ਮੁੰਬਈ, 23 ਸਤੰਬਰ (ਪੋਸਟ ਬਿਊਰੋ)- ਸ਼ਿਵਸੈਨਾ ਨੇਤਾ ਸੰਜੇ ਰਾਊਤ ਨੇ ਕੱਲ੍ਹ ਪੱਛਮੀ ਬੰਗਾਲ ਭਾਜਪਾ ਦੇ ਨਵ-ਨਿਯੁਕਤ ਪ੍ਰਧਾਨ ਸੁਕਾਂਤ ਮਜੂਮਦਾਰ ਨੂੰ ਉਨ੍ਹਾਂ ਦੀ ‘ਪੱਛਮੀ ਬੰਗਾਲ ਵਿੱਚ ਤਾਲਿਬਾਨ ਸਰਕਾਰ’ ਵਾਲੀ ਟਿੱਪਣੀ ਲਈ ਫਟਕਾਰ ਲਗਾਈ ਹੈ। ਉਨ੍ਹਾਂ ਕਿਹਾ ਕਿ ਲੋਕਤੰਤਰ ਵਿੱਚ ਇਸ ਤਰ੍ਹਾਂ ਦੀ ਭਾਸ਼ਾ ਦੀ ਵਰਤੋਂ ਸਿਆਸੀ ਬਿਆਨ ਦੇ ਪੱਧਰ ਨੂੰ ਘੱਟ ਕਰਦਾ ਹੈ। ਸੰਜੇ ਰਾਊਤ ਨੇ ਕਿਹਾ ਕਿ ਭਾਜਪਾ ਦਾ ਮੰਨਣਾ ਹੈ ਕਿ ਹਰ ਵਿਰੋਧੀ ਪਾਰਟੀ ਵਾਲੇ ਸੂਬੇ ਵਿੱਚ ‘ਤਾਲਿਬਾਨੀ ਰਾਜ’ ਹੈ।ਉਨ੍ਹਾਂ ਕਿਹਾ ਕਿ ਤਾਲਿਬਾਨੀ ਰਾਜ ਦਾ ਕੀ ਮਤਲਬ ਹੈ?
ਸੰਜੇ ਰਾਉਤ ਨੇ ਕਿਹਾ ਕਿ ਮਮਤਾ ਬੈਨਰਜੀ ਸਰਕਾਰ ਬਹੁਮਤ ਨਾਲ ਚੁਣੀ ਹੋਈ ਅਤੇ ਬੀ ਜੇ ਪੀ ਪੱਛਮੀ ਬੰਗਾਲ ਦੇ ਲੋਕਾਂ ਨੂੰ ‘ਤਾਲਿਬਾਨੀ' ਕਹਿ ਰਹੀ ਹੈ? ਜੇ ਸਿਆਸਤ ਵਿੱਚ ਅਜਿਹੇ ਬਿਆਨ ਦਿੱਤੇ ਜਾਂਦੇ ਹਨ, ਤਾਂ ਸਾਡੀ ਸਿਆਸਤ ਦਾ ਪੱਧਰ ਕੀ ਹੋਵੇਗਾ? ਉਨ੍ਹਾਂ ਕਿਹਾ ਕਿ ਕੇਂਦਰ ਸਰਕਾਰ ਨੂੰ ਅਜਿਹੇ ਨੇਤਾਵਾਂ ਵਿਰੁੱਧ ਕਾਰਵਾਈ ਕਰਨੀ ਚਾਹੀਦੀ ਹੈ।