ਨਵੀਂ ਦਿੱਲੀ, 16 ਅਕਤਬੂਰ (ਪੋਸਟ ਬਿਊਰੋ)- ਚੀਨ ਦੀ ਮੀਡੀਆ ਦੇ ਵੱਲੋਂ ਜਾਰੀ ਕੀਤੇ ਵੀਡੀਓ ਨੂੰ ਲੈ ਕੇ ਕਾਂਗਰਸ ਨੇ ਸਰਕਾਰ ਨੂੰ ਘੇਰਿਆ ਹੈ, ਜਿਸ ਵਿੱਚ ਕੁਝ ਜ਼ਖ਼ਮੀ ਭਾਰਤੀ ਜਵਾਨ ਚੀਨ ਦੇ ਕਬਜ਼ੇ ਵਿੱਚ ਨਜ਼ਰ ਆ ਰਹੇ ਹਨ।
ਇਸ ਵੀਡੀਓਬਾਰੇ ਸਰਕਾਰ ਦੀ ਚੁੱਪ ਉੱਤੇਕਾਂਗਰਸ ਨੇ ਕਿਹਾ ਕਿ ਜੇ ਇਹ ਸੱਚ ਹੈ ਤਾਂ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੂੰ ਇਹ ਯਕੀਨੀ ਕਰਨਾ ਚਾਹੀਦਾ ਕਿ ਚੀਨ ਨੂੰ ਯੁੱਧ ਅਪਰਾਧ ਦਾ ਜ਼ਿੰਮੇਦਾਰ ਠਹਿਰਾਇਆ ਜਾਵੇ।ਭਾਰਤੀ ਜਵਾਨਾਂ ਨੂੰ ਬੰਦੀ ਬਣਾਏ ਜਾਣ ਦਾ ਵੀਡੀਓ ਜਾਰੀ ਕਰਦੇ ਹੋਏ ਚੀਨੀ ਮੀਡੀਆ ਨੇ ਦਾਅਵਾ ਕੀਤਾ ਹੈ ਕਿ ਚੀਨੀ ਫੌਜ ਨੇ ਗਲਵਾਨ ਘਾਟੀ ਵਿੱਚ ਸੰਘਰਸ਼ ਦੌਰਾਨ ਜ਼ਖ਼ਮੀ ਹੋਏ ਭਾਰਤੀ ਸੈਨਿਕਾਂ ਨੂੰ ਫੜਿਆ ਸੀ। ਸਾਹਮਣੇ ਆਏ ਵੀਡੀਓ ਵਿੱਚ ਚੀਨੀ ਸੈਨਿਕ ਕੁਝ ਭਾਰਤੀ ਸੈਨਿਕਾਂ ਨੂੰ ਫੜ ਕੇ ਚੱਲਦੇ ਦਿਖਾਈ ਦੇਂਦੇ ਹਨ।
ਪਿਛਲੇ ਸਾਲ ਜੂਨ ਵਿੱਚ ਭਾਰਤ ਅਤੇ ਚੀਨ ਦੇ ਫੌਜੀਆਂ ਦਾ ਭੇੜ ਹੋਇਆ ਸੀ, ਜਿਸ ਵਿੱਚ 20 ਭਾਰਤੀ ਸੈਨਿਕ ਅਤੇ ਕਈ ਚੀਨੀ ਸੈਨਿਕ ਮਾਰੇ ਗਏ ਸੀ। ਕਾਂਗਰਸ ਦੇ ਬੁਲਾਰੇ ਪਵਨ ਖੇੜਾ ਨੇ ਕਿਹਾ ਕਿ ਇਸ ਵੀਡੀਓ ਦੀ ਸਚਾਈ ਉੱਤੇ ਸਰਕਾਰ ਦੀ ਚੁੱਪ ਹੈਰਾਨ ਕਰਨ ਵਾਲੀ ਹੈ। ਜੇ ਵੀਡੀਓ ਸਹੀ ਹੈ ਤਾਂ ਇਹ ਯੁੱਧ ਅਪਰਾਧ ਦੀ ਸ਼੍ਰੇਣੀ ਵਿੱਚ ਆਉਂਦਾ ਹੈ ਤੇ ਜਿਸ ਦੇ ਲਈ ਯਕੀਨੀ ਰੂਪ ਨਾਲ ਚੀਨ ਦੇ ਖ਼ਿਲਾਫ਼ ਅੰਤਰਰਾਸ਼ਟਰੀ ਅਪਰਾਧ ਅਦਾਲਤ ਵਿੱਚ ਕੇਸ ਚੱਲ ਸਕਦਾ ਹੈ।