ਓਟਵਾ, 10 ਸਤੰਬਰ (ਪੋਸਟ ਬਿਊਰੋ) : ਫੈਡਰਲ ਚੋਣਾਂ ਦੌਰਕਨ ਵੋਟਾਂ 20 ਸਤੰਬਰ ਨੂੰ ਪੈਣ ਜਾ ਰਹੀਆਂ ਹਨ ਪਰ ਜੇ ਤੁਸੀਂ ਪਹਿਲਾਂ ਹੀ ਆਪਣਾ ਮਨ ਬਣਾ ਚੁੱਕੇ ਹੋਂ ਕਿ ਤੁਸੀਂ ਕਿਹੜੀ ਪਾਰਟੀ ਨੂੰ ਆਪਣਾ ਵੋਟ ਦੇਣਾ ਹੈ ਤਾਂ ਤੁਸੀਂ ਸ਼ੁੱਕਰਵਾਰ ਤੋਂ ਵੋਟ ਪਾ ਸਕਦੇ ਹੋਂ।
ਐਡਵਾਂਸ ਪੋਲ ਸਥਾਨਕ ਸਮੇਂ ਅਨੁਸਾਰ ਸ਼ੁੱਕਰਵਾਰ ਸਵੇਰੇ 9:00 ਵਜੇ ਤੋਂ ਰਾਤ ਦੇ 9:00 ਵਜੇ ਤੱਕ ਸੋਮਵਾਰ ਤੱਕ ਚੱਲੇਗੀ। ਇਲੈਕਸ਼ਨਜ਼ ਕੈਨੇਡਾ ਦਾ ਕਹਿਣਾ ਹੈ ਕਿ ਜੇ ਤੁਸੀਂ ਵੋਟ ਪਾਉਣ ਲਈ ਰਜਿਸਟਰਡ ਹੋਂ ਤਾਂ ਤੁਹਾਨੂੰ ਸ਼ੁੱਕਰਵਾਰ ਤੱਕ ਮੇਲ ਰਾਹੀਂ ਵੋਟਰ ਇਨਫਰਮੇਸ਼ਨ ਕਾਰਡ ਹਾਸਲ ਹੋ ਜਾਵੇਗਾ।ਇਸ ਕਾਰਡ ਵਿੱਚ ਤੁਹਾਡੇ ਪੋਲਿੰਗ ਸਟੇਸ਼ਨ ਦੀ ਲੋਕੇਸ਼ਨ ਹੋਵੇਗੀ।
ਇਲੈਕਸ਼ਨਜ਼ ਕੈਨੇਡਾ ਦੀ ਵੈੱਬਸਾਈਟ ਉੱਤੇ ਇਹ ਵੀ ਦਰਜ ਹੈ ਕਿ ਜੇ ਤੁਹਾਡਾ ਨਾਂ ਤੇ ਪਤਾ ਤੁਹਾਡੇ ਕਾਰਡ ਉੱਤੇ ਬਿਲਕੁਲ ਸਹੀ ਦਰਜ ਹੈ ਤਾਂ ਵੋਟ ਪਾਉਣ ਲਈ ਆਪਣਾ ਇਹ ਕਾਰਡ ਨਾਲ ਲਿਆਓ ਤੇ ਇਸ ਦੇ ਨਾਲ ਹੀ ਆਪਣਾ ਆਈਡੀ ਕਾਰਡ ਵੀ ਲਿਆਓ। ਜੇ ਤੁਹਾਨੂੰ ਵੋਟਰ ਕਾਰਡ ਨਹੀਂ ਮਿਲਿਆ ਜਾਂ ਤੁਹਾਡੀ ਵੋਟਰ ਕਾਰਡ ਉੱਤੇ ਜਾਣਕਾਰੀ ਗਲਤ ਹੈ ਤੇ ਤੁਸੀਂ ਆਨਲਾਈਨ ਵੋਟਰ ਰਜਿਸਟ੍ਰੇਸ਼ਨ ਸਰਵਿਸ ਉੱਤੇ ਆਪਣੀ ਰਜਿਸਟ੍ਰੇਸ਼ਨ ਚੈੱਕ ਕਰ ਸਕਦੇ ਹੋਂ। ਇੱਥੇ ਆਪਣੀ ਰਜਿਸਟ੍ਰੇਸ਼ਨ ਜਾਂ ਪਤੇ ਦੀ ਜਾਣਕਾਰੀ ਅਪਡੇਟ ਕਰੋ ਤੇ ਜਾਂ ਫਿਰ ਇਲੈਕਸ਼ਨ ਕੈਨੇਡਾ ਨੂੰ 1-800-463-6868 ਉੱਤੇ ਕਾਲ ਕਰਕੇ ਮਦਦ ਮੰਗ ਸਕਦੇ ਹੋਂ।