Welcome to Canadian Punjabi Post
Follow us on

18

March 2024
 
ਕੈਨੇਡਾ

ਇੰਟਰਪ੍ਰੋਵਿੰਸ਼ੀਅਲ ਬਾਰਡਰ ਕਰੌਸਿੰਗ ਉੱਤੇ 24/7 ਨਿਗਰਾਨੀ ਬੰਦ ਕਰੇਗੀ ਓਟਵਾ ਪੁਲਿਸ

April 21, 2021 08:58 AM

ਓਟਵਾ, 20 ਅਪਰੈਲ (ਪੋਸਟ ਬਿਊਰੋ) : ਅਜੇ ਦੋ ਦਿਨ ਪਹਿਲਾਂ ਹੀ ਪੁਲਿਸ ਨੇ ਇੰਟਰਪ੍ਰੋਵਿੰਸ਼ੀਅਲ ਡਰਾਈਵਰਾਂ ਨੂੰ ਓਟਵਾ ਦੇ ਲਾਂਘੇ ਉੱਤੇ ਰੋਕਣਾ ਸ਼ੁਰੂ ਕੀਤਾ ਸੀ ਤੇ ਹੁਣ ਓਟਵਾ ਪੁਲਿਸ ਸਰਵਿਸ ਦਾ ਕਹਿਣਾ ਹੈ ਕਿ ਉਹ ਇਸ ਕਰੌਸਿੰਗ ਦੀ 24/7 ਨਿਗਰਾਨੀ ਨਹੀਂ ਕਰੇਗੀ।
ਪੁਲਿਸ ਨੇ ਆਖਿਆ ਕਿ ਚੰਗਾ ਇਹ ਹੋਵੇਗਾ ਕਿ ਪੁਲਿਸ ਅਧਿਕਾਰੀਆਂ ਨੂੰ ਡੇਲੀ ਬੇਸਿਜ਼ ਉੱਤੇ ਸ਼ਹਿਰ ਭਰ ਵਿੱਚ ਬਣੇ ਚੈੱਕ ਨਾਕਿਆਂ ਉੱਤੇ ਰੋਟੇਸ਼ਨ ਵਿੱਚ ਤਾਇਨਾਤ ਕੀਤਾ ਜਾਵੇ।ਇਹ ਤਬਦੀਲੀਆਂ ਉਦੋਂ ਕੀਤੀਆਂ ਗਈਆਂ ਜਦੋਂ ਓਟਵਾ ਪੁਲਿਸ ਨੇ ਹਜ਼ਾਰਾਂ ਦੀ ਗਿਣਤੀ ਵਿੱਚ ਡਰਾਈਵਰਾਂ ਨੂੰ ਪ੍ਰੋਵਿੰਸ਼ੀਅਲ ਬਾਰਡਰ ਉੱਤੇ ਰੋਕੇ ਬਿਨਾਂ ਬਾਰਡਰ ਪਾਰ ਕਰਨ ਦਿੱਤਾ। ਓਟਵਾ ਪੁਲਿਸ ਕਾਂਸਟੇਬਲ ਐਮੀ ਗੈਗਨੌਨ ਨੇ ਆਖਿਆ ਕਿ ਟਰੈਫਿਕ ਨੂੰ ਸਵੇਰ ਸਮੇਂ ਬਿਨਾਂ ਰੋਕੇ ਜਾਣ ਦਿੱਤਾ ਗਿਆ।ਜਦੋਂ ਸਵੇਰੇ ਕੰਮ ਵਾਲੇ ਸਮੇਂ ਦਾ ਰਸ਼ ਘਟਦਾ ਹੈ ਤਾਂ ਫਿਰ ਪੁਲਿਸ ਅਧਿਕਾਰੀ ਚੈੱਕ ਨਾਕਿਆਂ ਉੱਤੇ ਓਟਵਾ ਵਿੱਚ ਦਾਖਲ ਹੋਣ ਵਾਲੀਆਂ ਗੱਡੀਆਂ ਦੀ ਜਾਂਚ ਸ਼ੁਰੂ ਕਰਦੇ ਹਨ।
