ਬੀਤੇ ਦਿਨੀਂ ਰਿਲੀਜ਼ ‘ਹਮ ਵੀ ਅਕੇਲੇ ਤੁਮ ਭੀ ਅਕੇਲੇ’ ਵੀ ਸਮਲਿੰਗੀ ਦੀ ਭੂਮਿਕਾ ਵਿੱਚ ਨਜ਼ਰ ਆਏ ਅੰਸ਼ੁਮਨ ਝਾਅ ਇਨ੍ਹੀਂ ਦਿਨੀਂ ਆਪਣੀ ਅਗਲੀ ਫਿਲਮ ਦੀ ਤਿਆਰੀ ਵਿੱਚ ਲੱਗੇ ਹੋਏ ਹਨ। ਉਨ੍ਹਾਂ ਨੇ ਐਕਸ਼ਨ ਫਿਲਮ ‘ਲਕੜਬੱਘਾ’ ਸਾਈਨ ਕੀਤੀ ਹੈ। ਫਿਲਮ ਦਾ ਨਿਰਦੇਸ਼ਨ ਵਿਕਟਰ ਮੁਖਰਜੀ ਕਰ ਰਹੇ ਹਨ। ਇਸ ਦੀ ਸ਼ੂਟਿੰਗ ਇਸ ਸਾਲ ਨਵੰਬਰ ਤੋਂ ਸ਼ੁਰੂ ਹੋਵੇਗੀ। ਇਸ ਦੇ ਲਈ ਅੰਸ਼ੁਮਨ ਜੁਲਾਈ ਤੋਂ ਮਾਰਸ਼ਲ ਆਰਟ ਕ੍ਰਾਵ ਮਾਗਾ ਦੇ ਮਾਸਟਰ ਸੰਜੇ ਸ਼ੈੱਟੀ ਦੇ ਸ਼ਾਗਿਰਦ ਵਿੱਕੀ ਅਰੋੜਾ ਤੋਂ ਟਰੇਨਿੰਗ ਲੈ ਰਹੇ ਹਨ। ਉਨ੍ਹਾਂ ਨੇ ਨਿਊ ਯਾਰਕ ਵਿੱਚ ਇਜ਼ਰਾਈਲੀ ਮਾਰਸ਼ਲ ਆਰਟ ਮਾਹਰ ਤਸਾਹੀ ਸ਼ੇਮੇਸ਼ ਤੋਂ ਵੀ ਟਰੇਨਿੰਗ ਲਈ ਹੈ।
ਬਚਪਨ ਵਿੱਚ ਤਾਈਕਵਾਂਡੋ ਦੀ ਟਰੇਨਿੰਗ ਲੈਣ ਵਾਲੇ ਅੰਸ਼ੁਮਨ ਕਰੀਬ ਡੇਢ ਦਹਾਕੇ ਬਾਅਦ ਮਾਰਸ਼ਲ ਆਰਟ ਵਿੱਚ ਵਾਪਸੀ ਕਰ ਰਹੇ ਹਨ ਅਤੇ ਸ਼ੂਟਿੰਗ ਤੋਂ ਪਹਿਲਾਂ ਚਾਰ ਮਹੀਨੇ ਦੀ ਸਖਤ ਟਰੇਨਿੰਗ ਲੈ ਰਹੇ ਹਨ। ਸੂਤਰਾਂ ਮੁਤਾਬਕ ਇਸ ਫਿਲਮ ਵਿੱਚ ਅਭਿਨੇਤਾਵਾਂ ਨੂੰ ਆਪਣੇ ਸੀਕਵੈਂਸ ਖੁਦ ਕਰਨੇ ਹੋਣਗੇ। ਇਸ ਲਈ ਅੰਸ਼ੁਮਨ ਨੇ ਹਰੀਸ਼ ਵਿਆਸ ਦੀ ਫਿਲਮ ‘ਹਰੀ-ਓਮ’ ਅਗਲੇ ਸਾਲ ਦੇ ਲਈ ਟਾਲ ਦਿੱਤੀ ਹੈ।
‘ਉੜੀ : ਦ ਸਰਜੀਕਲ ਸਟਰਾਈਕ’ ਦੇ ਲਈ ਵਿੱਕੀ ਕੌਸ਼ਲ ਨੂੰ ਟਰੇਨਿੰਗ ਦੇਣ ਵਾਲੇ ਵਿੱਕੀ ਅਰੋੜਾ ਨੇ ਕਿਹਾ, ‘‘ਅੰਸ਼ੁਮਨ ਜਿਸ ਤਰ੍ਹਾਂ ਤਿਆਰੀ ਕਰ ਰਹੇ ਹਨ ਅਤੇ ਸਮਾਂ ਦੇ ਰਹੇ ਹਨ, ਉਸ ਨੂੰ ਦੇਖਦੇ ਹੋਏ ਇੰਨਾ ਕਹਿ ਸਕਦਾ ਹਾਂ ਕਿ ਐਕਸ਼ਨ ਪ੍ਰੇਮੀਆਂ ਦੇ ਲਈ ਇਸ ਵਿੱਚ ਕੁਝ ਖਾਸ ਹੋਵੇਗਾ।”