ਦੀਪਿਕਾ ਪਾਦੁਕੋਣ ਜਲਦੀ ਹੀ ਮੇਘਨਾ ਗੁਲਜ਼ਾਰ ਦੀ ਫਿਲਮ 'ਤੇ ਕੰਮ ਸ਼ੁਰੂ ਕਰਨ ਵਾਲੀ ਹੈ। ਇਹ ਫਿਲਮ ਐਸਿਡ ਅਟੈਕ ਸਰਵਾਈਵਰ ਲਛਮੀ ਦੀ ਬਾਇਓਪਿਕ ਹੋਵੇਗੀ। ਸੁਣਨ ਵਿੱਚ ਆਇਆ ਹੈ ਕਿ ਮੇਕਰਜ਼ ਇਸ ਫਿਲਮ ਵਿੱਚ ਦੀਪਿਕਾ ਦੇ ਆਪੋਜ਼ਿਟ ਆਯੁਸ਼ਮਾਨ ਖੁਰਾਣਾ ਜਾਂ ਰਾਜ ਕੁਮਾਰ ਰਾਓ ਵਿੱਚੋਂ ਕਿਸੇ ਇੱਕ ਨੂੰ ਕਾਸਟ ਕਰਨਾ ਚਾਹੁੰਦੇ ਹਨ।
ਸੂਤਰਾਂ ਦੀ ਮੰਨੀਏ ਤਾਂ ਦੋਵਾਂ ਹੀ ਕਲਾਕਾਰਾਂ ਨੇ ਇਸ ਸਾਲ ਦੀਆਂ ਸਭ ਤੋਂ ਸਫਲ ਫਿਲਮਾਂ ਦਿੱਤੀਆਂ ਹਨ। ਜਿੱਥੇ ਆਯੁਸ਼ਮਾਨ ਨੇ ‘ਅੰਧਾਧੁਨ’ ਅਤੇ ‘ਬਧਾਈ ਹੋ’ ਵਰਗੀਆਂ ਹਿੱਟ ਫਿਲਮਾਂ ਦਿੱਤੀਆਂ, ਉਥੇ ਹੀ ਰਾਜ ਕੁਮਾਰ ਨੇ ਇਸ ਸਾਲ ‘ਇਸਤਰੀ’ ਵਰਗੀ ਬਲਾਕਬਾਸਟਰ ਹਿੱਟ ਵਿੱਚ ਕੰਮ ਕੀਤਾ ਹੈ। ਮੇਕਰਜ਼ ਹੁਣ ਦੋਵਾਂ ਵਿੱਚੋਂ ਕਿਸੇ ਇੱਕ ਨੂੰ ਫਿਲਮ ਵਿੱਚ ਕਾਸਟ ਨੂੰ ਲੈ ਕੇ ਦੁਚਿੱਤੀ ਵਿੱਚ ਹਨ। ਫਿਲਮ ਵਿੱਚ ਰਾਜ ਕੁਮਾਰ ਅਤੇ ਆਯੁਸ਼ਮਾਨ ਨੂੰ ਲਛਮੀ ਦੇ ਪਤੀ ਆਲੋਕ ਦੇ ਕਿਰਦਾਰ ਦੇ ਲਈ ਅਪਰੋਚ ਕੀਤਾ ਗਿਆ ਹੈ। ਦੋਵਾਂ ਤੋਂ 35 ਤੋਂ 40 ਦਿਨ ਦੀ ਡੇਟਸ ਮੰਗੀ ਗਈ ਹੈ। ਦੀਪਿਕਾ ਖੁਦ ਇਸ ਫਿਲਮ ਦੀ ਪ੍ਰੋਡਿਊਸਰ ਹੈ। ਉਹ 50 ਤੋਂ 55 ਦਿਨ ਇਸ ਫਿਲਮ ਨੂੰ ਦੇਵੇਗੀ।