ਇਮਰਾਨ ਹਾਸ਼ਮੀ ਦੀ ਫਿਲਮ ‘ਚੀਟ ਇੰਡੀਆ’ ਦਾ ਟ੍ਰੇਲਰ ਬੀਤੇ ਦਿਨ ਰਿਲੀਜ਼ ਕਰ ਦਿੱਤਾ ਗਿਆ ਹੈ। ਫਿਲਮ ਵਿੱਚ ਇਣਰਾਨ ਰਾਕੇਸ਼ ਸਿੰਘ ਨਾਂਅ ਦੇ ਇੱਕ ਅਜਿਹੇ ਵਿਅਕਤੀ ਦਾ ਕਿਰਦਾਰ ਨਿਭਾਅ ਰਹੇ ਹਨ, ਜੋ ਪੈਸੇ ਲੈ ਕੇ ਪੇਪਰਾਂ ਵਿੱਚ ਅਮੀਰ ਵਿਦਿਆਰਥੀਆਂ ਨੂੰ ਪਾਸ ਕਰਾਉਣ ਦੇ ਲਈ ਹੁਸ਼ਿਆਰ ਵਿਦਿਆਰਥੀਆਂ ਦੀ ਮਦਦ ਲੈਂਦਾ ਹੈ। ਇਹ ਫਿਲਮ ਐਜੂਕੇਸ਼ਨ ਫੀਲਡ ਵਿੱਚ ਚੀਟਿੰਗ ਅਤੇ ਗਲਤ ਤਰੀਕੇ ਨਾਲ ਪ੍ਰੀਖਿਆ ਦੇਣ ਵਰਗੇ ਵਿਸ਼ੇ 'ਤੇ ਬਣਾਈ ਗਈ ਹੈ।
ਟ੍ਰੇਲਰ ਦੇ ਇੱਕ ਡਾਇਲਾਗ ਵਿੱਚ ਇਮਰਾਨ ਕਹਿ ਰਹੇ ਹਨ, ‘‘ਮੈਨੂੰ ਹੀਰੋ ਬਣਨ ਦੀ ਬਿਲਕੁਲ ਇੱਛਾ ਨਹੀਂ ਹੈ, ਵਿਲੇਨ ਬਣਨ ਦਾ ਟਾਈਮ ਨਹੀਂ ਹੈ, ਖਿਡਾਰੀ ਹਾਂ, ਬੱਸ ਖੇਡ ਰਿਹਾ ਹਾਂ।” ਇਮਰਾਨ ਨੇ ਇਸ ਫਿਲਮ ਨੂੰ ਪ੍ਰੋਡਿਊਸ ਵੀ ਕੀਤਾ ਹੈ। ਇਹ ਅਗਲੇ ਸਾਲ 25 ਜਨਵਰੀ ਨੂੰ ਰਿਲੀਜ਼ ਹੋ ਰਹੀ ਹੈ। ਇਸ ਫਿਲਮ ਵਿੱਚ ਇਮਰਾਨ ਦੇ ਆਪੋਜ਼ਿਟ ਸ਼੍ਰੇਆ ਧਨਵੰਤਰੀ ਡੈਬਿਊ ਕਰੇਗੀ।