ਮਲਿਆਲੀ ਐਕਟਰ ਦੁਲਕਰ ਸਲਮਾਨ ਨੇ ਇਸ ਸਾਲ ਬਾਲੀਵੁੱਡ ਵਿੱਚ ਫਿਲਮ ‘ਕਾਰਵਾਂ’ ਨਾਲ ਡੈਬਿਊ ਕੀਤਾ ਸੀ। ਇਨ੍ਹੀਂ ਦਿਨੀਂ ਉਹ ਆਪਣੀ ਅਗਲੀ ਹਿੰਦੀ ਫਿਲਮ ‘ਦਿ ਜ਼ੋਇਆ ਫੈਕਟਰ' ਦੀ ਸ਼ੂਟਿੰਗ ਕਰ ਰਹੇ ਹਨ। ਇਸ ਦੇ ਇਲਾਵਾ ਉਹ ਕਰਣ ਜੌਹਰ ਦੇ ਬੈਨਰ ਧਰਮਾ ਪ੍ਰੋਡਕਸ਼ਨ ਹੇਠ ਬਣ ਰਹੀ ਇੱਕ ਫਿਲਮ ਹੋਰ ਕਰ ਰਹੇ ਹਨ।
ਸੂਤਰਾਂ ਅਨੁਸਾਰ ਕਰਣ ਇਸ ਫਿਲਮ ਵਿੱਚ ਦੁਲਕਰ ਦਾ ਨਾਂਅ ਦੇਖ ਕੇ ਇੰਪ੍ਰੈਸ ਹੋਏ ਹਨ। ਉਨ੍ਹਾਂ ਨੇ ਦੁਲਕਰ ਦੀਆਂ ਕਈ ਫਿਲਮਾਂ ਨੂੰ ਦੇਖਣ ਦੇ ਬਾਅਦ ਉਨ੍ਹਾਂ ਨੂੰ ਇੱਕ ਹੋਰ ਫਿਲਮ ਵਿੱਚ ਕਾਸਟ ਕਰਨ ਦਾ ਫੈਸਲਾ ਲਿਆ ਹੈ। ਹੁਣ ਉਹ ਉਨ੍ਹਾਂ ਨੂੰ ਗੁੰਜਨ ਸਕਸੈਨਾ ਬਾਇਓਪਿਕ ਵਿੱਚ ਕਾਸਟ ਕਰਨ ਦੇ ਬਾਰੇ ਵਿੱਚ ਸੋਚ ਰਹੇ ਹਨ। ਫਿਲਮ ਵਿੱਚ ਦੁਲਕਰ, ਗੁੰਜਨ ਦੇ ਲਵ ਇੰਟਰੈਸਟ ਦਾ ਰੋਲ ਨਿਭਾ ਸਕਦੇ ਹਨ। ਇਸ ਫਿਲਮ ਵਿੱਚ ਜਾਹਨਵੀ ਕਪੂਰ ਗੁੰਜਨ ਸਕਸੈਨਾ ਦਾ ਕਿਰਦਾਰ ਨਿਭਾ ਰਹੀ ਹੈ। ਕਰਣ ਜਲਦੀ ਹੀ ਇਸ ਬਾਰੇ ਵਿੱਚ ਐਲਾਨ ਕਰਨਗੇ।