ਮਿਲਟਨ, 10 ਜੂਨ (ਪੋਸਟ ਬਿਊਰੋ) : ਮਿਲਟਨ ਵਿੱਚ ਵੀਰਵਾਰ ਰਾਤ ਨੂੰ ਚੱਲੀ ਗੋਲੀ ਦੇ ਮਾਮਲੇ ਵਿੱਚ ਹਾਲਟਨ ਪੁਲਿਸ ਇੱਕ ਮਸ਼ਕੂਕ ਦੀ ਭਾਲ ਕਰ ਰਹੀ ਹੈ।
ਪੁਲਿਸ ਨੇ ਦੱਸਿਆ ਕਿ ਸ਼ਾਮੀਂ 7:00 ਵਜੇ ਤੋਂ ਪਹਿਲਾਂ ਲਾਂਗ ਗੰਨ ਲੈ ਕੇ ਇੱਕ ਵਿਅਕਤੀ ਬ੍ਰੌਂਟ ਸਟਰੀਟ ਸਾਊਥ ਨੇੜੇ ਡੈਰੀ ਰੋਡ ਉੱਤੇ ਸਥਿਤ ਪਿੱਜ਼ਾ ਨੋਵਾ ਉੱਤੇ ਪਹੁੰਚਿਆ ਤੇ ਉਸ ਨੇ ਇੱਕ ਮੁਲਾਜ਼ਮ ਤੋਂ ਕੈਸ਼ ਦੀ ਮੰਗ ਕੀਤੀ। ਇੱਥੋਂ ਨਿਕਲਣ ਤੋਂ ਪਹਿਲਾਂ ਉਸ ਨੇ ਰੈਸਟੋਰੈਂਟ ਵਿੱਚ ਕਈ ਫਾਇਰ ਕੀਤੇ। ਫਿਰ ਕਾਲੇ ਰੰਗ ਦੀ ਗੱਡੀ ਵਿੱਚ ਫਰਾਰ ਹੋਣ ਤੋਂ ਪਹਿਲਾਂ ਵੀ ਉਸ ਨੇ ਕਈ ਗੋਲੀਆਂ ਚਲਾਈਆਂ।ਪੁਲਿਸ ਨੇ ਦੱਸਿਆ ਕਿ ਇਸ ਹਾਦਸੇ ਵਿੱਚ ਕੋਈ ਵੀ ਜ਼ਖ਼ਮੀ ਨਹੀਂ ਹੋਇਆ।
ਮਸ਼ਕੂਕ ਸਿਆਹ ਨਸਲ ਦਾ ਲੱਗਭਗ ਪੰਜ ਫੁੱਟ ਨੌਂ ਇੰਚ ਲੰਮਾਂ ਤੇ ਪਤਲਾ ਵਿਅਕਤੀ ਹੈ।ਉਸ ਨੂੰ ਆਖਰੀ ਵਾਰੀ ਕਾਲੇ ਰੰਗ ਦੀ ਮਾਜ਼ਦਾ 3 ਚਲਾਉਂਦਿਆਂ ਵੇਖਿਆ ਗਿਆ ਜਿਸ ਉੱਤੇ ਸੀ ਪੀ ਐਕਸ ਟੀ 541 ਦੀ ਲਾਇਸੰਸ ਪਲੇਟ ਲੱਗੀ ਹੈ। ਪੁਲਿਸ ਨੇ ਦੱਸਿਆ ਕਿ ਮਸ਼ਕੂਕ ਹਥਿਆਰਬੰਦ ਤੇ ਖਤਰਨਾਕ ਹੈ।ਜਾਂਚਕਾਰਾਂ ਨੇ ਦੱਸਿਆ ਕਿ ਇਸ ਘਟਨਾ ਤੋਂ ਬਾਅਦ ਇਲਾਕੇ ਵਿੱਚ ਪੁਲਿਸ ਦੀ ਭਾਰੀ ਤਾਇਨਾਤੀ ਰਹੀ।