ਮੁੰਬਈ ਵਿੱਚ ਅਨਲਾਕ ਦੀ ਪ੍ਰਕਿਰਿਆ ਸ਼ੁਰੂ ਹੋਣ ਉੱਤੇ ਫਿਲਮ ਇੰਡਸਟਰੀ ਵਿੱਚ ਕੰਮ ਹੌਲੀ-ਹੌਲੀ ਸ਼ੁਰੂ ਹੋ ਰਿਹਾ ਹੈ। ਫਿਲਮ ‘ਛੋਰੀ’ ਦੀ ਅਭਿਨੇਤਰੀ ਨੁਸਰਤ ਭਰੂਚਾ ਨੇ ਇਸ ਫਿਲਮ ਦੀ ਡਬਿੰਗ ਸ਼ਰੂ ਕਰ ਦਿੱਤੀ ਹੈ। ਇਹ ਫਿਲਮ ਸਾਲ 2007 ਵਿੱਚ ਰਿਲੀਜ਼ ਹੋਈ ਮਰਾਠੀ ਫਿਲਮ ‘ਲਪਾਛਪੀ’ ਦੀ ਹਿੰਦੀ ਰੀਮੇਕ ਹੈ। ਮੂਲ ਫਿਲਮ ਦੇ ਡਾਇਰੈਕਟਰ ਵਿਸ਼ਾਲ ਫੁਰੀਆ ਨੇ ਹੀ ‘ਛੋਰੀ’ ਦਾ ਨਿਰਦੇਸ਼ਨ ਵੀ ਕੀਤਾ ਹੈ।
ਵਿਸ਼ਾਲ ਨੇ ਦੱਸਿਆ ਕਿ ਲਾਕਡਾਊਨ ਵਿੱਚ ‘ਛੋਰੀ’ ਫਿਲਮ ਦੇ ਪੋਸਟ ਪ੍ਰੋਡਕਸ਼ਨ ਦਾ ਕੰਮ ਵਰਚੁਅਲੀ ਚੱਲ ਰਿਹਾ ਸੀ ਜਿਸ ਵਿੱਚ ਕਾਫੀ ਦਿੱਕਤਾਂ ਆ ਰਹੀਆਂ ਹਨ, ਜਿੱਥੇ ਖੁਦ ਬੈਠ ਕੇ ਕੰਮ ਕਰਨ ਵਿੱਚ ਉਹ ਕੰਮ ਸਹੀ ਤਰੀਕੇ ਨਾਲ ਹੋ ਸਕਦਾ ਹੈ। ਥੋੜ੍ਹੀ ਛੋਟ ਮਿਲਣ ਉੱਤੇ ਉਮੀਦ ਹੈ ਕਿ ਪੋਸਟ ਪ੍ਰੋਡਕਸ਼ਨ ਦਾ ਕੰਮ ਜਲਦੀ ਖਤਮ ਹੋ ਜਾਏਗਾ। ਅਸੀਂ ਪਿਛਲੇ ਸਾਲ ਨਵੰਬਰ ਅਤੇ ਦਸੰਬਰ ਵਿੱਚ ਭੋਪਾਲ ਵਿੱਚ ਬਾਇਓ ਬਬਲ ਵਿੱਚ ਫਿਲਮ ਦੀ ਸ਼ੂਟਿੰਗ ਪੂਰੀ ਕੀਤੀ ਸੀ। ਨੁਸਰਤ ਫਿਲਮ ਵਿੱਚ ਨਵੇਂ ਅਵਤਾਰ ਵਿੱਚ ਦਿਖਾਈ ਦੇਵੇਗੀ। ਨੁਸਰਤ ਨੇ ਓਰੀਜਨਲ ਫਿਲਮ ਦਾ ਕੇਵਲ ਟ੍ਰੇਲਰ ਦੇਖਿਆ ਸੀ। ਮੈਂ ਉਸ ਨੂੰ ਫਿਲਮ ਦੇਖਣ ਤੋਂ ਮਨ੍ਹਾ ਕਰ ਦਿੱਤਾ ਸੀ, ਤਾਂ ਕਿ ਉਹ ‘ਛੋਰੀ’ ਦੇ ਕਿਰਦਾਰ ਨੂੰ ਆਪਣੇ ਤਰੀਕੇ ਨਾਲ ਸਮਝੇ ਅਤੇ ਨਿਭਾ ਸਕੇ। ਮੈਂ ਫਿਲਮ ਨੂੰ ‘ਲਪਾਛਪੀ’ ਦੀ ਕਾਪੀ ਨਹੀਂ ਬਣਾਉਣਾ ਚਾਹੁੰਦਾ ਸੀ।