Welcome to Canadian Punjabi Post
Follow us on

28

March 2024
ਬ੍ਰੈਕਿੰਗ ਖ਼ਬਰਾਂ :
ਬੱਸ ਵਿੱਚ ਮਹਿਲਾ ਉੱਤੇ ਇੱਕ ਵਿਅਕਤੀ ਨੇ ਕੀਤਾ ਹਮਲਾ, ਮਹਿਲਾ ਜ਼ਖ਼ਮੀਜਾਅਲੀ ਇਨਕਮ ਬੈਨੇਫਿਟ ਹਾਸਲ ਕਰਨ ਵਾਲੇ 232 ਮੁਲਾਜ਼ਮਾਂ ਨੂੰ ਸੀਆਰਏ ਨੇ ਕੱਢਿਆਫੋਰਡ ਸਰਕਾਰ ਨੇ ਪੇਸ਼ ਕੀਤਾ 214. 5 ਬਿਲੀਅਨ ਦੇ ਖਰਚੇ ਵਾਲਾ ਬਜਟਈਡੀ ਨੇ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਨੂੰ ਕੀਤਾ ਗ੍ਰਿਫ਼ਤਾਰਪ੍ਰਧਾਨ ਮੰਤਰੀ ਮੋਦੀ ਰੂਸੀ ਰਾਸ਼ਟਰਪਤੀ ਨੂੰ ਚੋਣਾਂ ਜਿੱਤਣ 'ਤੇ ਦਿੱਤੀ ਵਧਾਈ, ਯੂਕਰੇਨ ਦੇ ਰਾਸ਼ਟਰਪਤੀ ਜ਼ੇਲੇਨਸਕੀ ਨੂੰ ਵੀ ਕੀਤਾ ਫ਼ੋਨਗਾਜ਼ਾ ਦੇ ਸਭ ਤੋਂ ਵੱਡੇ ਹਸਪਤਾਲ ਨੇੜੇ ਬੰਬਾਰੀ, 50 ਲੜਾਕਿਆਂ ਦੇ ਮਾਰੇ ਜਾਣ ਦਾ ਸ਼ੱਕ ਮੁੱਖ ਮੰਤਰੀ ਭਗਵੰਤ ਮਾਨ ਸ਼ਹੀਦ ਕਾਂਸਟੇਬਲ ਅੰਮ੍ਰਿਤਪਾਲ ਸਿੰਘ ਦੇ ਘਰ ਪਹੁੰਚੇ, ਪਰਿਵਾਰ ਨਾਲ ਕੀਤਾ ਦੁੱਖ ਸਾਂਝਾ ਸੁਪਰੀਮ ਕੋਰਟ ਨੇ ਕੀਤਾ ਬਾਬਾ ਰਾਮਦੇਵ ਅਤੇ ਆਚਾਰੀਆ ਬਾਲਕ੍ਰਿਸ਼ਨ ਨੂੰ ਨੋਟਿਸ ਜਾਰੀ, ਪੁੱਛਿਆ, ਮਾਣਹਾਨੀ ਦੀ ਕਾਰਵਾਈ ਕਿਉਂ ਨਾ ਕੀਤੀ ਜਾਵੇੇ
 
