲੀ ਸਿਮ ਜ਼ਬਤ ਕੀਤੇ ਗਏ ਹਨ।