ਲੈਸਟਰ, 27 ਸਤੰਬਰ (ਪੋਸਟ ਬਿਊਰੋ)- ਪੰਜਾਬੀ ਭਾਵੇਂ ਦੁਨੀਆ ਦੇ ਕਿਸੇ ਕੋਨੇ ਵਿੱਚ ਵੀ ਚਲੇ ਜਾਣ, ਸਖ਼ਤ ਮਿਹਨਤ ਕਰਕੇ ਆਪਣੇ ਸੁਫਨੇ ਸਾਕਾਰ ਕਰ ਹੀ ਲੈਂਦੇ ਹਨ। ਇਸੇ ਤਰ੍ਹਾਂ ਦੀ ਮਿਸਾਲ ਇੰਗਲੈਂਡ ਸਭ ਤੋਂ ਛੋਟੀ ਉਮਰ ਦਾ ਲੈਸਟਰ ਦਾ ਲਾਡਰ ਮੇਅਰ ਬਣ ਕੇ ਪੰਜਾਬੀ ਨੌਜਵਾਨ ਦੀਪਕ ਬਜਾਜ (38) ਨੇ ਪੈਦਾ ਕੀਤੀ ਹੈ।
ਵਰਨਣ ਯੋਗ ਹੈ ਕਿ ਦੀਪਕ ਬਜਾਜ ਦੀ ਨਿਯੁਕਤੀ ਭਾਵੇਂ ਪਹਿਲਾਂ ਹੋ ਚੁੱਕੀ ਸੀ, ਪਰ ਕੋਰੋਨਾ ਦੇ ਕਾਰਨ ਉਨ੍ਹਾਂ ਦੀ ਤਾਜਪੋਸ਼ੀ ਰਸਮੀ ਤੌਰ ਉੱਤੇ ਕੱਲ੍ਹ ਸਿਟੀ ਕੌਂਸਲ ਵੱਲੋਂ ਕਰਵਾਏ ਸਮਾਗਮ ਮੌਕੇ ਕੀਤੀ ਗਈ। ਲਾਰਡ ਮੇਅਰ ਬਣੇ ਦੀਪਕ ਬਜਾਜ ਨੇ ਆਖਿਆ ਕਿ ਵਿਦਿਅਕ ਤਜ਼ਰਬੇ ਸਾਂਝੇ ਕਰਨ ਲਈ ਹਰ ਸਾਲ ਜਿੱਥੇ ਲੈਸਟਰ ਤੋਂ ਵਿਦਿਆਰਥੀਆਂ ਨੂੰ ਪੰਜਾਬ ਸਮੇਤ ਭਾਰਤ ਦੀਆਂ ਵੱਖ-ਵੱਖ ਯੂਨੀਵਰਸਿਟੀਆਂ ਵਿੱਚ ਭੇਜਿਆ ਜਾਵੇਗਾ, ਉਥੇ ਪੰਜਾਬ ਤੋਂ ਵਿਦਿਆਰਥੀਆਂ ਨੂੰ ਲੈਸਟਰ ਸੱਦਿਆ ਜਾਵੇਗਾ। ਉਨ੍ਹਾ ਕਿਹਾ ਕਿ ਉਹ ਪੰਜਾਬ ਦਾ ਜੰਮਪਲ ਹੈ ਤੇ ਪੰਜਾਬ ਦੀ ਮਿੱਟੀ ਨਾਲ ਮੋਹ ਕਾਇਮ ਹੈ, ਭਾਵੇਂ ਬਚਪਨ ਵਿੱਚ ਇੰਗਲੈਂਡ ਆ ਗਏ ਸੀ।