* ਕੰਪਿਊਟਰ ਹੈਕ ਕਰ ਕੇ ਪੇਪਰ ਕਰਾਉਂਦੇ15 ਜਣੇ ਕਾਬੂ
ਪਟਿਆਲਾ, 26 ਸਤੰਬਰ (ਪੋਸਟ ਬਿਊਰੋ)- ਪੰਜਾਬ ਪੁਲਸ ਵਿੱਚ ਪਿਛਲੇ ਦਿਨੀਂ ਸਬ ਇੰਸਪੈਕਟਰਾਂ ਦੀ ਭਰਤੀ ਲਈ ਪੰਜ ਸੌ ਤੋਂ ਵੱਧ ਪੋਸਟਾਂ ਲਈ ਪੰਜਾਬ ਵਿੱਚ ਹੋਏ ਲਿਖਤੀ ਇਮਤਿਹਾਨਦਾ ਵੱਡਾ ਘੋਟਾਲਾ ਨਿਕਲਿਆ ਹੈ।
ਵਰਨਣ ਯੋਗ ਹੈ ਕਿ ਇਸ ਟੈੱਸਟ ਲਈ ਸਰਕਾਰ ਨੇ ਇੱਕ ਪ੍ਰਾਈਵੇਟ ਫਰਮ ਨੂੰ ਠੇਕਾ ਦਿੱਤਾ ਸੀ, ਪਰ ਇਸ ਫਰਮ ਦੇ ਕੁਝ ਮੌਜੂਦਾ ਅਤੇ ਕੁਝ ਪੁਰਾਣੇ ਮੁਲਾਜ਼ਮਾਂ ਨੇ ਆਧੁਨਿਕ ਤਕਨੀਕ ਨਾਲ ਕਿਸੇ ਵਿਸ਼ੇਸ਼ ਸਾਫਟਵੇਅਰ ਰਾਹੀਂਇਮਤਿਹਾਨਕੇਂਦਰਾਂ ਤੋਂ ਬਾਹਰ ਬੈਠ ਕੇ ਅੰਦਰ ਇਮਤਿਹਾਨ ਦੇਂਦੇ ਉਮੀਦਵਾਰਾਂ ਦੇ ਕੰਪਿਊਟਰਾਂ ਤਕ ਲਿੰਕ ਬਣਾਏਤੇ ਉਨ੍ਹਾਂ ਦੇ ਸਵਾਲ ਹੱਲ ਕਰਵਾ ਦਿੱਤੇ। ਇਹ ਨਿਵੇਕਲਾ ਅਤੇ ਪਹਿਲਾ ਮਾਮਲਾ ਹੈ, ਜਿਸ ਵਿੱਚ ਕਰੋੜਾਂ ਰੁਪਏ ਦੇ ਲੈਣ-ਦੇਣ ਹੋਣ ਦਾ ਅੰਦਾਜ਼ਾ ਹੈ। ਇਸ ਕੰਮ ਕਰਨ ਲਈ ਇਸ ਗੈਂਗ ਵੱਲੋਂ ਪ੍ਰਤੀ ਉਮੀਦਵਾਰ ਤੀਹ ਲੱਖ ਰੁਪਏ ਵਿੱਚ ਸੌਦਾ ਕੀਤੇ ਜਾਣ ਦੀ ਗੱਲ ਨਿਕਲ ਰਹੀ ਹੈ। ਭਾਵੇਂ ਇਸ ਕੇਸ ਦੀ ਜਾਂਚ ਬਾਰੇ ਪੁਲਸ ਕੋਈ ਗੱਲ ਬਾਹਰ ਨਹੀਂ ਆਉਣ ਦੇ ਰਹੀ, ਪਰ ਉੱਚ ਪੱਧਰੀ ਸੂਤਰਾਂ ਤੋਂ ਮਿਲੀ ਜਾਣਕਾਰੀ ਅਨੁਸਾਰ ਇਸ ਬਾਰੇ ਪਟਿਆਲਾ ਪੁਲਸ ਨੇ ਬਾਕਾਇਦਾ ਕੇਸ ਦਰਜ ਕਰ ਕੇ ਦਰਜਨ ਤੋਂ ਵੱਧ ਲੋਕਾਂ ਨੂੰ ਗ੍ਰਿਫਤਾਰ ਕੀਤਾ ਹੈ। ਪਤਾ ਲੱਗਾ ਹੈ ਕਿ ਇਨ੍ਹਾਂ ਚਾਰ ਕੇਡਰਾਂ ਦੀਆਂ 560 ਪੋਸਟਾਂਵਿੱਚ ਜ਼ਿਲ੍ਹਾ ਕੇਡਰ, ਆਰਮਡ ਪੁਲਸ ਕੇਡਰ, ਇੰਟੈਲੀਜੈਂਸ ਅਤੇ ਜਾਂਚ ਕੇਡਰ ਸ਼ਾਮਲ ਸਨ ਅਤੇ ਅਪਲਾਈ ਕਰਨ ਵਾਲੇ ਲੱਖਾਂ ਉਮੀਦਵਾਰਾਂ ਲਈ ਸ਼ਰਤ ਸੀ ਕਿ ਉਨ੍ਹਾਂ ਨੂੰ ਪਹਿਲਾਂ ਲਿਖਤੀ ਟੈੱਸਟਪਾਸ ਕਰਨਾ ਪਵੇਗਾ। ਇਸ ਵਿੱਚੋਂ ਮੈਰਿਟ ਵਿੱਚ ਆਉਣ ਵਾਲਿਆਂ ਨੂੰ ਫਿਜੀਕਲ ਟੈਸਟ ਲਈ ਸੱਦਿਆ ਜਾਵੇਗਾ। ਇਸ ਦਾ 800 ਨੰਬਰਾਂ ਦਾਟੈੱਸਟਦੋ ਗੇੜ ਵਿੱਚਹੋਇਆ ਹੈ। ਸਰਕਾਰ ਨਾਲ ਸਮਝੌਤੇ ਤਹਿਤ ਸਬੰਧਤ ਫਰਮ ਨੇ ਆਪ ਬਣਾਏ ਇਮਤਿਹਾਨਕੇਂਦਰਾਂ ਵਿੱਚ ਕੰਪਿਊਟਰਾਂ ਦਾ ਪ੍ਰਬੰਧ ਕੀਤਾ ਸੀ। ਇਸ ਦੌਰਾਨ ਇਸ ਫਰਮ ਦੇ ਮੌਜੂਦਾ ਅਤੇ ਪੁਰਾਣੇ ਮੁਲਾਜ਼ਮਾਂ ਨੇ ਸੂਚਨਾ ਤਕਨੀਕ ਹੇਠ ਪਹਿਲਾਂ ਤੋਂ ਬਣਾਈ ਵਿਉਂਤ ਹੇਠ ਕਿਸੇ ਸਾਫਟਵੇਅਰ ਨਾਲ ਆਪਣੇ ਗਾਹਕ ਬਣਾਏ ਅਤੇ ਉਨ੍ਹਾਂ ਦੇ ਕੰਪਿਊਟਰਾਂ ਨਾਲ ਅਟੈਚ ਹੋ ਕੇ ਪ੍ਰੀਕ੍ਰਿਆ ਵਿਚਲੇ ਸਾਰੇ ਸਵਾਲ ਹੱਲ ਕਰਵਾ ਦਿੱਤੇ। ਪੁਲਸ ਨੂੰ ਇਸ ਦਾ ਪਤਾ ਟੈੱਸਟਹੋਣ ਤੋਂ ਬਾਅਦ ਲੱਗਾ। ਇਸ ਸਬੰਧੀ ਕੋਈ ਪੁਲਸ ਅਧਿਕਾਰੀ ਕੁਝ ਦੱਸਣ ਨੂੰ ਤਿਆਰ ਨਹੀਂ, ਪਰ ਉੱਚ ਪੱਧਰੀ ਸੂਤਰਾਂ ਦਾ ਕਹਿਣਾ ਹੈ ਕਿ ਇਸ ਘੋਟਾਲੇ ਬਾਰੇ ਪਤਾ ਲੱਗਣ ਉੱਤੇ ਪਟਿਆਲੇ ਦੇ ਐਸ ਐਸ ਪੀ ਡਾਕਟਰ ਸੰਦੀਪ ਕੁਮਾਰ ਗਰਗ ਦੇ ਹੁਕਮਾਂ ਉੱਤੇ ਥਾਣਾ ਅਨਾਜ ਮੰਡੀ ਵਿੱਚ ਕੇਸ ਦਰਜ ਹੋਇਆਹੈ। ਪਹਿਲਾਂ ਇਸ ਕੇਸ ਵਿੱਚ ਤਿੰਨ ਨਾਂਅਸਨ, ਪਰ ਇਨ੍ਹਾਂ ਦੀ ਗ੍ਰਿਫਤਾਰੀਪਿੱਛੋਂ ਇਸ ਵਿੱਚ ਕਈ ਹੋਰਾਂ ਨੂੰ ਨਾਮਜ਼ਦ ਕੀਤਾ ਗਿਆ ਹੈ।
