ਮੈਲਬਰਨ, 4 ਅਗਸਤ (ਪੋਸਟ ਬਿਊਰੋ)- ਲੇਖਕ ਐਂਡਰਿਊ ਲੌਨੀ ਦੀਆਂ ਲੰਬੀਆਂ ਕੋਸ਼ਿਸ਼ਾਂ ਤੋਂ ਬਾਅਦ ਸ਼ਾਹੀ ਪਰਵਾਰ ਦੇ ਮੈਂਬਰ ਲਾਰਡ ਲੁਈਸ ਮਾਊਂਟਬੈਟਨ ਤੇ ਉਸ ਦੀ ਪਤਨੀ ਐਡਵਿਨਾ ਦੀਆਂ 1920 ਤੋਂ 1968 ਤਕ ਦੀਆਂ ਡਾਇਰੀਆਂ ਦਾ ਸੰਗ੍ਰਹਿ ਬ੍ਰਿਟੇਨ ਵਿੱਚ ਜਾਰੀ ਕਰ ਦਿੱਤਾ ਗਿਆ ਹੈ। ਇਸ ਨਾਲ ਭਾਰਤ ਵੰਡ ਅਤੇ ਭਾਰਤ ਦੇ ਪਹਿਲੇ ਪ੍ਰਧਾਨ ਮੰਤਰੀ ਪੰਡਿਤ ਜਵਾਹਰ ਲਾਲ ਨਹਿਰੂ ਤੇ ਉਨ੍ਹਾਂ ਦੀ ਪਤਨੀ ਐਡਵਿਨਾ ਦੇ ਸੰਬੰਧਾਂ ਦਾ ਖੁਲਾਸਾ ਹੋ ਸਕਦਾ ਹੈ।
ਇਤਿਹਾਸਕਾਰ ਐਂਡਰਿਊ ਲੌਨੀ ਨੇ ਸ਼ੁਰੂ ਵਿੱਚ ਬ੍ਰਿਟੇਨ ਦੇ ਸੂਚਨਾ ਦੀ ਆਜ਼ਾਦੀ ਕਾਨੂੰਨ ਹੇਠ ਇਨ੍ਹਾਂ ਡਾਇਰੀਆਂ ਤੇ ਪੱਤਰਾਂ ਨੂੰ ਰਿਲੀਜ਼ ਕਰਨ ਦੀ ਮੰਗ ਕੀਤੀ ਸੀ, ਜਿਸ ਨੂੰ ਯੂਨੀਵਰਸਿਟੀ ਨੇ ਮੰਨਣ ਤੋਂ ਨਾਂਹ ਕਰ ਦਿੱਤੀ ਸੀ।ਉਸ ਨੇ ਇਸ ਬਾਰੇ ਕੈਬਨਿਟ ਦੇ ਇੱਕ ਨਿਰਦੇਸ਼ ਦਾ ਹਵਾਲਾ ਦਿੱਤਾ ਸੀ। ਉਸ ਪਿੱਛੋਂ ਇੱਕ ਸਫਲ ਅਪੀਲ ਦੇ ਬਾਵਜੂਦ ਯੂਨੀਵਰਸਿਟੀ ਕਨਟੈਂਪਟ ਐਕਸ਼ਨ ਦੀ ਧਮਕੀ ਦੇਣ ਤਕ ਇਸ ਨੂੰ ਨਜ਼ਰ ਅੰਦਾਜ਼ ਕੀਤਾ ਗਿਆ। ਪਿਛਲੇ ਮਹੀਨੇ ਦੇ ਅਖੀਰ ਵਿੱਚ 22 ਪਾਰਲੀਮੈਂਟ ਮੈਂਬਰਾਂ ਨੇ ਹਾਊਸ ਆਫ ਕਾਮਨਸ ਵਿੱਚ ਪੇਸ਼ ਕੀਤੇ ਇੱਕ ਪ੍ਰਸਤਾਵ ਉੱਤੇ ਦਸਖਤ ਕੀਤੇ, ਜਿਸ ਵਿੱਚ ਬਿਨਾਂ ਕਿਸੇ ਰੁਕਾਵਟ ਅਤੇ ਦੂਰੀ ਦੇ ਉਨ੍ਹਾਂ ਦੇ ਪ੍ਰਕਾਸ਼ਨ ਦਾ ਸੱਦਾ ਦਿੱਤਾ ਗਿਆ। ਯੂਨੀਵਰਸਿਟੀ ਨੇ ਅਖੀਰ ਕਈ ਡਾਇਰੀਆਂ ਨੂੰ ਜਾਰੀ ਕੀਤਾ, ਪਰ ਸਾਰੀਆਂ ਨੂੰ ਨਹੀਂ। ਇਸ ਦੌਰਾਨ ਲੌਨੀ ਨੇ ਮਾਊਂਟਬੈਟਨ ਡਾਕੂਮੈਂਟਸ ਤਕ ਜਨਤਕ ਪਹੁੰਚ ਯਕੀਨੀ ਕਰਨ ਲਈ ਆਪਣੇ ਪੱਲਿਓਂ 2,50,000 ਪੌਂਡ ਖਰਚ ਕੀਤੇ। ਭਾਰਤ ਵਿੱਚ ਸਾਬਕਾ ਅਮਰੀਕੀ ਰਾਜਦੂਤ ਜਾਨ ਕੇਨੇਥ ਗੈਲਬ੍ਰੈਥ ਮਾਊਂਟਬੈਟਨ ਵੀ ਨਿੱਜੀ ਲਾਭ ਲਈ ਸ਼ਾਹੀ ਵਿਸ਼ੇਸ਼ ਅਧਿਕਾਰ ਦੀ ਵਰਤੋਂ ਦਾ ਵਰਣਨ ਕਰ ਚੁੱਕੇ ਹਨ।