ਮਾਂ ਦੀ ਤਬੀਅਤ ਖਰਾਬ ਹੋਣ ਕਾਰਨ ਅਕਸ਼ੈ ਕੁਮਾਰ ਪਿੱਛੇ ਜਿਹੇ ਇੰਗਲੈਂਡ ਤੋਂ ਮੁੰਬਈ ਮੁੜ ਗਏ ਹਨ। ਇੰਗਲੈਂਡ ਵਿੱਚ ਉਹ ਜੈਕੀ ਅਤੇ ਵਾਸ਼ੂ ਭਗਨਾਨੀ ਦੀ ਫਿਲਮ ‘ਮਿਸ਼ਨ ਸਿੰਡਰੇਲਾ’ ਦੀ ਸ਼ੂਟਿੰਗ ਕਰ ਰਹੇ ਸਨ। ਇਸ ਵਿੱਚ ਅਕਸ਼ੈ ਦੇ ਆਪੋਜ਼ਿਟ ਰਕੁਲ ਪ੍ਰੀਤ ਸਿੰਘ ਹੈ। ਇਹ ਫਿਲਮ ਸਾਊਥ ਦੀ ਹਿੱਟ ਫਿਲਮ ‘ਰਤਸਾਸਨ’ ਦੀ ਹਿੰਦੀ ਰੀਮੇਕ ਹੈ। ‘ਮਿਸ਼ਨ ਸਿੰਡਰੇਲਾ’ ਲਈ ਲੰਡਨ ਵਿੱਚ ਅਕਸ਼ੈ ਨੇ ਵਿੰਡਸਰਵਰਥ ਸਟੇਸ਼ਨ ਅਤੇ ਕਾਮਫਰਡ ਰੋਡ ਬ੍ਰਿਡ ਉੱਤੇ ਐਕਸ਼ਨ ਸੀਕਵੈਂਸ ਫਿਲਮਾਏ ਹਨ। ਇਨ੍ਹਾਂ ਲੋਕੇਸ਼ਨਾਂ ਉੱਤੇ ਇਸ ਤੋਂ ਪਹਿਲਾਂ ਟਾਮ ਕਰੂਜ ਦੀ ‘ਮਿਸ਼ਨ ਇੰਪੋਸੀਬਲ 7’ ਦੀ ਸ਼ੂਟਿੰਗ ਹੋਈ ਸੀ। ਫਿਲਮ ਨਾਲ ਜੁੜੇ ਸੂਤਰਾਂ ਨੇ ਦੱਸਿਆ ਕਿ ਰਕੁਲ ਤਿੰਨ ਦਿਨ ਪਹਿਲਾਂ ਸ਼ੂਟਿੰਗ ਲਈ ਲੰਡਨ ਪਹੁੰਚੀ ਤਾਂ ਅਕਸ਼ੈ ਨੂੰ ਵਾਪਸ ਭਾਰਤ ਜਾਣਾ ਪਿਆ। ਰਕੁਲ ਨੂੰ ਅਕਸ਼ੈ ਦੀ ਗੈਰ-ਹਾਜ਼ਰੀ ਸੀਨ ਸ਼ੂਟ ਕਰਨੇ ਪੈਣਗੇ। ਉਹ ਅਕਸ਼ੈ ਦੇ ਬਾਡੀ ਡਬਲ ਨਾਲ ਆਪਣੇ ਸੀਨ ਸ਼ੂਟ ਕਰੇਗੀ। ਮੇਕਰਸ ਉੱਤੇ ਇਸ ਫਿਲਮ ਨੂੰ ਇਸੇ ਮਹੀਨੇ ਦੇ ਅਖੀਰ ਤੱਕ ਪੂਰਾ ਕਰਨ ਦਾ ਪ੍ਰੈਸ਼ਰ ਹੈ। ਉਹ ਇਸ ਲਈ ਕਿ ਇਸ ਹਫਤੇ ਹੀ ਉਨ੍ਹਾਂ ਦਾ ਇੱਕ ਹੋਰ ਪ੍ਰੋਜੈਕਟ ‘ਗਣਪਤ’ ਲੰਡਨ ਵਿੱਚ ਹੀ ਸ਼ੁਰੂ ਹੋਣ ਵਾਲਾ ਹੈ। ਉਸ ਵਿੱਚ ਟਾਈਗਰ ਸ਼ਰਾਫ ਲੀਡ ਰੋਲ ਵਿੱਚ ਨਜ਼ਰ ਆਉਣਗੇ।
ਇਸ ਫਿਲਮ ਪਿੱਛੋਂ ਅਕਸ਼ੈ ਕੁਮਾਰ ਪੰਜ ਅਕਤੂਬਰ ਨੂੰ ਦਿੱਲੀ ਵਿੱਚ ‘ਰਕਸ਼ਾਬੰਧਨ’ ਦੀ ਸ਼ੂਟਿੰਗ ਸ਼ੁਰੂ ਕਰਨ ਵਾਲੇ ਸਨ, ਪਰ ਇਹ ਪਲਾਨ ਚੇਂਜ ਹੁੰਦਾ ਹੋਇਆ ਨਜ਼ਰ ਆ ਰਿਹਾ ਹੈ। ‘ਰਕਸ਼ਾਬੰਧਨ’ ਲਈ ਦਿੱਲੀ ਵਿੱਚ ਪੰਜ ਤੋਂ ਛੇ ਦਿਨਾਂ ਦਾ ਸ਼ਡਿਊਲ ਹੈ। ਉਥੇ ਇੱਕ ਗੀਤ ਦੀ ਸ਼ੂਟਿੰਗ ਹੋਵੇਗੀ। ਉਸ ਦੇ ਬਾਅਦ ਅਕਤੂਬਰ ਤੋਂ ਦਸੰਬਰ ਤੱਕ ਅਕਸ਼ੈ ‘ਰਾਮ ਸੇਤੂ’ ਦੀ ਸ਼ੂਟਿੰਗ ਕਰਨਗੇ। ਉਹ ਤਕਰੀਬਨ ਤਿੰਨ ਮਹੀਨੇ ਦਾ ਸ਼ਡਿਊਲ ਹੋਵੇਗਾ। ਅਭਿਸ਼ੇਕ ਸ਼ਰਮਾ ਦੇ ਨਿਰਦੇਸ਼ਨ ਵਾਲੀ ਇਸ ਫਿਲਮ ਵਿੱਚ ਅਕਸ਼ੈ ਦੇ ਨਾਲ ਨੁਸਰਤ ਭਰੂਚਾ ਅਤੇ ਜੈਕਲੀਨ ਫਰਨਾਂਡੀਜ਼ ਨਜ਼ਰ ਆਉਣਗੀਆਂ।