ਛੋਟੇ ਪਰਦੇ 'ਤੇ ਲੜੀਵਾਰ ‘ਯੇ ਰਿਸ਼ਤਾ ਕਯਾ ਕਹਿਲਾਤਾ ਹੈ’ ਨਾਲ ਘਰ-ਘਰ 'ਚ ਲੋਕਪ੍ਰਿਯ ਹੋਈ ਹਿਨਾ ਖਾਨ ਛੇਤੀ ਹੀ ਬਾਲੀਵੁੱਡ 'ਚ ਡੈਬਿਊ ਕਰਨ ਜਾ ਰਹੀ ਹੈ। ਉਂਝ ਕਿਹਾ ਜਾ ਰਿਹਾ ਹੈ ਕਿ ਆਮ ਤੌਰ 'ਤੇ ਗਲੈਮਰਸ ਅੰਦਾਜ਼ ਲਈ ਜਾਣੀ ਜਾਂਦੀ ਹਿਨਾ ਫਿਲਮ ਵਿੱਚ ਕਾਫੀ ਸਾਦੀ ਲੁਕ 'ਚ ਨਜ਼ਰ ਆਏਗੀ।
ਫਿਲਮ ‘ਲਾਈਨ’ ਵਿੱਚ ਹਿਨਾ ਹੀਰੋਇਨ ਦੀ ਭੂਮਿਕਾ ਨਿਭਾਉਣ ਜਾ ਰਹੀ ਹੈ। ਫਿਲਮ ਦੀ ਸ਼ੂੂਟਿੰਗ ਸ਼ੁਰੂ ਹੋ ਚੁੱਕੀ ਹੈ ਅਤੇ ਉਹ ਆਪਣੇ ਪ੍ਰਸ਼ੰਸਕਾਂ ਨਾਲ ਫਿਲਮ ਦੇ ਸੈਟ ਤੋਂ ਨਵੀਆਂ-ਨਵੀਆਂ ਫੋਟੋਆਂ ਵੀ ਸ਼ੇਅਰ ਕਰ ਰਹੀ ਹੈ। ਅਜਿਹੀਆਂ ਹੀ ਕੁਝ ਫੋਟੋਆਂ 'ਚ ਉਹ ਫਿਲਮ 'ਚ ਆਪਣੀ ਸਹਿ-ਕਲਾਕਾਰ ਫਰੀਦਾ ਜਲਾਲ ਨਾਲ ਮਸਤੀ ਕਰਦੀ ਦਿਖਾਈ ਦੇ ਰਹੀ ਹੈ। ਹਿਨਾ ਫਿਲਮ ਦੀ ਸ਼ੂਟਿੰਗ ਕਰ ਰਹੀ ਹੈ, ਪਰ ਅਜੇ ਤੱਕ ਫਿਲਮ ਦੇ ਹੀਰੋ ਬਾਰੇ ਪੁਖਤਾ ਖਬਰ ਨਹੀਂ ਹੈ। ਉਂਝ ਇੱਕ ਰਿਪੋਰਟ ਮੁਤਾਬਕ 2009 ਵਿੱਚ ਫਿਲਮ ‘ਬੋਲੋਰਾਮ’ ਨਾਲ ਬਾਲੀਵੁੱਡ 'ਚ ਡੈਬਿਊ ਕਰਨ ਵਾਲਾ ਰਿਸ਼ੀ ਭੂਟਾਨੀ ਫਿਲਮ 'ਚ ਹਿਨਾ ਦੇ ਆਪੋਜ਼ਿਟ ਨਜ਼ਰ ਆ ਸਕਦਾ ਹੈ। ਪਿਛਲੇ ਸਾਲ ਉਸ ਨੇ ਫਿਲਮ ‘ਰਾਮ ਰਤਨ' ਵਿੱਚ ਡੇਜ਼ੀ ਸਾਹ ਦੇ ਆਪੋਜ਼ਿਟ ਕੰਮ ਕੀਤਾ ਸੀ।