Welcome to Canadian Punjabi Post
Follow us on

24

March 2019
ਕੈਨੇਡਾ

ਟੋਰਾਂਟੋ ਵਿੱਚ 7 ਬੈਂਕ ਡਾਕਿਆਂ ਦੇ ਸਬੰਧ ਵਿੱਚ 2 ਵਿਅਕਤੀ ਗ੍ਰਿਫਤਾਰ

December 17, 2018 08:14 AM

ਟੋਰਾਂਟੋ, 16 ਦਸੰਬਰ (ਪੋਸਟ ਬਿਊਰੋ) : ਤਿੰਨ ਹਫਤਿਆਂ ਦੇ ਅੰਦਰ ਟੋਰਾਂਟੋ ਵਿੱਚ ਬੈਂਕ ਡਾਕਿਆਂ ਦੀ ਝੜੀ ਲਾਉਣ ਵਾਲੇ ਦੋ ਵਿਅਕਤੀਆਂ ਨੂੰ ਪੁਲਿਸ ਵੱਲੋਂ ਗ੍ਰਿਫਤਾਰ ਕਰ ਲਿਆ ਗਿਆ ਹੈ।
ਪੁਲਿਸ ਅਨੁਸਾਰ 15 ਤੇ 16 ਨਵੰਬਰ ਨੂੰ ਹੁਡੀ, ਕਾਲੇ ਰੰਗ ਦੇ ਦਸਤਾਨੇ ਪਾ ਕੇ ਇੱਕ ਵਿਅਕਤੀ ਟੋਰਾਂਟੋ ਵਿੱਚ ਬੈਂਕ ਦੀਆਂ ਚਾਰ ਵੱਖ ਵੱਖ ਬ੍ਰਾਂਚਾਂ ਵਿੱਚ ਗਿਆ। ਉੱਥੇ ਉਸ ਨੇ ਬਾਕਾਇਦਾ ਲਾਈਨ ਵਿੱਚ ਲੱਗ ਕੇ ਟੈਲਰ ਤੱਕ ਪਹੁੰਚ ਕੇ ਨੋਟ (ਕਾਗਜ਼ ਉੱਤੇ ਲਿਖ ਕੇ) ਰਾਹੀਂ ਪੈਸੇ ਦੀ ਮੰਗ ਕੀਤੀ। ਉਸ ਨੋਟ ਵਿੱਚ ਇਹ ਵੀ ਲਿਖਿਆ ਸੀ ਕਿ ਉਸ ਕੋਲ ਗੰਨ ਹੈ ਤੇ ਜੇ ਪੈਸੇ ਨਾ ਦਿੱਤੇ ਗਏ ਤਾਂ ਉਹ ਟੈਲਰ ਨੂੰ ਗੋਲੀ ਮਾਰ ਦੇਵੇਗਾ।
ਚਾਰਾਂ ਬ੍ਰਾਂਚਾਂ ਤੋਂ ਮਸ਼ਕੂਕ ਪੈਸੇ ਲੈਣ ਤੋਂ ਬਾਅਦ ਫਰਾਰ ਹੋ ਗਿਆ। 3 ਦਸੰਬਰ ਨੂੰ ਪੁਲਿਸ ਨੇ ਆਖਿਆ ਕਿ ਉਸੇ ਵਿਅਕਤੀ ਨੇ ਬੈਂਕ ਦੀਆਂ ਸ਼ਹਿਰ ਦੇ ਪੂਰਬੀ ਹਿੱਸੇ ਵਿੱਚ ਸਥਿਤ ਤਿੰਨ ਹੋਰ ਬ੍ਰਾਂਚਾਂ ਨੂੰ ਆਪਣਾ ਨਿਸ਼ਾਨਾ ਬਣਾਇਆ। ਜਾਂਚਕਾਰਾਂ ਅਨੁਸਾਰ ਇਸ ਵਿਅਕਤੀ ਨੇ ਆਪਣੀ ਪਛਾਣ ਲੁਕਾਉਣ ਦੀ ਵੀ ਕੋਸਿ਼ਸ਼ ਨਹੀਂ ਕੀਤੀ। ਪੁਲਿਸ ਨੇ ਦੱਸਿਆ ਕਿ ਇੱਕ ਡਾਕੇ ਸਮੇਂ ਉਸ ਵਿਅਕਤੀ ਨੇ ਦੋ ਵਿਅਕਤੀਆਂ ਉੱਤੇ ਹਥਿਆਰ ਤਾਣਿਆ ਤੇ ਹੋਰ ਪੈਸੇ ਦੀ ਮੰਗ ਕੀਤੀ। 3 ਦਸੰਬਰ ਨੂੰ ਹੀ ਪੁਲਿਸ ਨੇ ਪੈੜ ਨੱਪਦਿਆਂ ਹੋਇਆਂ 21 ਸਾਲਾ ਐਂਟੋਨੀ ਮੁਰੇ ਨੂੰ ਡਾਕਿਆਂ ਦੇ ਸਬੰਧ ਵਿੱਚ ਗ੍ਰਿਫਤਾਰ ਕਰ ਲਿਆ।
ਉਸ ਨੂੰ ਡਾਕਾ ਮਾਰਨ ਦੇ ਤਿੰਨ ਮਾਮਲਿਆਂ, ਹਥਿਆਰ ਰੱਖਣ ਤੇ 5000 ਡਾਲਰ ਤੋਂ ਵੱਧ ਦੀ ਸੰਪਤੀ ਚੋਰੀ ਕਰਕੇ ਕੋਲ ਰੱਖਣ, ਗੱਡੀ ਦੀ ਖਤਰਨਾਕ ਵਰਤੋਂ, ਪੁਲਿਸ ਤੋਂ ਭੱਜਣ, ਪੁਲਿਸ ਅਧਿਕਾਰੀ ਨੂੰ ਰੋਕਣ ਦੇ ਮਾਮਲਿਆਂ ਵਿੱਚ ਚਾਰਜ ਕੀਤਾ ਗਿਆ। ਉਸ ਨੂੰ 20 ਦਸੰਬਰ ਨੂੰ ਅਦਾਲਤ ਵਿੱਚ ਪੇਸ਼ ਕੀਤਾ ਜਾਵੇਗਾ।
13 ਦਸੰਬਰ ਨੂੰ ਟੋਰਾਂਟੋ ਪੁਲਿਸ ਨੇ ਕਿੰਗਸਟਨ ਪੁਲਿਸ ਸਰਵਿਸ ਦੀ ਮਦਦ ਨਾਲ ਇਸ ਮਾਮਲੇ ਦੇ ਸਬੰਧ ਵਿੱਚ 19 ਸਾਲਾ ਕਿੰਗਸਟਨ ਵਾਸੀ ਅਬਦੁੱਲਾ ਵਸੀਮ ਨੂੰ ਵੀ ਗ੍ਰਿਫਤਾਰ ਕੀਤਾ। ਉਸ ਉੱਤੇ ਚਾਰ ਡਾਕੇ ਮਾਰਨ, ਹਥਿਆਰਬੰਦ ਡਾਕੇ ਮਾਰਨ, ਗਲਤ ਕੰਮ ਲਈ ਭੇਸ ਵਟਾਉਣ, ਜੁਰਮ ਦੀ ਸਾਜਿ਼ਸ਼ ਰਚਣ, ਲੋਕਾਂ ਉੱਤੇ ਹਥਿਆਰ ਤਾਨਣ, ਜੁਰਮ ਲਈ ਸੰਪਤੀ ਰੱਖਣ, ਪ੍ਰੋਬੇਸ਼ਨ ਦੀ ਉਲੰਘਣਾਂ ਕਰਨ, ਗੱਡੀ ਚੋਰੀ ਕਰਨ ਤੇ 5000 ਤੋਂ ਉੱਤੇ ਦੀ ਚੋਰੀ ਕਰਨ ਦੇ ਮਾਮਲੇ ਦਰਜ ਹਨ।