ਸੰਪਾਦਕੀ

ਬਰੈਂਪਟਨ ਵਿੱਚ ਆਟੋ ਬੀਮਾ ਨਸਲਵਾਦ ਅਤੇ ਪੱਖਪਾਤ ਦਾ ਮੁੱਦਾ

December 18, 2018 07:29 AM

ਪੰਜਾਬੀ ਪੋਸਟ ਸੰਪਾਦਕੀ

ਬਰੈਂਪਟਨ ਸ਼ਹਿਰ ਨੂੰ ਲੱਗੇ ਆਟੋ ਬੀਮਾ ਕੋਹੜ ਬਾਰੇ ਇੱਕ ਹੋਰ ਖ਼ਬਰ ਸਾਹਮਣੇ ਆਈ ਹੈ। ਇਸ ਕੋਹੜ ਨੂੰ ਸਿਆਸੀ ਆਗੂਆਂ ਵੱਲੋਂ ਪਤਾ ਨਹੀਂ ਕਦੋਂ ਨਜਿੱਠਿਆ ਜਾਵੇਗਾ ਪਰ ਨਵੀਂ ਖਬਰ ਇਸਦੇ ਅਦਾਲਤੀ ਹੱਲ ਦੀਆਂ ਸੰਭਾਵਨਾਵਾਂ ਵੱਲ ਇਸ਼ਾਰਾ ਕਰਦੀ ਹੈ। ਜੇ ਕੁੱਝ ਸਿਆਣੇ ਅਤੇ ਚੰਗੇ ਵਕੀਲਾਂ ਨੇ ਕਮਿਉਨਿਟੀ ਦੇ ਭਲੇ ਨੂੰ ਸਾਹਮਣੇ ਰੱਖ ਕੇ ਉੱਦਮ ਕਰ ਲਿਆ ਤਾਂ ਕੁੱਝ ਚੰਗਾ ਹੱਲ ਜਰੂਰ ਨਿਕਲ ਸਕਦਾ ਹੈ। ਆਟੋ ਬੀਮਾ ਦੀਆਂ ਵਧੀਆਂ ਦਰਾਂ, ਫਰਾਡ ਅਤੇ ਇਹਨਾਂ ਦੀ ਚਪੇਟ ਵਿੱਚ ਆਏ ਆਮ ਬਰੈਂਪਟਨ ਵਾਸੀਆਂ ਦੀ ਸਥਿਤੀ ਬਾਰੇ ਕੁੱਝ ਨਵਾਂ ਲਿਖਣ ਜੋਗਾ ਬਚਿਆ ਨਹੀਂ ਹੈ। ਹਾਂ ਆਲਸਟੇਟ ਬੀਮਾ ਕੰਪਨੀ ਵਿਰੁੱਧ ਇਸਦੀ ਸਾਬਕਾ ਸਾਊਥ ਏਸ਼ੀਅਨ ਮੂਲ ਦੀ ਮੈਨੇਜਰ ਮੇਧਾ ਜੋਸ਼ੀ ਵੱਲੋਂ ਕੀਤੇ ਮੁੱਕਦਮੇ ਨੇ ਇਸ ਮੁੱਦੇ ਨੂੰ ਮੁੜ ਚਰਚਾ ਵਿੱਚ ਲੈ ਆਂਦਾ ਹੈ। ਮੁਲਾਜ਼ਮ ਮੇਧਾ ਜੋਸ਼ੀ ਨੇ ਆਪਣੀ ਨੌਕਰੀ ਤੋਂ ਬਰਖਾਸਤਗੀ ਨੂੰ ਚੁਣੌਤੀ ਦੇਣ ਵਾਲੇ ਮੁੱਕਦਮੇ ਵਿੱਚ ਦੋਸ਼ ਲਾਇਆ ਹੈ ਕਿ ਆਲਸਟੇਟ ਵੱਲੋਂ ਨਸਲਵਾਦੀ ਪਹੁੰਚ ਅਪਣਾ ਕੇ ਬਰੈਂਪਟਨ ਦੀ ਘੱਟ ਗਿਣਤੀ ਕਮਿਉਨਿਟੀ ਦੇ ਬੀਮਾ ਨਾ ਕਰਨ ਦੀਆਂ ਮੌਖਿਕ ਹਦਾਇਤਾਂ ਦਿੱਤੀਆਂ ਹੋਈਆਂ ਸਨ। ਉਹ ਆਪਣੀ ਨੌਕਰੀ ਚਲੇ ਜਾਣ ਦੇ ਇਵਜਾਨੇ ਵਜੋਂ ਕੰਪਨੀ ਤੋਂ 6 ਲੱਖ ਡਾਲਰ ਮੰਗ ਰਹੀ ਹੈ।

