ਰਣਬੀਰ ਕਪੂਰ ਨੇ ਕਰਣ ਮਲਹੋਤਰਾ ਦੇ ਨਿਰਦੇਸ਼ਨ ਵਿੱਚ ਬਣ ਰਹੀ ਫਿਲਮ ‘ਸ਼ਮਸ਼ੇਰਾ’ ਦੀ ਸ਼ੂਟਿੰਗ ਸ਼ੁਰੂ ਕਰ ਦਿੱਤੀ ਹੈ। ਇਸ ਫਿਲਮ ਨੂੰ ਆਦਿੱਤਯ ਚੋਪੜਾ ਪ੍ਰੋਡਿਊਸ ਕਰ ਰਹੇ ਹਨ। ਸੁਣਨ ਵਿੱਚ ਆਇਆ ਹੈ ਕਿ ਰਣਬੀਰ ਨੂੰ ਆਦਿੱਤਯ ਨੇ ਇੱਕ ਹੋਰ ਫਿਲਮ ਆਫਰ ਕੀਤੀ ਹੈ। ਜਾਣਕਾਰ ਸੂਤਰਾਂ ਅਨੁਸਾਰ ਰਣਬੀਰ ਨੂੰ ‘ਸੰਜੂ' ਦੇ ਬਾਅਦ ਤੋਂ ਕਈ ਫਿਲਮਾਂ ਦੇ ਆਫਰ ਆਏ ਹਨ। ਇਸ ਫਿਲਮ ਨਾਲ ਆਦਿੱਤਯ ਡਾਇਰੈਕਸ਼ਨ ਵਿੱਚ ਵਾਪਸੀ ਕਰਨ ਵਾਲੇ ਹਨ। ਫਿਲਹਾਲ ਉਹ ਇਸ ਦੀ ਕਾਸਟਿੰਗ ਫਾਈਨਲ ਕਰਨ ਵਿੱਚ ਲੱਗੇ ਹੋਏ ਹਨ। ਆਦਿੱਤਯ ਇਸ ਰੋਮਾਂਟਿਕ ਫਿਲਮ ਦੇ ਲਈ ਰਣਬੀਰ ਨੂੰ ਸਾਈਨ ਕਰਨਾ ਚਾਹੁੰਦੇ ਹਨ। ਰਣਬੀਰ ਨੇ ਹਾਲੇ ਤੱਕ ਇਸ ਫਿਲਮ ਦੀ ਹਾਮੀ ਨਹੀਂ ਭਰੀ। ਇਸ ਦੀ ਇੱਕ ਵਜਾ ਇਹ ਵੀ ਹੈ ਕਿ ਉਨ੍ਹਾਂ ਦਾ ਸ਼ਡਿਊਲ ਇਸ ਫਿਲਮ ਲਈ ਪੈਕਡ ਹੈ। ਜੇ ਰਣਬੀਰ ਇਸ ਫਿਲਮ ਦੀ ਹਾਮੀ ਭਰਦੇ ਹਨ ਤਾਂ ਇਸ ਵਿੱਚ ਉਨ੍ਹਾਂ ਦੇ ਆਪੋਜ਼ਿਟ ਕਿਸੇ ਨਵੀਂ ਅਭਿਨੇਤਰੀ ਨੂੰ ਕਾਸਟ ਕੀਤਾ ਜਾਏਗਾ।
ਰਣਬੀਰ ‘ਸ਼ਮਸ਼ੇਰਾ’ ਦੇ ਨਾਲ ‘ਬ੍ਰਹਮਾਸਤਰ’ ਦੀ ਸ਼ੂਟਿੰਗ ਕਰ ਰਹੇ ਹਨ। ਅਗਲੇ ਸਾਲ ਦੇ ਸ਼ੁਰੂ ਵਿੱਚ ਉਹ ਲਵ ਰੰਜਨ ਦੀ ਬੇਨਾਮ ਫਿਲਮ ਦੀ ਸ਼ੂਟਿੰਗ ਸ਼ੁਰੂ ਕਰਨਗੇ। ਫਿਲਮ ‘ਸ਼ਮਸ਼ੇਰਾ’ ਦੇ ਸੈੱਟ ਦੀਆਂ ਕੁਝ ਤਸਵੀਰਾਂ ਵਾਇਰਲ ਹੋ ਗਈਆਂ ਹਨ। ਇਨ੍ਹਾਂ ਤਸਵੀਰਾਂ ਵਿੱਚ ਡਾਇਰੈਕਟਰ ਕਰਣ ਮਲਹੋਤਰਾ ਵੀ ਨਜ਼ਰ ਆ ਰਹੇ ਹਨ। ਸੈਟ ਅੱਸੀ ਦੇ ਦਹਾਕੇ 'ਤੇ ਆਧਾਰਤ ਹੈ। ਫਿਲਮ ਵਿੱਚ ਰਣਬੀਰ ਉਸ ਦੌਰ ਦੇ ਡਕੈਤ ਦਾ ਕਿਰਦਾਰ ਨਿਭਾਉਣਗੇ ਨਹੀਂ, ਸੰਜੇ ਇਸ ਵਿੱਚ ਖਤਰਨਾਕ ਵਿਲੇਨ ਬਣੇ ਹਨ। ਬਤੌਰ ਲੀਡ ਅਭਿਨੇਤਰੀ ਫਿਲਮ ਵਿੱਚ ਵਾਣੀ ਕਪੂਰ ਦਿਖਾਈ ਦੇਵੇਗੀ।