ਪੁਲਸ ਵੱਲੋਂ ਗ੍ਰਿਫਤਾਰ ਕੀਤੇ ਦੋਸ਼ੀਆਂ ਵਿੱਚ ਗੁਰਪ੍ਰੀਤ ਸਿੰਘ ਸ਼ੈਲੀ ਵਾਸੀ ਰਟੌਲਾਂ, ਹਰਦੀਪ ਸਿੰਘ ਲਾਡੀ ਵਾਸੀ ਫਤਿਹਪੁਰੀ, ਪਰਦੀਪ ਕੁਮਾਰ ਸੋਨੂੰ ਵਾਸੀ ਪਟਿਆਲਾ, ਜਸਵੀਰ ਸਿੰਘ ਵਾਸੀ ਗਿਆਨ ਕਾਲੋਨੀ ਪਟਿਆਲਾ, ਬਲਜਿੰਦਰ ਸਿੰਘ ਪਾਬਲਾ ਵਾਸੀ ਜ਼ਿਲ੍ਹਾ ਮੋਹਾਲੀ, ਸੁਖਵਿੰਦਰ ਸਿੰਘ ਵਾਸੀ ਮਨਿਆਣਾ, ਅੰਕਿਤ ਕੁਮਾਰ ਵਾਸੀ ਯੂ ਪੀ ਅਤੇ ਲਵਨੀਤ ਗੁਪਤਾ ਵਾਸੀ ਜ਼ਿਲ੍ਹਾ ਸੰਗਰੂਰ ਅਤੇ ਕੁਝ ਹੋਰਨਾਂ ਦੇ ਨਾਂਅ ਹਨ। ਪੁਲਸ ਨੂੰ ਜ਼ਿਲ੍ਹਾ ਸੰਗਰੂਰ ਦੇ ਵਾਸੀ ਅਵਤਾਰ ਸਿੰਘ ਪੁੱਤਰ ਰਾਮਤੇਜ ਸਿੰਘ ਅਤੇ ਪੰਚਕੂਲਾ ਵਾਸੀ ਕਿਸ਼ਨ ਦੀ ਅਜੇ ਤਲਾਸ਼ ਹੈ। ਦੋਸ਼ੀਆਂ ਦੀ ਸੂਚੀ ਹੋਰ ਲੰਬੀ ਹੋ ਸਕਦੀ ਹੈ। ਮੁੱਢਲੀ ਜਾਂਚ ਵਿੱਚ ਇਹ ਸੌਦਾ ਪ੍ਰਤੀ ਉਮੀਦਵਾਰ ਤੀਹ ਲੱਖ ਵਿੱਚ ਹੋਣ ਦਾ ਪਤਾ ਲੱਗਾ ਹੈ। ਇਸੇ ਸੰਬੰਧ ਵਿੱਚ ਲੁਧਿਆਣਾ ਜ਼ਿਲੇ੍ਹ ਦੇ ਖੰਨਾ ਸ਼ਹਿਰ ਦੀ ਪੁਲਸ ਨੇ ਵੀ ਇਸ ਗੜਬੜੀ ਬਾਰੇ ਕੇਸ ਦਰਜ ਕੀਤਾ ਹੈ। ਇਸ ਕੇਸ ਦੀ ਜਾਂਚ ਕਰ ਰਹੀ ਪੁਲਸ ਟੀਮ ਦੀ ਅਗਵਾਈ ਏ ਡੀ ਜੀ ਪੀ ਪੱਧਰ ਦੇ ਇੱਕ ਅਧਿਕਾਰੀ ਕਰ ਰਹੇ ਹਨ। ਇਹ ਅਧਿਕਾਰੀ ਨਵੇਂ ਮੁੱਖ ਮੰਤਰੀ ਚਰਨਜੀਤ ਸਿੰਘ ਚੰਨੀ ਅਤੇ ਪੰਜਾਬ ਕਾਂਗਰਸ ਦੇ ਪ੍ਰਧਾਨ ਨਵਜੋਤ ਸਿੰਘ ਸਿੱਧੂ ਦੇ ਵੀ ਸੰਪਰਕ ਵਿੱਚ ਹਨ।