ਟਾਈਗਰ ਸ਼ਰਾਫ ਨੇ ਪਿੱਛੇ ਜਿਹੇ ਇੱਕ ਵੀਡੀਓ ਟੀਜ਼ਰ ਪੋਸਟ ਕਰ ਕੇ ‘ਗਣਪਤ’ ਨੂੰ ਰਿਲੀਜ਼ ਕਰਨ ਲਈ ਤਰੀਕ ਦੀ ਅਨਾਊਂਸਮੈਂਟ ਕੀਤੀ ਹੈ। ਉਹ ਇਸ ਵੀਡੀਓ ਵਿੱਚ ਕਾਫੀ ਤਗੜੇ ਐਕਸ਼ਨ ਮੋਡ ਵਿੱਚ ਨਜ਼ਰ ਆ ਰਹੇ ਹਨ। ਇਸ ਟੀਜ਼ਰ ਦੇ ਨਾਲ ਉਸ ਨੇ ਲਿਖਿਆ, ਫਿਲਮ ‘ਗਣਪਤ’ 23 ਦਸੰਬਰ 2020 ਨੂੰ ਥੀਏਟਰਾਂ ਵਿੱਚ ਰਿਲੀਜ਼ ਹੋਵੇਗੀ।
ਇਸ ਫਿਲਮ ਵਿੱਚ ਟਾਈਗਰ ਦਾ ਇੱਕ ਅਲੱਗ ਲੈਵਲ ਦਾ ਐਕਸ਼ਨ ਹੋਵੇਗਾ। ਇਨ੍ਹੀਂ ਦਿਨੀਂ ਇਸ ਦੀ ਸ਼ੂਟਿੰਗ ਚੱਲ ਰਹੀ ਹੈ। ਕ੍ਰਿਤੀ ਸਨਨ ਵੀ ਇਸ ਵਿੱਚ ਐਕਸ਼ਨ ਕਰਦੀ ਦਿੱਸੇਗੀ। ਹਾਲੇ ਉਹ ਫਿਲਮ ਦੇ ਐਕਸ਼ਨ ਸੀਨਜ਼ ਲਈ ਟਰੇਨਿੰਗ ਲੈ ਰਹੀ ਹੈ। ਕ੍ਰਿਤੀ ਨੇ ਰੇਸਿੰਗ ਬਾਈਕ ਉੱਤੇ ਵੀ ਪ੍ਰੈਕਟਿਸ ਕੀਤੀ ਹੈ। ਟਾਈਗਰ ਨਾਲ ਇਹ ਉਸ ਦੀ ਦੂਸਰੀ ਫਿਲਮ ਹੈ।