ਟੋਕੀਓ, 27 ਜੁਲਾਈ (ਪੋਸਟ ਬਿਊਰੋ)- ਸਕੇਟਬੋਰਡਿੰਗ ਵਿੱਚ ਹੈਰਾਨੀਜਨਕ ਕਰਤਵ ਦਿਖਾ ਕੇ 13 ਸਾਲ ਦੀਆਂ ਦੋ ਬੱਚੀਆਂ ਨੇ ਟੋਕੀਓ ਓਲੰਪਿਕ ਵਿੱਚ ਸੋਨੇ ਅਤੇ ਚਾਂਦੀ ਦੇ ਤਮਗੇ ਜਿੱਤ ਲਏ ਅਤੇ ਕਾਂਸੀ ਤਮਗਾ ਜਿੱਤਣ ਵਾਲੀ 16 ਸਾਲਾ ਮੁਕਾਬਲੇਬਾਜ਼ ਸੀ, ਜਿਸ ਤੋਂ ਹਰ ਕੋਈ ਹੈਰਾਨ ਰਹਿ ਗਿਆ ਹੈ।
ਜਿਸ ਉਮਰ ਵਿੱਚ ਬੱਚੇ ਆਮ ਤੌਰ ਉੱਤੇ ਖਿਡੌਣਿਆਂ ਜਾਂ ਵੀਡੀਓ ਗੇਮਾਂ ਖੇਡਦੇ ਹਨ, ਇਨ੍ਹਾਂ ਲੜਕੀਆਂ ਨੇ ਸਖ਼ਤ ਮਿਹਨਤ ਅਤੇ ਲਗਨ ਨਾਲ ਸਾਰੀਆਂ ਚੁਣੌਤੀਆਂ ਦਾ ਸਾਹਮਣਾ ਕਰਕੇ ਪੁਰਸ਼ਾਂ ਦੇ ਇਸ ਖੇਡ ਦਬਦਬੇ ਨੂੰ ਤੋੜਿਆ। ਜਾਪਾਨ ਦੀ ਮੋਮਿਜੀ ਨਿਸ਼ਿਆ ਨੇ ਪਹਿਲਾਂ ਓਲੰਪਿਕ ਖੇਡਦੇ ਹੋਏ ਪੀਲਾ ਤਮਗਾ ਆਪਣੇ ਨਾਂ ਕੀਤਾ। ਅੱਜ ਤਕ ਪੁਰਸ਼ਾਂ ਦੇ ਦਬਦਬੇ ਵਾਲੀ ਇਸ ਖੇਡ ਵਿੱਚ ਲੜਕੀਆਂ ਦੇ ਇਸ ਯਾਦਗਾਰ ਪ੍ਰਦਰਸ਼ਨ ਨੇ ਖੇਡ ਦਾ ਭਵਿੱਖ ਉਜਵਲ ਕਰ ਦਿੱਤਾ। ਚਾਂਦੀ ਤਮਗਾ ਬ੍ਰਾਜ਼ੀਲ ਦੀ ਰੇਸਾ ਲੀਲ ਨੂੰ ਮਿਲਿਆ, ਜਿਹੜੀ 13 ਸਾਲ ਦੀ ਹੀ ਹੈ। ਉਥੇ ਕਾਂਸੀ ਤਮਗਾ ਜਾਪਾਨ ਦੀ ਫੁਨਾ ਨਾਕਾਯਾਮਾ ਨੂੰ ਮਿਲਿਆ।20 ਮੁਕਾਬਲੇਬਾਜ਼ਾਂ ਦੇ ਮਹਿਲਾ ਵਰਗ ਵਿੱਚ ਬ੍ਰਾਜ਼ੀਲ ਦੀ ਲੇਤਿਸਿਆ ਬੁਫਾਨੀ ਵੀ ਸੀ, ਜਿਸ ਦੇ ਪਿਤਾ ਨੇ ਉਸ ਨੂੰ ਖੇਡ ਤੋਂ ਰੋਕਣ ਲਈ ਉਸਦਾ ਸਕੇਟਬੋਰਡ ਦੇ ਹਿੱਸਿਆਂ ਵਿੱਚ ਤੋੜ ਦਿੱਤਾ ਸੀ। ਕੈਨੇਡਾ ਦੀ ਏਨੀ ਗੁਗਲਿਆ ਸਕੇਟਿੰਗ ਸਿੱਖ ਰਹੀ ਸੀ ਤਾਂ ਪਹਿਲੇ ਦੋ ਸਾਲ ਤਕ ਕੋਈ ਹੋਰ ਲੜਕੀ ਉਸਦੇ ਨਾਲ ਨਹੀਂ ਸੀ।