ਬਾਰਡਰ ਕਰੌਸਿੰਗ ਉੱਤੇ ਚੈੱਕਨਾਕੇ ਫੋਰਡ ਸਰਕਾਰ ਵੱਲੋ ਕੋਵਿਡ-19 ਦੇ ਪਸਾਰ ਨੂੰ ਰੋਕਣ ਲਈ ਤਿਆਰ ਕੀਤੇ ਗਏ ਮਾਪਦੰਡਾਂ ਦਾ ਹਿੱਸਾ ਹਨ। ਪਰ ਮੰਗਲਵਾਰ ਤੱਕ ਪੁਲਿਸ ਕਾਰਾਂ ਨੂੰ ਬਿਨਾਂ ਰੋਕੇ ਸਰਹੱਦ ਪਾਰ ਕਰਨ ਦੇ ਰਹੀ ਸੀ। ਅਪਰੈਲ 2019 ਤੋਂ ਹਾਸਲ ਕੀਤੇ ਗਏ ਸਿਟੀ ਡਾਟਾ ਅਨੁਸਾਰ ਓਟਵਾ-ਗੈਟਿਨਿਊ ਬਾਰਡਰ ਤੋਂ ਰੋਜ਼ਾਨਾ 185,000 ਗੱਡੀਆਂ ਲੰਘਦੀਆਂ ਹਨ। ਇਨ੍ਹਾਂ ਚੈੱਕਨਾਕਿਆਂ ਨੂੰ ਪਹਿਲੇ 24 ਘੰਟਿਆਂ ਵਿੱਚ ਮੇਨਟੇਨ ਕਰਨ ਉੱਤੇ ਪੁਲਿਸ ਨੂੰ 113,000 ਡਾਲਰ ਦਾ ਖਰਚਾ ਕਰਨਾ ਪਿਆ।
ਮੇਅਰ ਜਿੰਮ ਵਾਟਸਨ ਨੇ ਟਵੀਟ ਕਰਕੇ ਆਖਿਆ ਕਿ ਇਹ ਚੈੱਕਨਾਕੇ ਪੁਲਿਸ ਸਰੋਤਾਂ ਦੀ ਬਰਬਾਦੀ ਹਨ। ਉਨ੍ਹਾਂ ਇਹ ਵੀ ਆਖਿਆ ਕਿ ਉਨ੍ਹਾਂ ਨੂੰ ਨਹੀਂ ਲੱਗਦਾ ਕਿ ਇਹ ਇੱਕ ਹਫਤਾ ਵੀ ਚੱਲਣ। ਪੁਲਿਸ ਚੀਫ ਪੀਟਰ ਸਲੋਲੀ ਨੇ ਆਖਿਆ ਕਿ ਇਹ ਚੈੱਕ ਨਾਕੇ ਪੁਲਿਸ ਸਰਵਿਸ ਲਈ ਬੋਝ ਹਨ। ਉਨ੍ਹਾਂ ਆਖਿਆ ਕਿ ਪੰਜ ਪੁਲਾਂ ਤੇ ਦੋ ਫੇਰੀ ਕਰੌਸਿੰਗਜ਼ ਉੱਤੇ ਨਜ਼ਰ ਰੱਖਣ ਉੱਤੇ ਹੀ ਕਈ ਵਸੀਲੇ ਖਰਚ ਹੁੰਦੇ ਹਨ। ਅਸੀਂ ਅਜੇ ਵੇਖ ਰਹੇ ਹਾਂ ਕਿ ਅਸੀਂ ਕਿਵੇਂ ਮੈਨੇਜ ਕਰਨਾ ਹੈ।
ਓਟਵਾ ਸੈਂਟਰ ਤੋਂ ਐਮਪੀਪੀ ਜੋਇਲ ਹਾਰਡਨ ਨੇ ਇਨ੍ਹਾਂ ਚੈੱਕਨਾਕਿਆਂ ਦੀ ਗੱਲ ਕਰਦਿਆਂ ਹੋਇਆਂ ਆਖਿਆ ਕਿ ਇਨ੍ਹਾਂ ਦੀ ਓਟਵਾ ਵੱਲੋਂ ਕੋਈ ਮੰਗ ਨਹੀਂ ਸੀ ਕੀਤੀ ਗਈ। ਪਰ ਸੌਲੀਸਿਟਰ ਸਿਲਵੀਆ ਜੋਨਜ਼ ਨੇ ਆਖਿਆ ਕਿ ਬਾਰਡਰ ਕਰੌਸਿੰਗ ਦੀ ਹਿਫਾਜ਼ਤ ਲਈ ਅਜਿਹਾ ਕੀਤਾ ਜਾਣਾ ਬੇਹੱਦ ਜ਼ਰੂਰੀ ਹੈ।

