ਸੁਸ਼ਾਂਤ ਸਿੰਘ ਰਾਜਪੂਤ ਡੈੱਥ ਕੇਸ ਤੋਂ ਪ੍ਰੇਰਿਤ ਆਉਣ ਵਾਲੀ ਫਿਲਮ ‘ਨਿਆਂ : ਦ ਜਸਟਿਸ’ ਦਾ ਟੀਜ਼ਰ ਬੀਤੇ ਦਿਨੀਂ ਰਿਲੀਜ਼ ਕੀਤਾ ਗਿਆ। 58 ਸੈਕਿੰਡ ਦੇ ਇਸ ਟੀਜ਼ਰ ਵਿੱਚ ਹਰ ਸੀਨ ਸੁਸ਼ਾਂਤ ਦੀ ਮੌਤ ਨਾਲ ਜੁੜੇ ਘਟਨਾਕ੍ਰਮਾਂ ਦੀ ਯਾਦ ਦਿਵਾਉਂਦਾ ਹੈ। ਕਹਾਣੀ ਠੀਕ ਉਵੇਂ ਹੀ ਚੈਨਲਾਂ ਉਤੇ ਆਈ ਬ੍ਰੇਕਿੰਗ ਨਿਊਜ਼ ਨਾਲ ਸ਼ੁਰੂ ਹੁੰਦੀ ਹੈ, ਜਿਸ ਤਰ੍ਹਾਂ 14 ਜੂਨ ਦੀ ਦੁਪਹਿਰ ਅਚਾਨਕ ਆਈ ਖਬਰ ਨੇ ਸਭ ਨੂੰ ਹੈਰਾਨੀ ਵਿੱਚ ਪਾ ਦਿੱਤਾ ਸੀ। ਮੇਕਰਸ ਨੇ ਇਸ ਨੂੰ ਸੁਸ਼ਾਂਤ ਕੇਸ ਨਾਲ ਜੋੜਨ ਲਈ ਉਸ ਦੀ ਮੌਤ ਦੇ ਬਾਅਦ ਵਾਇਰਲ ਹੋਈ ਫੋਟੋ ਦੀ ਤਰ੍ਹਾਂ ਲੀਡ ਐਕਟਰ ਦੇ ਸੀਨ ਰੱਖੇ ਹਨ।
ਦਲੀਪ ਗੁਲਾਟੀ ਦੀ ਲਿਖੀ ਅਤੇ ਉਨ੍ਹਾਂ ਦੇ ਨਿਰਦੇਸ਼ਨ ਵਿੱਚ ਬਣੀ ਇਹ ਫਿਲਮ 11 ਜੂਨ ਨੂੰ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਹੋਵੇਗੀ। ਮੇਕਰਸ ਇਹ ਫਿਲਮ ਸੁਸ਼ਾਂਤ ਨੂੰ ਸ਼ਰਧਾਂਜਲੀ ਦੇ ਰੂਪ ਵਿੱਚ ਰਿਲੀਜ਼ ਕਰਨਗੇ। ਫਿਲਮ ਵਿੱਚ ਮੁੱਖ ਕਿਰਦਾਰ ਜੁਬੇਰ ਖਾਨ ਅਤੇ ਸ਼੍ਰੇਆ ਸ਼ੁਕਲਾ ਨਿਭਾ ਰਹੇ ਹਨ।