ਪ੍ਰਭਾਸ ਅਤੇ ਹਿਨਾ ਖਾਨ ਪਹਿਲੀ ਵਾਰ ਇਕੱਠੇ ਨਜ਼ਰ ਆਉਣ ਵਾਲੇ ਹਨ। ਇਹ ਇੱਕ ਹਾਈ ਬਜਟ ਵਾਲੀ ਫਿਲਮ ਹੋਵੇਗੀ। ਹਿਨਾ ਦਾ ਇਹ ਸਾਊਥ ਵਿੱਚ ਡੈਬਿਊ ਹੋਵੇਗਾ। ਇਸ ਫਿਲਮ ਦਾ ਨਾਂਅ ‘ਵਰਿੰਦਾਵਨ’ ਹੋਵੇਗਾ। ਇਸ ਦਾ ਬਜਟ 200 ਕਰੋੜ ਤੋਂ ਵੱਧ ਦੱਸਿਆ ਜਾਂਦਾ ਹੈ। ਇਸ ਖਬਰ ਉੱਤੇ ਦੋਵਾਂ ਕਲਾਕਾਰਾਂ ਦਾ ਕੋਈ ਰਿਐਕਸ਼ਨ ਨਹੀਂ ਆਇਆ।
ਓਧਰ ਪ੍ਰਭਾਸ ‘ਰਾਧੇ ਸ਼ਾਮ' ਅਤੇ ‘ਆਦਿਪੁਰਸ਼’ ਬਾਰੇ ਚਰਚਾ ਵਿੱਚ ਹਨ। ਹਿਨਾ ਅੱਜ ਤੱਕ ‘ਹੈਕਡ’, ‘ਲਾਈਨਸ’ ਵਰਗੀਆਂ ਫਿਲਮਾਂ ਦਾ ਹਿੱਸਾ ਰਹੀ ਹੈ। ਉਸ ਨੇ ਫਿਲਹਾਲ ਟੈਲੀਵਿਜ਼ਨ ਤੋਂ ਦੂਰੀ ਬਣਾ ਲਈ ਹੈ। ‘ਕਸੌਟੀ ਜ਼ਿੰਦਗੀ 2’ ਦੇ ਬਾਅਦ ਉਹ ਕਿਸੇ ਸ਼ੋਅ ਦਾ ਹਿੱਸਾ ਨਹੀਂ ਬਣੀ। ਹਿਨਾ ਜਲਦੀ ਹੀ ਆਪਣੇ ਇਸ ਪ੍ਰੋਜੈਕਟ ਦਾ ਐਲਾਨ ਕਰ ਸਕਦੀ ਹੈ।