   

 

 
Have something to say? Post your comment
ਹੋਰ ਕੈਨੇਡਾ ਖ਼ਬਰਾਂ
ਹਾਇਤੀ ਦੇ ਅਹੁਦਾ ਛੱਡ ਰਹੇ ਪ੍ਰਧਾਨ ਮੰਤਰੀ ਨਾਲ ਟਰੂਡੋ ਨੇ ਕੀਤੀ ਗੱਲਬਾਤ ਟੈਕਸਾਂ ਵਿੱਚ ਵਾਧਾ ਕੀਤੇ ਬਿਨਾਂ ਖਰਚੇ ਵਧਾਉਣ ਦਾ ਸਰਕਾਰ ਕੋਲ ਕੋਈ ਚਾਰਾ ਨਹੀਂ : ਗਿਰੌਕਸ ਅਗਲੇ ਦੋ ਸਾਲਾਂ ਵਿੱਚ ਐਲਕੋਹਲ ਐਕਸਾਈਜ਼ ਟੈਕਸ ਵਿੱਚ ਨਹੀਂ ਕੀਤਾ ਜਾਵੇਗਾ ਵਾਧਾ : ਫਰੀਲੈਂਡ ਲਿਬਰਲਾਂ ਨੂੰ ਵੋਟ ਪਾਉਣ ਬਾਰੇ ਸੋਚ ਵੀ ਨਹੀਂ ਰਹੇ ਬਹੁਗਿਣਤੀ ਕੈਨੇਡੀਅਨਜ਼ : ਨੈਨੋਜ਼ ਓਟਵਾ ਵਿੱਚ ਕਤਲ ਕੀਤੇ ਗਏ 6 ਵਿਅਕਤੀਆਂ ਦੀ ਪੁਲਿਸ ਨੇ ਕੀਤੀ ਸ਼ਨਾਖ਼ਤ, 19 ਸਾਲਾ ਲੜਕੇ ਨੂੰ ਕੀਤਾ ਗਿਆ ਚਾਰਜ ਓਟਵਾ ਦੇ ਇੱਕ ਘਰ ਵਿੱਚੋਂ ਮਿਲੀਆਂ 2 ਬਾਲਗਾਂ ਤੇ 4 ਬੱਚਿਆਂ ਦੀਆਂ ਲਾਸ਼ਾਂ ਬੈਂਕ ਆਫ ਕੈਨੇਡਾ ਨੇ ਵਿਆਜ਼ ਦਰਾਂ 5 ਫੀ ਸਦੀ ਉੱਤੇ ਹੀ ਰੱਖਣ ਦਾ ਕੀਤਾ ਐਲਾਨ ਨੇਵਾਲਨੀ ਦੀ ਮੌਤ ਮਗਰੋਂ ਹੋਰ ਰੂਸੀ ਅਧਿਕਾਰੀਆਂ ਉੱਤੇ ਕੈਨੇਡਾ ਨੇ ਲਾਈਆਂ ਪਾਬੰਦੀਆਂ ਨਹੀਂ ਰਹੇ ਕੈਨੇਡਾ ਦੇ ਸਾਬਕਾ ਪ੍ਰਧਾਨ ਮੰਤਰੀ ਬ੍ਰਾਇਨ ਮਲਰੋਨੀ ਡੀਐਨਡੀ ਦੇ ਮੁਲਾਜ਼ਮ ਦੀ ਕੰਪਨੀ ਨੂੰ ਐਰਾਈਵਕੈਨ ਦਾ ਕਾਂਟਰੈਕਟ ਮਿਲਣ ਉੱਤੇ ਆਨੰਦ ਨੇ ਪ੍ਰਗਟਾਈ ਹੈਰਾਨੀ