ਨਿਰਮਾਤਾ, ਨਿਰਦੇਸ਼ਕ ਅਤੇ ਲੇਖਕ ਕਰਣ ਜੌਹਰ ਦੇ ਨਿਰਮਾਣ ਵਾਲੀਆਂ ਫਿਲਮਾਂ ਜਿਵੇਂ ‘ਕੁਛ ਕੁਛ ਹੋਤਾ ਹੈ’, ‘ਕਭੀ ਖੁਸ਼ੀ ਕਭੀ ਗਮ’, ‘ਕੱਲ੍ਹ ਹੋ ਨਾ ਹੋ’, ‘ਦੋਸਤਾਨਾ’, ‘ਕਪੂਰ ਐਂਡ ਸੰਸ’ ਨੂੰ ਦਰਸ਼ਕਾਂ ਨੇ ਕਾਫੀ ਪਸੰਦ ਕੀਤਾ ਹੈ, ਪਰ ਐਕਟਿੰਗ ਵਿੱਚ ਉਨ੍ਹਾਂ ਨੂੰ ਅਸਫਲਤਾ ਹੀ ਮਿਲੀ ਸੀ। ਦਰਅਸਲ ਉਨ੍ਹਾਂ ਦੀ ਫਿਲਮ ‘ਬੰਬੇ ਵੈਲਵੇਟ’ ਅਤੇ ‘ਵੈਲਕਮ ਟੂ ਨਿਊ ਯਾਰਕ’ ਬਾਕਸ ਆਫਿਸ 'ਤੇ ਬੁਰੀ ਤਰ੍ਹਾਂ ਫਲਾਪ ਰਹੀਆਂ ਸਨ। ਉਸ ਦੇ ਬਾਅਦ ਉਸ ਨੇ ਖੁਦ ਨੂੰ ਫਲਾਪ ਐਕਟਰ ਕਹਿਣ ਵਿੱਚ ਗੁਰੇਜ ਨਹੀਂ ਕੀਤਾ। ਇਸ ਵਾਰ ਉਹ ‘ਸਿੰਬਾ’ ਦੇ ਇੱਕ ਗਾਣੇ ਵਿੱਚ ਨਜ਼ਰ ਆਉਣਗੇ।
ਕਰਣ ਮੁਤਾਬਕ ਉਸ ਵਿੱਚ ਕੰਮ ਕਰਨ ਦੀ ਵਜ੍ਹਾ ਹਿੱਟ ਫਿਲਮ ਦਾ ਹਿੱਸਾ ਬਣਨ ਦੀ ਖਾਹਿਸ਼ ਰਹੀ ਹੈ। ਉਸ ਨੇ ਕਿਹਾ, ਬਤੌਰ ਐਕਟਰ ਮੇਰੀ ਦਿਲੀ ਖਾਹਿਸ਼ ਸੀ ਕਿ ਇੱਕ ਹਿੱਟ ਫਿਲਮ ਦੇਵਾਂ, ਇਸ ਲਈ ਮੈਂ ਰੋਹਿਤ ਸੈ਼ੱਟੀ ਨੂੰ ਕਿਹਾ ਕਿ ਤੁਸੀਂ ਮੈਨੂੰ ਆਪਣੀ ਫਿਲਮ ਲੈ ਲਵੋ। ਇਹੀ ਇੱਕ ਜ਼ਰੀਏ ਸੀ, ਜਦ ਮੈਂ ਹਿੱਟ ਫਿਲਮ ਦਾ ਹਿੱਸਾ ਬਣ ਸਕਦਾ ਸੀ। ਫਿਲਮ ‘ਸਿੰਬਾ’ 28 ਦਸੰਬਰ ਨੂੰ ਰਿਲੀਜ਼ ਹੋਵੇਗੀ, ਜਿਸ ਵਿੱਚ ਰਣਵੀਰ ਸਿੰਘ ਤੇ ਸਾਰਾ ਅਲੀ ਖਾਨ ਮੁੱਖ ਭੂਮਿਕਾਵਾਂ ਵਿੱਚ ਹਨ। ਰਣਵੀਰ ਦੇ ਖਾਤੇ ਵਿੱਚ ਹਿੱਟ ਫਿਲਮਾਂ ਵੱਧ ਰਹੀਆਂ ਹਨ। ਆਸ ਹੈ ਕਿ ‘ਸਿੰਬਾ’ ਨਾਲ ਕਰਣ ਦੀ ਖਹਿਸ਼ ਪੂਰੀ ਹੋਵੇਗੀ।