 

Have something to say? Post your comment
ਹੋਰ ਕੈਨੇਡਾ ਖ਼ਬਰਾਂ
ਲਿਬਰਲਾਂ ਦੀ ਹਾਈਡਰੋ ਦਰਾਂ ਵਿੱਚ ਕਟੌਤੀਆਂ ਦੀ ਯੋਜਨਾ ਨੂੰ ਬਦਲੇਗੀ ਫੋਰਡ ਸਰਕਾਰ
ਆਪਣਾ ਆਧਾਰ ਗੁਆ ਚੁੱਕੇ ਹਨ ਲਿਬਰਲ, ਕੰਜ਼ਰਵੇਟਿਵਾਂ ਦੀ ਸਥਿਤੀ ਮਜ਼ਬੂਤ : ਸਰਵੇਖਣ
ਅਜੇ ਵੀ ਜਾਰੀ ਹੈ ਮੈਰਾਥਨ ਵੋਟਿੰਗ
ਐਸਐਨਸੀ-ਲਾਵਾਲਿਨ ਮਾਮਲੇ ਵਿੱਚ ਜਵਾਬ ਹਾਸਲ ਕਰਨ ਲਈ ਟੋਰੀਜ਼ ਨੇ ਲਾਂਚ ਕੀਤੀ ਮੈਰਾਥਨ ਵੋਟਿੰਗ
ਹੁਣ ਸੇਲੀਨਾ ਸੀਜ਼ਰ ਚੇਵਾਨ ਨੇ ਛੱਡਿਆ ਟਰੂਡੋ ਦਾ ਸਾਥ
ਟੈਵਰਨਰ ਦੀ ਨਿਯੁਕਤੀ ਦੇ ਮਾਮਲੇ ਵਿੱਚ ਇੰਟੇਗ੍ਰਿਟੀ ਕਮਿਸ਼ਨਰ ਨੇ ਫੋਰਡ ਨੂੰ ਦਿੱਤੀ ਕਲੀਨ ਚਿੱਟ
ਕੈਨੇਡਾ ਛੱਡਣ ਵਾਲਿਆਂ ਦਾ ਟਰੈਕ ਰਿਕਾਰਡ ਰੱਖਣ ਲਈ ਡਾਟਾ ਇੱਕਠਾ ਕਰੇਗੀ ਫੈਡਰਲ ਸਰਕਾਰ
ਇਮਾਰਤ ਵਿੱਚ ਅੱਗ ਲੱਗਣ ਮਗਰੋਂ ਤਿੰਨ ਵਿਅਕਤੀਆਂ ਨੂੰ ਹਸਪਤਾਲ ਵਿੱਚ ਕਰਵਾਇਆ ਗਿਆ ਦਾਖਲ
ਬੱਜਟ 2019: ਚੋਣਾਂ ਦੇ ਵਰ੍ਹੇ ਵਿੱਚ ਮਨ ਲੁਭਾਵਣੀਆਂ ਉਮੀਦਾਂ
ਅਸੈਂਬਲੀ ਪਲਾਂਟ ਦੇ ਭਵਿੱਖ ਬਾਰੇ ਜੀਐਮ ਨਾਲ ਚੱਲ ਰਹੀ ਹੈ ਸਕਾਰਾਤਮਕ ਗੱਲਬਾਤ : ਯੂਨੀਫੌਰ