ਆਕਲੈਂਡ, 27 ਸਤੰਬਰ (ਪੋਸਟ ਬਿਊਰੋ)- ਨਿਊਜ਼ੀਲੈਂਡ ਦੇਵੱਡੇ ਸ਼ਹਿਰ ਆਕਲੈਂਡ ਦੇ ਪਾਪਾਟੋਏਟੋਏ ਵਿਖੇ ਰਹਿੰਦੇ 24 ਸਾਲਾ ਪੰਜਾਬੀ ਨੌਜਵਾਨ ਰੌਬਿਨਪ੍ਰੀਤ ਸਿੰਘ ਨੂੰ ਕੱਲ੍ਹ ਸਵੇਰੇ ਉਸਦੇ ਬੈਡਰੂਨ ਵਿੱਚ ਮ੍ਰਿਤਕ ਹਾਲਤ ਵਿੱਚ ਪਾਇਆ ਗਿਆ। ਇਹ ਨੌਜਵਾਨ ਆਮ ਵਾਂਗਰੋਜ਼ਾਨਾ ਦੇ ਕੰਮ ਤੋਂ ਘਰੇ ਆਇਆ ਅਤੇ ਰਾਤ ਖਾਣਾ ਖਾ ਕੇ ਸੁੱਤਾ ਸੀ।
ਰੌਬਿਨਪ੍ਰੀਤ ਦੀ ਮੌਤ ਦਾ ਉਸ ਵੇਲੇ ਪਤਾ ਲੱਗਾ ਜਦੋਂ ਉਸ ਨੂੰ ਘਰ ਦੇ ਕਿਸੇ ਮੈਂਬਰ ਨੇ ਵੇਖਿਆ ਕਿ ਉਹ ਸਵੇਰੇ ਉਠਿਆ ਨਹੀਂ ਤੇ ਜਗਾਉਣ ਦੀ ਕੋਸ਼ਿਸ਼ ਕੀਤੀ। ਇਹ ਨੌਜਵਾਨ ਇੱਥੇ ਕਿਸੇ ਪਰਵਾਰ ਨਾਲ ਕਿਰਾਏ ਉਤੇ ਕੁਝ ਮਹੀਨਿਆਂ ਤੋਂ ਰਹਿਣ ਲੱਗਾ ਸੀ। ਉਹ ਆਪਣੇ ਕਮਰੇ ਵਿੱਚ ਇਕੱਲਾ ਹੁੰਦਾ ਸੀ। ਪਰਵਾਰ ਨੇ ਤੁਰੰਤ ਐਂਬੂਲੈਂਸ ਬੁਲਾਈ, ਪਰ ਉਸ ਵੇਲੇ ਤਕ ਉਸ ਦੀ ਮੌਤ ਹੋ ਚੁੱਕੀ ਸੀ। ਪੁਲਸ ਨੇ ਉਸਦਾ ਮ੍ਰਿਤਕ ਸਰੀਰ ਲੈ ਕੇ ਅਗਲੀ ਕਾਨੂੰਨੀ ਕਾਰਵਾਈ ਲਈ ਭੇਜ ਦਿੱਤਾ ਹੈ।ਇਹ ਨੌਜਵਾਨ ਪਿੰਡ ਨਾਰਲਾ ਨੇੜੇ (ਤਰਨਤਾਰਨ) ਦਾ ਵਸਨੀਕ ਸੀ ਅਤੇ 2017 ਵਿੱਚ ਇੱਥੇ ਪੜ੍ਹਾਈ ਕਰਨ ਆਇਆ ਸੀ। ਪਰਵਾਰ ਇਸ ਵੇਲੇ ਤਰਨਤਾਰਨ ਹੀ ਹੈ। ਇਸਦੇ ਪਿਤਾ ਕੁਲਵੰਤ ਸਿੰਘ ਪੰਜਾਬ ਪੁਲਸ ਵਿੱਚ ਹਨ ਅਤੇ ਮਾਤਾ ਸਰਬਜੀਤ ਕੌਰ ਘਰੇਲੂ ਔਰਤ ਹੈ। ਰੌਬਿਨਪ੍ਰੀਤ ਮਾਪਿਆਂ ਦਾ ਇਕੱਲਾ ਪੁੱਤਰ ਸੀ ਅਤੇ ਇੱਕ ਵੱਡੀ ਭੈਣ ਹੈ। ਪੰਜਾਬ ਰਹਿੰਦੇ ਪਰਵਾਰ ਨੂੰ ਦੱਸ ਦਿੱਤਾ ਗਿਆ ਹੈ। ਇਸ ਨੌਜਵਾਨ ਦੇ ਦੋਸਤ-ਮਿੱਤਰ ਰਲ-ਮਿਲ ਕੇ ਉਸ ਦੇ ਮ੍ਰਿਤਕ ਸਰੀਰ ਨੂੰ ਇੰਡੀਆ ਭੇਜਣ ਦਾ ਪ੍ਰਬੰਧ ਕਰ ਰਹੇ ਹਨ।