ਅਭਿਨੇਤਰੀ ਖੁਸ਼ਾਲੀ ਕੁਮਾਰ ਨੇ ਆਪਣੀ ਅਗਲੀ ਫਿਲਮ ‘ਡੇਢ ਬੀਘਾ ਜ਼ਮੀਨ’ ਦੀ ਸ਼ੂਟਿੰਗ ਸਹਿਯੋਗੀ ਕਲਾਕਾਰ ਪ੍ਰਤੀਕ ਗਾਂਧੀ ਨਾਲ ਝਾਂਸੀ ਵਿੱਚ ਸ਼ੁਰੂ ਕਰ ਦਿੱਤੀ ਹੈ। ਉਸ ਨੇ ਪਿੱਛੇ ਜਿਹੇ ਆਰ ਮਾਧਵਨ ਨਾਲ ਆਪਣੀ ਪਹਿਲੀ ਬੇਨਾਮ ਫਿਲਮ ਦੀ ਸ਼ੂਟਿੰਗ ਪੂਰੀ ਕੀਤੀ ਅਤੇ ਪੁਲਕਿਤ ਦੇ ਨਿਰਦੇਸ਼ਨ ਵਾਲੀ ‘ਡੇਢ ਬੀਘਾ ਜ਼ਮੀਨ’ ਦੇ ਸੈੱਟ ਉੱਤੇ ਪਹੁੰਚ ਗਈ ਹੈ। ‘ਡੇਢ ਬੀਘਾ ਜ਼ਮੀਨ’ ਉੱਤਰ ਪ੍ਰਦੇਸ਼ ਦੇ ਛੋਟੇ ਜਿਹੇ ਸ਼ਹਿਰ ਉੱਤੇ ਆਧਾਰਤ ਪਰਵਾਰਕ ਡਰਾਮਾ ਹੈ। ਕਹਾਣੀ ਆਮ ਆਦਮੀ ਦੇ ਸਨਮਾਨ ਜਨਕ ਸੰਘਰਸ਼ ਦੇ ਆਲੇ ਦੁਆਲੇ ਘੁੰਮਦੀ ਹੈ ਕਿ ਉਹ ਕੀ ਜਿੱਤਦਾ ਹੈ। ਖੁਸ਼ਹਾਲੀ ਕੁਮਾਰ ਨੇ ਪ੍ਰਤੀਕ ਦੇ ਨਾਲ ਆਪਣੀ ਭੂਮਿਕਾ ਦੀ ਤਿਆਰੀ ਦਾ ਆਪਣਾ ਅਨੁਭਵ ਦੱਸਿਆ ਕਿ ਉਸ ਨੇ ਆਪਣੀ ਫਿਲਮ ‘ਸਕੈਮ 1992’ ਦੇ ਲਈ ਆਲੋਚਨਾਤਮਕ ਪ੍ਰਸ਼ੰਸਾ ਪ੍ਰਾਪਤ ਕੀਤੀ ਹੈ। ਉਸ ਨੇ ਦੱਸਿਆ, ‘‘ਇੱਕ ਅਭਿਨੇਤਾ ਵਜੋਂ ਪ੍ਰਤੀਕ ਬਹੁਤ ਚੌਕਸ ਹਨ। ਉਨ੍ਹਾਂ ਨਾਲ ਤਿਆਰੀ ਕਰਨਾ ਫਿਰ ਮਜ਼ੇਦਾਰ ਅਤੇ ਰਚਨਾਤਮਕ ਪੱਖੋਂ ਤਸੱਲੀ ਬਖਸ਼ ਸੀ। ਅਸੀਂ ਇੱਕ-ਦੂਸਰੇ ਦੇ ਤਰੀਕੇ ਸਮਝਦੇ ਸੀ ਤੇ ਮੇਰੀ ਰਾਏ ਹੈ ਕਿ ਇਹ ਕੈਮਿਸਟਰੀ ਦੇ ਆਫ-ਸਕਰੀਨ ਹੋਵੇ ਤਾਂ ਸਭ ਤੋਂ ਚੰਗਾ ਕੰਮ ਕਰਦੀ ਹੈ ਕਿਉਂਕਿ ਇਹ ਸਿਨੇਮਾ ਉੱਤੇ ਉਸੇ ਤਰ੍ਹਾਂ ਚੰਗੀ ਦਿਸਦੀ ਹੈ। ਮੈਂ ਪ੍ਰਤੀਕ ਤੋਂ ਵੀ ਓਨਾ ਹੀ ਸਿੱਖਣ ਦੀ ਉਮੀਦ ਕਰਦੀ ਹਾਂ।”
ਟੀ-ਸੀਰੀਜ਼ ਅਤੇ ਕਰਮਾ ਮੀਡੀਆ ਤੇ ਇੰਟਰਟੇਨਮੈਂਟ ਪ੍ਰੋਡਕਸ਼ਨ ਦੀ ਫਿਲਮ ‘ਡੇਢ ਬੀਘਾ ਜ਼ਮੀਨ’ ਦਾ ਨਿਰਮਾਣ ਭੂਸ਼ਣ ਕੁਮਾਰ, ਕ੍ਰਿਸ਼ਨ ਕੁਮਾਰ, ਸ਼ੈਲੇਸ਼ ਆਰ ਸਿੰਘ ਅਤੇ ਹੰਸਲ ਮਹਿਤਾ ਨੇ ਕੀਤਾ ਹੈ। ਟੀ-ਸੀਰੀਜ਼ ਦੇ ਚੇਅਰਮੈਨ ਭੂਸ਼ਣ ਕੁਮਾਰ ਦੀ ਭੈਣ ਖੁਸ਼ਾਲੀ ਨੇ 2015 ਵਿੱਚ ਇੱਕ ਮਿਊਜ਼ਕ ਵੀਡੀਓ ‘ਮੈਨੂੰ ਇਸ਼ਕ ਦਾ’ ਨਾਲ ਬਾਲੀਵੁੱਡ ਵਿੱਚ ਡੈਬਿਊ ਕੀਤਾ ਸੀ। ਤਦ ਤੋਂ ਉਸ ਨੂੰ ਕਈ ਮਿਊਜ਼ਕ ਵੀਡੀਓ ਅਤੇ ਇੱਕ ਸ਼ਾਰਟ ਫਿਲਮ ‘ਜੀਨਾ ਮੁਸ਼ਕਲ ਹੈ ਯਾਰ’ ਵਿੱਚ ਦੇਖਿਆ ਗਿਆ ਹੈ। ਖੁਸ਼ਾਲੀ ਦਾ ਕਹਿਣਾ ਹੈ ਕਿ ਉਹ ਇੱਕੋ ਜਿਹੇ ਕਿਰਦਾਰ ਹਰ ਸੀਰੀਅਲ ਜਾਂ ਫਿਲਮ ਵਿੱਚ ਨਹੀਂ ਕਰ ਸਕਦੀ। ਉਸ ਦਾ ਮੰਨਣਾ ਹੈ ਕਿ ਇੱਕੋ ਜਿਹੇ ਕਿਰਦਾਰ ਕਰਾਂਗੀ ਤਾਂ ਮੇਰੇ ਤੋਂ ਲੋਕ ਬੋਰ ਹੋ ਜਾਣਗੇ।