 ਜੇ ਇਹ ਮੁੱਦਾ ਮਹਿਜ਼ ਇੱਕ ਮੁਲਾਜ਼ਮ ਅਤੇ ਇੰਪਲਾਇਰ ਦਰਮਿਆਨ ਹੁੰਦਾ ਤਾਂ ਕੋਈ ਖਾਸ ਗੱਲ ਨਹੀਂ ਸੀ। ਕਾਫੀ ਯਕੀਨ ਨਾਲ ਆਖਿਆ ਜਾ ਸਕਦਾ ਹੈ ਕਿ ਮੇਧਾ ਜੋਸ਼ੀ ਦੇ ਨਸਲਵਾਦ ਦੇ ਦੋਸ਼ ਵਿੱਚ ਕਾਫੀ ਸੱਚ ਲੁਕਿਆ ਹੋਇਆ ਹੈ। ਪੰਜਾਬੀ ਪੋਸਟ ਦੀ ਇਸ ਮਾਰਕੀਟ ਦੇ ਕੰਮਕਾਜ ਕਰਨ ਬਾਰੇ ਖੋਜ ਦਾ ਸਿੱਟਾ ਰਿਹਾ ਹੈ ਕਿ ਇੱਕਲੀ ਆਲਸਟੇਟ ਹੀ ਨਹੀਂ ਸਗੋਂ ਹੋਰ ਬੀਮਾ ਕੰਪਨੀਆਂ, ਸੁਤੰਤਰ ਰੂਪ ਵਿੱਚ ਕੰਮ ਕਰਦੇ ਬੀਮਾ ਏਜੰਟ ਅਤੇ ਬਰੋਕਰ ਆਮ ਖਪਤਕਾਰ ਨੂੰ ਸੁਆਲਾਂ ਦੇ ਅਜਿਹੇ ਟੈਸਟ ਵਿੱਚੋਂ ਕੱਢਦੇ ਹਨ ਜਿਸਤੋਂ ਬਾਅਦ ਤੁਹਾਨੂੰ ਬੀਮਾ ਕਵਰੇਜ ਮਿਲਣਾ ਲਾਟਰੀ ਖੁੱਲਣ ਵਾਗੂੰ ਮਹਿਸੂਸ ਹੁੰਦਾ ਹੈ। ਇਹ ਕੋਈ ਹੈਰਾਨੀ ਵਾਲੀ ਗੱਲ ਨਹੀਂ ਕਿ ਬਰੈਂਪਟਨ ਵਿੱਚ ਆਟੋ ਬੀਮਾ ਪ੍ਰੀਮੀਅਰ ਰੇਟ ਉਂਟੇਰੀਓ ਦੀ ਔਸਤ ਨਾਲੋਂ ਕਰੀਬ ਦੋ ਗੁਣਾ ਵੱਧ ਹਨ। ਕਿਉਂਕਿ ਬੀਮਾ ਦਰਾਂ ਪੋਸਟਲ ਕੋਡ ਦੇ ਆਧਾਰ ਉੱਤੇ ਤੈਅ ਕੀਤੀਆਂ ਜਾਂਦੀਆਂ ਹਨ, ਪਰਵਾਸੀ ਬਹੁ-ਗਿਣਤੀ ਵਾਲੇ ਇਲਾਕਿਆਂ ਵਿੱਚ ਬੀਮਾ ਦਰ ਕਿਤੇ ਵੱਧ ਹਨ।

 ਜਿੱਥੇ ਤੱਕ You are in good hands’ ਪਰਚਾਰ ਨਾਅਰੇ ਵਾਲੀ ਆਲਸਟੇਟ ਕੰਪਨੀ ਦੀ ਗੱਲ ਹੈ, ਇਸਨੇ ਬੀਤੇ ਦਿਨ safe driving study ਨਾਮਕ ਇੱਕ ਰਿਪੋਰਟ ਜਾਰੀ ਕੀਤੀ ਸੀ। ਇਸ ਰਿਪੋਰਟ ਵਿੱਚ 2008 ਤੋਂ 2018 ਦੇ 10 ਸਾਲਾਂ ਦੇ ਅਰਸੇ ਦੌਰਾਨ ਬਰੈਂਪਟਨ ਨੂੰ ਉਂਟੇਰੀਓ ਦੇ 64 ਸ਼ਹਿਰਾਂ ਦੇ ਸਰਵੇਖਣ ਵਿੱਚੋਂ ਵਾਹਨ ਚਲਾਉਣ ਲਈ ਜੋਖ਼ਮ ਭਰੇ ਸ਼ਹਿਰਾਂ ਵਿੱਚ 62ਵੇਂ ਨੰਬਰ ਉੱਤੇ ਰੱਿਖਆ ਗਿਆ ਹੈ। ਸਿਰਫ਼ ਸਕਾਰਬਰੋ ਅਤੇ ਨੌਰਥ ਯੋਰਕ ਦਾ ਨੰਬਰ ਇਸਤੋਂ ਪਿੱਛੇ ਹੈ। ਇੱਥੇ ਹਰ 100 ਕਾਰਾਂ ਪਿੱਛੇ 7.1% ਨੇ ਆਟੋ ਕੋਲੀਜ਼ਨ ਆਦਿ ਦੇ ਕਲੇਮ ਕਰਕੇ ਬੀਮਾ ਕੰਪਨੀਆਂ ਤੋਂ ਪੈਸੇ ਪ੍ਰਾਪਤ ਕੀਤੇ। ਬੈਰੀ ਵਿੱਚ 6.1%, ਮਿਸੀਸਾਗਾ ਵਿੱਚ 46%, ਈਟੋਬੀਕੋ 5.8%, ਬਰਲਿੰਗਟਨ 5.3%, ਸਾਰਨੀਆ 4.4% ਅਤੇ ਸੱਭ ਤੋਂ ਪਹਿਲੇ ਨੰਬਰ ਉੱਤੇ ਆਉਣ ਵਾਲੇ ਨਿੱਕੇ ਜਿਹੇ ਕਸਬੇ ਹੈਨਮਰ (Hanmer) ਵਿੱਚ 3.8% ਕਲੇਮ ਹੋਏ।

