ਓਟਵਾ, 9 ਜੂਨ (ਪੋਸਟ ਬਿਊਰੋ) : ਮੌਡਰਨਾ ਵੈਕਸੀਨ ਦੀ ਖੇਪ ਕੈਨੇਡਾ ਨੂੰ ਦੇਣ ਦੇ ਸ਼ਡਿਊਲ ਸਬੰਧੀ ਕਈ ਹਫਤਿਆਂ ਤੱਕ ਚੱਲੀ ਗੱਲਬਾਤ ਤੋਂ ਬਾਅਦ ਫੈਡਰਲ ਸਰਕਾਰ ਨੇ ਬੁੱਧਵਾਰ ਨੂੰ ਐਲਾਨ ਕੀਤਾ ਕਿ ਇਸ ਵੈਕਸੀਨ ਦੀਆਂ 7 ਮਿਲੀਅਨ ਡੋਜ਼ਾਂ ਜੂਨ ਵਿੱਚ ਮਿਲਣਗੀਆਂ ਤੇ ਇਹ ਸਪਲਾਈ ਅਗਲੇ ਹਫਤੇ ਤੋਂ ਸ਼ੁਰੂ ਹੋ ਜਾਵੇਗੀ।
ਪ੍ਰੋਕਿਓਰਮੈਂਟ ਮੰਤਰੀ ਅਨੀਤਾ ਆਨੰਦ ਨੇ ਆਖਿਆ ਕਿ ਇਸ ਖੇਪ ਵਿੱਚ ਪਹਿਲੀ ਵਾਰੀ ਮੌਡਰਨਾ ਦੀ ਯੂ ਐਸ ਸਪਲਾਈ ਚੇਨ ਤੋਂ ਡੋਜ਼ਾਂ ਹਾਸਲ ਹੋਣਗੀਆਂ। ਉਨ੍ਹਾਂ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਆਖਿਆ ਕਿ ਅਮਰੀਕਾ ਦੀ ਸਪਲਾਈ ਚੇਨ ਤੋਂ ਇਲਾਵਾ ਕੁੱਝ ਹੋਰ ਰੈਗੂਲੇਟਰੀ ਤੇ ਲਾਜਿਸਟਿਕਲ ਮੁੱਦੇ ਹਨ ਜਿਨ੍ਹਾਂ ਵੱਲ ਧਿਆਨ ਦੇਣ ਦੀ ਲੋੜ ਹੈ।
ਉਨ੍ਹਾਂ ਆਖਿਆ ਕਿ ਇੱਕ ਵਾਰੀ ਅਜਿਹੇ ਮੁੱਦੇ ਹੱਲ ਹੋ ਜਾਣ ਤਾਂ ਅਗਲੇ ਹਫਤੇ ਅਸੀਂ ਹੋਰ ਖੇਪ ਦੇ ਕੈਨੇਡਾ ਪਹੁੰਚਣ ਲਈ ਤਰੀਕਾਂ ਬਾਰੇ ਤੇ ਕਿੰਨੀ ਮਾਤਰਾ ਵਿੱਚ ਵੈਕਸੀਨ ਪਹੁੰਚੇਗੀ ਇਸ ਬਾਰੇ ਤਫਸੀਲ ਨਾਲ ਦੱਸ ਸਕਾਂਗੇ।