ਰਿਚਾ ਚੱਢਾ ਜਲਦ ਹੀ ਆਪਣੇ ਪ੍ਰੋਡਕਸ਼ਨ ਵੈਂਚਰ ਦੇ ਤਹਿਤ ਇੱਕ ਫਿਲਮ ਲਿਆ ਰਹੀ ਹੈ। 2017 ਵਿੱਚ ਉਸ ਨੇ ਇੱਕ ਸ਼ਾਰਟ ਫਿਲਮ ‘ਖੂਨ ਆਲੀ ਚਿੱਠੀ’ ਪ੍ਰੋਡਿਊਸ ਕੀਤੀ ਸੀ। ਹੁਣ ਉਹ ਪੂਰੀ ਤਰ੍ਹਾਂ ਨਾਲ ਪ੍ਰੋਡਕਸ਼ਨ 'ਤੇ ਫੋਕਸ ਕਰੇਗੀ। ਆਪਣੇ ਬੈਨਰ ਹੇਠ ਉਹ ਇਨੋਵੇਟਿਵ ਕੰਟੈਂਟ 'ਤੇ ਧਿਆਨ ਦੇਵੇਗੀ। ਇਸ ਨਵੇਂ ਪ੍ਰੋਜੈਕਟ ਨੂੰ ਉਸ ਨੇ ਹਰੀ ਝੰਡੀ ਦੇ ਦਿੱਤੀ ਹੈ।
ਰਿਚਾ ਚੱਢਾ ਦੇ ਕਰੀਬੀ ਦੋਸਤ ਸ਼ੁਚੀ ਤਲਾਟੀ ਨੇ ਉਸ ਨੂੰ ਅਪਰੋਚ ਕੀਤਾ ਸੀ ਕਿ ਰਿਚਾ ਉਨ੍ਹਾਂ ਦੇ ਲਈ ਇੱਕ ਫਿਲਮ ਪ੍ਰੋਡਿਊਸ ਕਰੇ, ਜਿਸ ਨੂੰ ਉਹ ਡਾਇਰੈਕਟ ਕਰੇਗੀ। ਸ਼ੁਚੀ ਨਿਊ ਯਾਰਕ ਬੇਸਡ ਫਿਲਮ ਮੇਕਰ ਹੈ। ਇਸ ਪ੍ਰੋਜੈਕਟ ਦਾ ਨਾਂਅ ਅਜੇ ਫਾਈਨਲ ਨਹੀਂ ਹੋਇਆ ਹੈ। ਇਹ ਇੱਕ ਟੀਨੇਜ ਲਵ ਸਟੋਰੀ ਹੈ। ਰਿਚਾ ਕਹਿੰਦੀ ਹੈ, ‘‘ਮੈਂ ਬਹੁਤ ਖੁਸ਼ ਹਾਂ ਕਿ ਮੇਰੀ ਦੋਸਤ ਨੇ ਮੈਨੂੰ ਆਪਣੀ ਫਿਲਮ ਪ੍ਰੋਡਿਊਸ ਕਰਨ ਦੇ ਲਈ ਚੁਣਿਆ। ਮੈਂ ਅਜੇ ਆਪਣੇ ਪ੍ਰੋਡਕਸ਼ਨ ਵੈਂਚਰ ਦੇ ਨਾਂਅ 'ਤੇ ਵਿਚਾਰ ਕਰ ਰਹੀ ਹਾਂ।”