ਟੋਕੀਓ, 21 ਜੁਲਾਈ, (ਪੋਸਟ ਬਿਊਰੋ)- ਸਾਲ 2032 ਦੀਆਂ ਓਲੰਪਿਕਸ ਖੇਡਾਂ ਆਸਟਰੇਲੀਆ ਦੇ ਬ੍ਰਿਸਬੇਨ ਵਿੱਚ ਹੋਣ ਦਾ ਫੈਸਲਾ ਕੀਤਾ ਗਿਆ ਹੈ। ਇਸ ਦੀ ਖੁਸ਼ੀ ਲਈ ਅੱਜਬ੍ਰਿਸਬੇਨ ਵਿੱਚ ਆਤਿਸ਼ਬਾਜ਼ੀ ਕੀਤੀ ਗਈ, ਕਿਉਂਕਿ ਮੈਲਬਰਨ ਤੇ ਸਿਡਨੀ ਪਿੱਛੋਂ ਗਰਮੀ ਦੀਆਂ ਖੇਡਾਂ ਕਰਾਉਣ ਵਾਲਾ ਇਹ ਆਸਟਰੇਲੀਆ ਦਾ ਤੀਜਾ ਸ਼ਹਿਰ ਹੋਵੇਗਾ।
ਟੋਕੀਓ ਵਿਖੇ ਆਈਓਸੀ (ਇੰਟਰਨੈਸ਼ਨਲ ਓਲੰਪਿਕ ਕਮੇਟੀ) ਦੀ ਮੀਟਿੰਗ ਪਿੱਛੋਂਇਸ ਦੀ ਪੁਸ਼ਟੀ ਚੇਅਰਮੈਨ ਇਸ ਕਮੇਟੀ ਦੇ ਮੁਖੀ ਥਾਮਸ ਬਾਚ ਨੇ ਕੀਤੀਤੇ ਕਿਹਾ ਕਿ ਅੰਤਰਰਾਸ਼ਟਰੀ ਓਲੰਪਿਕ ਕਮੇਟੀ ਨੂੰ ਇਹ ਐਲਾਨ ਕਰਨ ਦਾ ਮਾਣ ਹਾਸਲ ਹੋਇਆ ਹੈ ਕਿ 35ਵੇਂ ਓਲੰਪੀਆਡ ਦੀਆਂ ਖੇਡਾਂ ਦਾ ਹੱਕ ਆਸਟਰੇਲੀਆ ਦੇ ਬ੍ਰਿਸਬੇਨ ਨੂੰ ਦਿੱਤਾ ਗਿਆ ਹੈ। ਇਸ ਐਲਾਨ ਦਾ ਟੋਕੀਓ ਵਿੱਚ ਆਸਟਰੇਲੀਆਈ ਡੈਲੀਗੇਟਾਂ ਨੇ ਭਰਵਾਂ ਸਵਾਗਤ ਕੀਤਾ ਤੇ ਬ੍ਰਿਸਬੇਨ ਵਿੱਚ ਆਤਿਸ਼ਬਾਜ਼ੀ ਨੇ ਅਸਮਾਨ ਰੋਸ਼ਨ ਕਰ ਦਿੱਤਾ। ਬੀਤੇ ਜੂਨ ਵਿਚ ਆਈਓਸੀ ਦੇ 15-ਮੈਂਬਰੀ ਕਾਰਜਕਾਰੀ ਬੋਰਡ ਵਲੋਂ 2032 ਲਈ ਸਰਬ ਸੰਮਤੀ ਨਾਲ ਇੱਕ ਉਮੀਦਵਾਰ ਵਜੋਂ ਪੇਸ਼ ਕੀਤੇ ਜਾਣ ਪਿੱਛੋਂ ਬ੍ਰਿਸਬੇਨ ਦੀ ਜਿੱਤ ਯਕੀਨੀ ਸੀ। ਇਸ ਫੈਸਲੇ ਪਿੱਛੋਂਕੁਈਨਜ਼ਲੈਂਡ ਰਾਜ ਦੀ ਪ੍ਰੀਮੀਅਰ ਅੰਨਾ ਪਲਾਸਕਜ਼ੁਕ ਨੇ ਕਿਹਾ, ‘ਮੈਂ ਬਹੁਤ ਖੁਸ਼ ਹਾਂ, ਮੈਨੂੰ ਆਪਣੇ ਰਾਜਅਤੇ ਆਪਣੇ ਲੋਕਾਂ ਲਈ ਬਹੁਤ ਮਾਣ ਹੈ। ਮੇਰੇ ਜੀਵਨ ਵਿਚ ਕਦੇ ਮੈਂ ਨਹੀਂ ਸੋਚਿਆ ਸੀ ਕਿ ਏਦਾਂ ਹੋ ਸਕਦਾ ਹੈ।’ ਉਨ੍ਹਾਂਕਿਹਾ, ‘ਅਸੀਂ ਇਹ ਕਰ ਦਿਖਾਇਆ ਹੈ, ਕੁਈਨਜ਼ਲੈਂਡ! ਅਸੀਂ ਇਹ ਕਰ ਦਿਖਾਇਆ ਹੈ, ਬ੍ਰਿਸਬੇਨ! ਇਹ ਸ਼ਾਨਦਾਰ ਹੈ, ਇਹ ਹੈਰਾਨੀ ਵਾਲਾ ਹੈ,ਅੱਜ ਰਾਤ ਤੁਹਾਡੀ ਰਾਤ ਹੈ, ਅਨੰਦ ਲਓ।’
ਆਸਟਰੇਲੀਆ ਪਹਿਲਾਂ ਦੋ ਵਾਰ ਓਲੰਪਿਕ ਗੇਮਜ਼ ਕਰਵਾ ਚੁੱਕਾ ਹੈ। ਸਾਲ 1956 ਵਿਚ ਮੈਲਬੌਰਨ ਅਤੇ 2000 ਵਿਚ ਸਿਡਨੀ ਵਿੱਚ ਹੋਈਆਂ ਖੇਡਾਂ ਇਤਿਹਾਸ ਵਿਚ ਸਭ ਤੋਂ ਸਫਲ ਖੇਡਾਂ ਮੰਨੀਆਂ ਗਈਆਂ ਹਨ।ਕਰੀਬ 23 ਲੱਖ ਲੋਕਾਂ ਦੇ ਘਰ ਤੇ ਚਮਕਦੇ ਸਮੁੰਦਰੀ ਤੱਟਾਂ ਦੇ ਰੇਤਲੇ ਬ੍ਰਿਸਬੇਨ ਨੂੰ ਆਸਟਰੇਲੀਆ ਦੇ ਵੱਡੇ ਦੱਖਣੀ ਸ਼ਹਿਰਾਂ ਤੋਂ ਵੱਧ ਨੀਵੇਂ ਅਤੇ ਘੱਟ ਵਸੋਂ ਵਾਲੇ ਸ਼ਹਿਰ ਵਜੋਂ ਦੇਖਿਆ ਜਾਂਦਾ ਹੈ।ਇਸ ਦੇ ਨੇੜਲੇ ਇਲਾਕਿਆਂ ਵਿੱਚ ਗੋਲਡ ਕੋਸਟ ਵੀ ਹੈ, ਜਿਸ ਨੇ ਸਾਲ 2018 ਦੀਆਂ ਕਾਮਨਵੈੱਲਥ ਖੇਡਾਂ ਕਰਵਾਈਆਂ ਸਨ।