ਵਾਸਿ਼ੰਗਟਨ, 31 ਜੁਲਾਈ (ਪੋਸਟ ਬਿਊਰੋ)- ਦੁਨੀਆ ਦੇ ਦੋ ਅਰਬਪਤੀਆਂ ਦੀਆਂ ਸਾਬਕਾ ਪਤਨੀਆਂ ਨੇ ਮਿਲ ਕੇ ਕਰੀਬ 300 ਕਰੋੜ ਰੁਪਏ ਦੀ ਰਕਮ ਦਾਨ ਕੀਤੀ ਹੈ। ਅਮੇਜਨ ਦੇ ਪ੍ਰਮੁੱਖ ਜੇਫ ਬੇਜੋਸ ਦੀ ਸਾਬਕਾ ਪਤਨੀ ਮੈਕੇਂਜੀ ਸਕਾਟ ਅਤੇ ਮਾਈਕ੍ਰੋਸਾਫਟ ਦੇ ਮੁਖੀ ਬਿਲ ਗੇਟ੍ਸ ਦੀ ਸਾਬਕਾ ਪਤਨੀ ਮੇਂਲਿੰਡਾ ਨੇ ਵਿੰਗ ਬਰਾਬਰੀ ਲਈ ਕੰਮ ਕਰਦੇ ਚਾਰ ਸੰਗਠਨਾਂ ਨੂੰ ਇਹ ਰਾਸ਼ੀ ਦਾਨ ਕੀਤੀ ਹੈ। ਦੋਵਾਂ ਨੇ ਪਿਛਲੇ ਸਾਲ ਹੋਏ ਇੱਕ ਮੁਕਾਬਲੇ ਰਾਹੀਂ ਇਨ੍ਹਾਂ ਚਾਰ ਸੰਗਠਨਾਂ ਨੂੰ ਚੁਣਿਆ ਹੈ। ਇਨ੍ਹਾਂ ਵਿੱਚੋਂ ਹਰ ਇੱਕ ਨੂੰ 75 ਕਰੋੜ ਰੁਪਏ ਮਿਲਣਗੇ। ਇਨ੍ਹਾਂ ਚਾਰ ਸੰਗਠਨਾਂ ਨੂੰ ਪ੍ਰਤੀਯੋਗੀ, ਸਿੱਖਿਆ, ਦੇਖਭਾਲ ਅਤੇ ਭਾਈਚਾਰੇ ਦੇ ਲਈ ਕੰਮ ਕਰਨ ਵਾਲੇ ਕਰੀਬ 500 ਸੰਗਠਨਾਂ ਵਿੱਚੋਂ ਚੁਣਿਆ ਗਿਆ ਹੈ।
ਮੈਕੇਂਜੀ ਸਕਾਟ ਨੇ ਆਪਣੇ ਬਿਆਨ ਵਿੱਚ ਕਿਹਾ ਹੈ ਕਿ ਇਨ੍ਹਾਂ ਸੰਗਠਨਾਂ ਦੀ ਮਜ਼ਬੂਤ ਟੀਮ ਭਾਈਚਾਰੇ ਲਈ ਅੱਗੇ ਰਹਿ ਕੇ ਕੰਮ ਕਰ ਰਹੀ ਹੈ। ਮੇਲਿੰਡਾ ਨੇ ਕਿਹਾ ਕਿ ਉਨ੍ਹਾਂ ਨੂੰ ਉਮੀਦ ਹੈ ਕਿ ਫੰਡਿੰਗ ਇਹਿਤਾਸ ਦੇ ਪੈਟਰਨ ਤੋੜਨ ਅਤੇ ਲਿੰਗਕ ਬਰਾਬਰੀ ਨੂੰ ਅੱਗੇ ਵੱਧਾਉਣ ਦੇ ਲਈ ਮਦਦ ਕਰੇਗੀ। ਮੈਕੇਂਜੀ ਸਕਾਟ ਦੁਨੀਆ ਦੀ ਤੀਸਰੀ ਅਮੀਰ ਮਹਿਲਾ ਹੈ। ਉਨ੍ਹਾਂ ਨੇ ਜੇਫ ਤੋਂ ਤਲਾਕ ਦੇ ਬਾਅਦ ਅੱਜ ਤੱਕ ਕਰੀਬ 50 ਹਜ਼ਾਰ ਕਰੋੜ ਰੁਪਏ ਦਾਨ ਕੀਤੇ ਹਨ।