ਵਿਸ਼ਾਲ ਭਾਰਦਵਾਜ ਦੀ ਫਿਲਮ ‘ਪਟਾਕਾ’ ਵਿੱਚ ਅਸਹਾਇ ਪਿਤਾ ਦੀ ਭੂਮਿਕਾ ਨਿਭਾਉਣ ਦੇ ਬਾਅਦ ਹੁਣ ਵਿਜੇ ਰਾਜ ਇੱਕ ਵੱਡਾ ਰੋਲ ਕਰਨ ਜਾ ਰਹੇ ਹਨ। ਆਪਣੀ ਅਗਲੀ ਫਿਲਮ ਵਿੱਚ ਉਹ ਇੱਕ ਪ੍ਰਿੰਸ ਦਾ ਰੋਲ ਨਿਭਾਉਣਗੇ। ਇਸ ਫਿਲਮ ਦਾ ਨਾਂਅ ‘ਵਾਹ ਜ਼ਿੰਦਗੀ' ਹੈ। ਇਸ ਵਿੱਚ ਉਸ ਦੇ ਨਾਲ ਸੰਜੇ ਮਿਸ਼ਰਾ ਅਤੇ ਮਨੋਜ ਜੋਸ਼ੀ ਵਰਗੇ ਦਿੱਗਜ ਕਲਾਕਾਰ ਵੀ ਹਨ।
ਇਹ ਫਿਲਮ ਭਾਰਤ ਦੀ ਚੀਨੀ ਮਿੱਟੀ ਦੇ ਬਰਤਨ ਅਤੇ ਟਾਈਲਜ਼ ਉਦਯੋਗਾਂ ਦੇ ਸੰਘਰਸ਼ ਨੂੰ ਦਿਖਾਏਗੀ। ਅਸ਼ੋਕ ਚੌਧਰੀ ਇਸ ਦੇ ਪ੍ਰੋਡਿਊਸਰ ਅਤੇ ਰਾਈਟਰ ਹੋਣਗੇ। ਚੌਧਰੀ ਦੱਸਦੇ ਹਨ, ‘‘ਇਹ ਫਿਲਮ ਸੱਚੀ ਘਟਨਾ 'ਤੇ ਆਧਾਰਤ ਹੈ। ਇਸ ਦੀ ਸਕ੍ਰਿਪਟ ਨੂੰ ਪੂਰਾ ਹੋਣ ਵਿੱਚ ਤਿੰਨ ਸਾਲ ਦਾ ਸਮਾਂ ਲੱਗਾ ਹੈ।”