 ਕੀ ਇਹ ਅੰਕੜੇ ਬਰੈਂਪਟਨ ਖਿਲਾਫ਼ ਬੀਮਾ ਧਰੋਹ ਕਰਨ ਦੀ ਇਜ਼ਾਜਤ ਦੇਂਦੇ ਹਨ? ਮੇਧਾ ਜੋਸ਼ੀ ਅਤੇ ਉਸਦੇ ਵਕੀਲ ਨੇ ਕਨੂੰਨੀ ਦਾਅਵਾ ਦਾਖ਼ਲ ਕਰਨ ਤੋਂ ਬਾਅਦ ਕਿਹਾ ਹੈ ਕਿ ਬਰੈਂਪਟਨ ਵਾਸੀ ਇਕੱਲੇ 2 ਆਪੋ ਆਪਣਾ ਕੇਸ ਮਨੁੱਖੀ ਅਧਿਕਾਰ ਕਮਿਸ਼ਨ ਕੋਲ ਉਠਾ ਸਕਦੇ ਹਨ। ਅਸੀਂ ਸਮਝਦੇ ਹਾਂ ਕਿ ਮਨੁੱਖੀ ਅਧਿਕਾਰ ਕਮਿਸ਼ਨ ਦੀ ਥਾਂ ਕਮਿਉਨਿਟੀ ਦੇ ਸਿਆਣੇ ਅਤੇ ਪਾਰਖੂ ਵਕੀਲਾਂ ਨੂੰ ਡੂੰਘਾਈ ਨਾਲ ਮਾਮਲੇ ਦੀ ਕਨੂੰਨੀ ਨੁਕਤੇ ਨਜ਼ਰ ਤੋਂ ਜਾਂਚ ਕਰਨੀ ਚਾਹੀਦੀ ਹੈ। ਤੱਥ ਇੱਕਤਰ ਕਰਨ ਤੋਂ ਬਾਅਦ ਸਮੂਹ ਬੀਮਾ ਕੰਪਨੀਆਂ ਦੇ ਪਰਦੇ ਫਾਸ਼ ਕਰਕੇ ਕਲਾਸ ਐਕਸ਼ਨ ਦਾਖ਼ਲ ਕੀਤਾ ਜਾਣਾ ਚਾਹੀਦਾ ਹੈ। ਸਿਆਸੀ ਪਾਰਟੀਆਂ ਨੇ ਹੁਣ ਤੱਕ ਗੱਲਾਂ ਤੋਂ ਇਲਾਵਾ ਖਪਤਕਾਰਾਂ ਖਾਸ ਕਰਕੇ ਬਹੁ-ਗਿਣਤੀ ਪਰਵਾਸੀ ਪੋਸਟਲ ਕੋਡ ਇਲਾਕਿਆਂ ਲਈ ਕੁੱਝ ਨਹੀਂ ਕੀਤਾ ਹੈ। ਸਾਬਕਾ ਲਿਬਰਲ ਵਿੱਤ ਮੰਤਰੀ ਚਾਰਲਸ ਸੂਸਾ ਵੱਲੋਂ 15% ਆਟੋ ਦਰਾਂ ਘੱਟ ਕਰਨ ਦੇ ਬਿਆਨ ਦੇ ਡਰਾਮੇ ਤੋਂ ਐਨ ਡੀ ਪੀ ਦੇ ਗੈਰ-ਸਾਰਥਕ ਯਤਨਾਂ ਤੋਂ ਲੈ ਕੇ ਵਰਤਮਾਨ ਟੋਰੀ ਬਿੱਲ ਸੀ 42 ਤੱਕ ਕੁੱਝ ਹਾਸਲ ਨਹੀਂ ਕੀਤਾ ਜਾ ਸਕਿਆ ਹੈ। ਸਿੱਟਾ ਉਸ ਵੇਲੇ ਵਧੇਰੇ ਚੰਗਾ ਨਿਕਲ ਸਕੇਗਾ ਜਦੋਂ ਅਦਾਲਤ ਦਾ ਡੰਡਾ ਕੰਪਨੀਆਂ ਦੇ ਸਿਰ ਆਣ ਪਵੇਗਾ।

