ਫਿਲਮਾਂ ਦੇ ਨਾਲ-ਨਾਲ ਅਕਸਰ ਉਨ੍ਹਾਂ ਦੇ ਨਾਂਅ ਤੈਅ ਕਰਨ ਦੇ ਪਿੱਛੇ ਵੀ ਕਈ ਦਿਲਚਸਪ ਕਹਾਣੀਆਂ ਹੁੰਦੀਆਂ ਹਨ। ਸੈਫ ਅਲੀ ਖਾਨ, ਅਰਜੁਨ ਕਪੂਰ, ਜੈਕਲਿਨ ਫਰਨਾਂਡੀਜ਼ ਅਤੇ ਯਾਮੀ ਗੌਤਮ ਦੀ ਆਉਣ ਵਾਲੀ ਫਿਲਮ ‘ਭੂਤ ਪੁਲਸ’ ਦੇ ਨਾਂਅ ਦੇ ਪਿੱਛੇ ਵੀ ਅਜਿਹਾ ਹੀ ਵਾਕਿਆ ਹੈ।
ਫਿਲਮ ਦੇ ਡਾਇਰੈਕਟਰ ਪਵਨ ਕ੍ਰਿਪਲਾਨੀ ਨੇ ਗੱਲਬਾਤ ਵਿੱਚ ਕਿਹਾ, ‘ਭੂਤ ਪੁਲਸ’ ਦੀ ਕਹਾਣੀ 'ਤੇ ਮੈਂ ਪਿਛਲੇ 10 ਸਾਲਾਂ ਤੋਂ ਕੰਮ ਕਰ ਰਿਹਾ ਹਾਂ। ਹੁਣ ਇਸ ਨੂੰ ਲੋਕਾਂ ਵਿੱਚ ਪੇਸ਼ ਕਰਨ ਦਾ ਸਮਾਂ ਨੇੜੇ ਹੈ। ਇਹ ਫਿਲਮ ਕਿਸੇੇ ਵੀ ਅਸਲ ਘਟਨਾ ਤੋਂ ਪ੍ਰੇਰਿਤ ਨਹੀਂ ਹੈ, ਬਲਕਿ ਪੂਰੀ ਤਰ੍ਹਾਂ ਨਾਲ ਕਾਲਪਨਿਕ ਹੈ। ਫਿਲਮ ਦਾ ਨਾਂਅ ‘ਭੂਤ ਪੁਲਸ’ ਮੈਂ ਕਾਫੀ ਪਹਿਲਾਂ ਹੀ ਤੈਅ ਕਰ ਲਿਆ ਸੀ। ਜਦ ਕਿਸੇ ਦੇ ਘਰ 'ਤੇ ਡਾਕੂ ਹੱਲਾ ਬੋਲਦੇ ਹਨ ਅਤੇ ਉਹ ਪੂਰੇ ਘਰ 'ਤੇ ਕਬਜ਼ਾ ਕਰ ਲੈਂਦੇ ਹਨ, ਤਾਂ ਉਨ੍ਹਾਂ ਨੂੰ ਭਜਾਉਣ ਦੇ ਲਈ ਲੋਕ ਪੁਲਸ ਨੂੰ ਬੁਲਾਉਂਦੇ ਹਨ। ਠੀਕ ਇਸੇ ਤਰ੍ਹਾਂ ‘ਭੂਤ ਪੁਲਸ’ ਵੀ ਹੈ। ਜਦ ਕਿਸੇ ਦੇ ਸਰੀਰ 'ਤੇ ਕੋਈ ਭੂਤ ਜਾਂ ਆਤਮਾ ਕਬਜ਼ਾ ਕਰ ਲੈਂਦੀ ਹੈ, ਤਾਂ ਉਸ ਨੂੰ ਭਜਾਉਣ ਦੇ ਲਈ ‘ਭੂਤ ਪੁਲਸ’ ਨੂੰ ਬੁਲਾਇਆ ਜਾਂਦਾ ਹੈ।”
ਹਾਲ ਹੀ ਵਿੱਚ ‘ਭੂਤ ਪੁਲਸ’ ਦਾ ਟਾਈਟਲ ਟ੍ਰੈਕ ਰਿਲੀਜ਼ ਕੀਤਾ ਗਿਆ। ਇਹ ਫਿਲਮ 17 ਸਤੰਬਰ ਨੂੰ ਡਿਜ਼ਨੀ ਪਲੱਸ ਹੌਟਸਟਾਰ 'ਤੇ ਰਿਲੀਜ਼ ਹੋਵੇਗੀ। ਪਵਨ ਇਸ ਤੋਂ ਪਹਿਲਾਂ ‘ਫੋਬੀਆ’ ਅਤੇ ‘ਰਾਗਿਨੀ ਐੱਮ ਐੱਮ ਐੱਸ’ ਵਰਗੀਆਂ ਫਿਲਮਾਂ ਦਾ ਨਿਰਦੇਸ਼ਨ ਕਰ ਚੁੱਕੇ ਹਨ।