ਆਯੁਸ਼ ਸ਼ਰਮਾ ਨੇ ਇਸ ਸਾਲ ਫਿਲਮ ‘ਲਵਯਾਤਰੀ’ ਨਾਲ ਇੰਡਸਟਰੀ ਵਿੱਚ ਡੈਬਿਊ ਕੀਤਾ ਸੀ। ਇਸ ਦੇ ਬਾਅਦ ਉਹ ਜਲਦੀ ਹੀ ਦੂਸਰੀ ਫਿਲਮ ਸਾਈਨ ਕਰਨ ਵਾਲੇ ਹਨ। ਡਾਇਰੈਕਟਰ ਅਹਿਮਦ ਖਾਨ ਨੇ ਉਨ੍ਹਾਂ ਨੂੰ ਆਪਣੀ ਅਗਲੀ ਫਿਲਮ ਵਿੱਚ ਗੈਂਗਸਟਰ ਦਾ ਰੋਲ ਆਫਰ ਕੀਤਾ ਹੈ। ਇਸ ਨੂੰ ਅਹਿਮਦ ਦੀ ਪਤਨੀ ਸ਼ਾਇਰਾ ਖਾਨ ਅਤੇ ਪ੍ਰੇਰਨਾ ਅਰੋੜਾ ਪ੍ਰੋਡਿਊਸ ਕਰ ਰਹੀਆਂ ਹਨ।
ਚਰਚਾ ਹੈ ਕਿ ਇਸ ਵਿੱਚ ਸੰਜੇ ਦੱਤ ਅਤੇ ਬੌਬੀ ਦਿਓਲ ਨੂੰ ਫਾਈਨਲ ਕਰ ਲਿਆ ਗਿਆ ਹੈ। ਫਿਲਹਾਲ ਅਹਿਮਦ ਫਿਲਮ ਦੀ ਸਕ੍ਰਿਪਟ ਅਤੇ ਕਾਸਟ ਫਾਈਨਲ ਕਰ ਰਹੇ ਹਨ। ਇਹ ਫਿਲਮ ਰੀਅਲ ਲਾਈਫ ਡਾਨ ਕਰੀਮ ਲਾਲਾ ਅਤੇ ਉਸ ਦੀ ਜ਼ਿੰਦਗੀ ਦੇ ਮਹੱਤਵਪੂਰਨ ਕਿਰਦਾਰਾਂ 'ਤੇ ਆਧਾਰਤ ਹੈ। ਸੰਜੇ ਇਸ ਵਿੱਚ ਕਰੀਮ ਲਾਲਾ ਦਾ ਰੋਲ ਨਿਭਾਉਣਗੇ। ਉਥੇ ਹੀ ਬੌਬੀ ਉਨ੍ਹਾਂ ਦੀ ਟੀਮ ਦੇ ਇੱਕ ਮੈਂਬਰ ਦੇ ਰੋਲ ਵਿੱਚ ਹੋਣਗੇ।