 
Have something to say? Post your comment
ਹੋਰ ਸੰਪਾਦਕੀ ਖ਼ਬਰਾਂ
ਮੁੱਖ ਮੰਤਰੀਆਂ ਦੀ ਮੀਟਿੰਗ ਵਿੱਚ ਪਾਣੀਆਂ ਬਾਰੇ ਪੰਜਾਬ ਦਾ ਪੱਖ ਹੋਰ ਵੀ ਮਜ਼ਬੂਤ ਹੋ ਗਿਐ ਭਾਰਤ ਵਿੱਚ ਅਧੋਗਤੀ ਵਰਤਾਰੇ ਲਈ ਧਰਮ ਨਿਰਪੱਖ ਧਿਰਾਂ ਵੀ ਘੱਟ ਜਿ਼ਮੇਵਾਰ ਨਹੀਂ ਭਾਰਤ ਲਈ ਹਨੇਰਾ ਸਮਾਂ ਹੈ, ਜਿੱਥੇ ਰਾਹ ਦਿਖਾਉਣ ਵਾਲਾ ਜੁਗਨੂੰ ਵੀ ਕੋਈ ਨਹੀਂ ਲੱਭਦਾ ਲੀਡਰਾਂ ਨੇ ਪੈਦਾ ਕੀਤੀ ਹੈ ‘ਕੋਈ ਲੀਡਰ ਭਰੋਸੇ ਦੇ ਯੋਗ ਨਹੀਂ’ ਵਾਲੀਆਮ ਲੋਕਾਂ ਦੀ ਮਾਨਸਿਕਤਾ ਆਉ ਇਸ ਦੀਵਾਲੀ ਤੇ ਇੰਨਸਾਨੀਅਤ ਦੇ ਨਾਤੇ ਪੂਰੇ ਸੰਸਾਰ ਲਈ ਅਮਨ – ਅਮਾਨ , ਸ਼ਾਤੀ ਲਈ ਅਰਦਾਸ ਕਰੀਏ ਵੱਖੋ-ਵੱਖੋ ਰਾਜਾਂ ਵਿੱਚ ਗਵਰਨਰਾਂ ਦੀ ਮੌਕੇ ਮੁਤਾਬਕ ਮਰਜ਼ੀ ਸੰਵਿਧਾਨ ਦੇ ਮੁਤਾਬਕ ਨਹੀਂ ਮੰਨੀ ਜਾ ਸਕਦੀ ਇਜ਼ਰਾਈਲ ਅਤੇ ਹਮਾਸ ਵਿਚਕਾਰ ਸੰਘਰਸ਼ ਨੂੰ ਸ਼ਾਂਤੀਪੂਰਵਕ ਹੱਲ ਕੀਤਾ ਜਾਣਾ ਚਾਹੀਦਾ ਹੈ ਬੇਅਸੂਲੇ ਸਮਝੌਤਿਆਂ ਅਤੇ ਪੈਂਤੜਿਆਂ ਪਿੱਛੋਂ ਦਰਿਆਵਾਂ ਦੇ ਪਾਣੀ ਵਿੱਚ ਮਧਾਣੀ ਘੁੰਮਾਉਣ ਦੀ ਰਾਜਨੀਤੀ ਟਰੂਡੋ ਵਲੋਂ ਭਾਰਤ ਤੇ ਲਾਏ ਹਰਦੀਪ ਸਿੰਘ ਨਿੱਜਰ ਕਤਲ ਦੇ ਦੋਸ਼ ਕਿੰਨੇ ਕੁ ਸਹੀ ? ਟਰੂਡੋ ਤੇ ਟਰੰਪ ਸੁਰਖ਼ੀਆਂ ‘ਚ ਰਹਿਣ ਵਾਲੇ ਲੀਡਰ