ਵਾਸ਼ਿੰਗਟਨ, 11 ਅਕਤੂਬਰ (ਪੋਸਟ ਬਿਊਰੋ)- ਅਮਰੀਕਾ ਦੇ ਸਾਬਕਾ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਕਿਹਾ ਹੈ ਕਿ ਅਫਗਾਨਿਸਤਾਨ ਵਿੱਚ ਰਹਿ ਗਈ ਫੌਜੀ ਮਸ਼ੀਨਰੀ ਨਾਲ ਰੂਸ ਅਤੇ ਚੀਨ ਸਮੇਤ ਹੋਰ ਦੇਸ਼ਾਂ ਨੂੰ ਲਾਭ ਹੋਵੇਗਾ।
ਡੋਨਾਲਡ ਟਰੰਪ ਨੇ ਕੱਲ੍ਹ ਡੇਸ ਮੋਈਨੇਸ ਵਿੱਚ ‘ਅਮਰੀਕਾ ਬਚਾਓ ਰੈਲੀ’ ਵਿੱਚ ਕਿਹਾ ਕਿ ਰੂਸ ਅਤੇ ਚੀਨ ਕੋਲ ਪਹਿਲਾਂ ਹੀ ਸਾਡੇ ਮਹਾਨ ਹੈਲੀਕਾਪਟਰਾਂ ਦੇ ਨਮੂਨੇ ਹਨ, ਸਾਡੇ ਕੋਲ ਅਪਾਚੇ ਹੈਲੀਕਾਪਟਰ ਹੈ ਤੇ ਉਹ ਸਾਡੀ ਮਸ਼ੀਨਰੀ ਦੀ ਇੰਜੀਨੀਅਰਿੰਗ ਅਤੇ ਡੀ-ਇੰਜੀਨੀਅਰਿੰਗ ਕਰ ਰਹੇ ਹਨ। ਉਹ ਬਹੁਤ ਛੇਤੀ ਘੱਟ ਪੈਸਿਆਂ ਵਿੱਚ ਸਭ ਤੋਂ ਚੰਗੇ ਹਥਿਆਰ ਬਣਾ ਲੈਣਗੇ।ਸਾਬਕਾ ਰਾਸ਼ਟਰਪਤੀ ਟਰੰਪ ਨੇ ਕਿਹਾ ਕਿ ਦਾਅਵਿਆਂ ਦੇ ਉਲਟ ਅਫਗਾਨਿਸਤਾਨ ਵਿੱਚ ਛੱਡੀ ਮਸ਼ੀਨਰੀ ਨਕਾਰਾ ਨਹੀਂ ਸੀ ਤੇ ਅਮਰੀਕੀ ਹਥਿਆਰ ਅਤੇ ਮਸ਼ੀਨਰੀ ਵੱਡੀ ਗਿਣਤੀ ਵਿੱਚ ਕਾਲੇ ਬਾਜ਼ਾਰ ਵਿੱਚਵਿਕ ਰਹੀ ਹੈ। ਟਰੰਪ ਨੇ ਦੋਸ਼ ਲਾਇਆ ਕਿ ਅਮਰੀਕੀ ਨਿਕਾਸੀ ਉਡਾਣਾਂ ਵਿੱਚ ਅਫਗਾਨਿਸਤਾਨ ਤੋਂ ਕੱਢੇ ਗਏ ਸਾਰੇ ਲੋਕਾਂ ਵਿੱਚੋਂ ਸਿਰਫ਼ ਤਿੰਨ ਫੀਸਦੀ ਹੀ ਵਾਸ਼ਿੰਗਟਨ ਲਿਜਾਣ ਦੇ ਕਾਬਲ ਸਨ।