ਪ੍ਰੇਮਿਕਾ, ‘‘ਤੁਰਨ ਵੇਲੇ ਤੇਰੀ ਜੁੱਤੀ ਬੜੀ ਆਵਾਜ਼ ਕਰਦੀ ਹੈ, ਸ਼ਾਇਦ ਚੋਰੀ ਦੀ ਹੈ।”

ਪ੍ਰੇਮੀ, ‘‘ਜੇ ਅਜਿਹਾ ਹੁੰਦਾ ਤਾਂ ਕਮੀਜ਼, ਪੈਂਟ ਤੇ ਟੋਪੀ ਵਿੱਚੋਂ ਵੀ ਅਜਿਹੀ ਆਵਾਜ਼ ਆਉਂਦੀ।”
**********
ਅਧਿਆਪਕ, ‘‘ਰੱਬ ਨੇ ਅੱਖਾਂ ਕਿਸ ਲਈ ਦਿੱਤੀਆਂ ਹਨ?”
ਵਿਦਿਆਰਥੀ, ‘‘ਜੀ, ਦੇਖਣ ਲਈ।”
ਅਧਿਆਪਕ, ‘‘....ਅਤੇ ਕੰਨ?”
ਵਿਦਿਆਰਥੀ, ‘‘ਜੀ, ਮੁਰਗਾ ਬਣਨ ਲਈ।”
*********
ਇੱਕ ਵਿਅਕਤੀ ਨੇ ਸਵਰਗ ਦਾ ਦਰਵਾਜ਼ਾ ਖੜਕਾਇਆ ਤਾਂ ਅੰਦਰੋਂ ਆਵਾਜ਼ ਆਈ, ‘‘ਕੀ ਤੂੰ ਸ਼ਾਦੀ ਸ਼ੁਦਾ ਏਂ?”
ਵਿਅਕਤੀ, ‘‘ਜੀ ਹਾਂ, ਮੈਂ ਸ਼ਾਦੀ ਸ਼ੁਦਾ ਹਾਂ।”
ਆਵਾਜ਼ ਆਈ, ‘‘ਤੂੰ ਅੰਦਰ ਆ ਸਕਦਾ ਏਂ, ਤੂੰ ਵਿਆਹ ਕਰਵਾ ਕੇ ਦੁਨੀਆ ਵਿੱਚ ਕਾਫੀ ਸਜ਼ਾ ਭੁਗਤੀ ਹੈ।”
ਦੂਜੇ ਵਿਅਕਤੀ ਨੇ ਦਰਵਾਜ਼ਾ ਖੜਕਾਇਆ ਤਾਂ ਸਵਰਗ ਵਿੱਚੋਂ ਆਵਾਜ਼ ਆਈ, ‘‘ਕੀ ਤੂੰ ਸ਼ਾਦੀ ਸ਼ੁਦਾ ਏਂ?”
ਦੂਜਾ ਵਿਅਕਤੀ, ‘‘ਜੀ ਹਾਂ, ਮੇਰਾ ਦੋ ਵਾਰ ਵਿਆਹ ਹੋ ਚੁੱਕਾ ਹੈ।”
ਸਵਰਗ ਵਿੱਚੋਂ ਆਵਾਜ਼ ਆਈ, ‘‘ਭੱਜ ਜਾ, ਬੇਵਕੂਫਾਂ ਲਈ ਇਥੇ ਕੋਈ ਜਗ੍ਹਾ ਨਹੀਂ।”