ਆਯੁਸ਼ਮਾਨ ਖੁਰਾਣਾ ਦੀ ਪਤਨੀ ਤਾਹਿਰਾ ਕਸ਼ਯਪ ਜਲਦੀ ਹੀ ਆਪਣੀ ਡਾਇਰੈਕਟੋਰੀਅਲ ਡੈਬਿਊ ਫਿਲਮ ਸ਼ੁਰੂ ਕਰੇਗੀ। ਸੂਤਰਾਂ ਅਨੁਸਾਰ ਇਸ ਵਿੱਚ ਮਾਧੁਰੀ ਦੀਕਸ਼ਿਤ ਲੀਡ ਰੋਲ ਕਰ ਸਕਦੀ ਹੈ। ਉਹ ਇਸ ਵਿੱਚ ਮਾਂ ਦੇ ਕਿਰਦਾਰ ਵਿੱਚ ਨਜ਼ਰ ਆਏਗੀ। ਸੂਤਰਾਂ ਮੁਤਾਬਕ ਮਾਧੁਰੀ ਇਸ ਫਿਲਮ ਵਿੱਚ ਅੱਜ ਤੱਕ ਦੇ ਸਭ ਤੋਂ ਅਲੱਗ ਕਿਰਦਾਰ ਵਿੱਚ ਨਜ਼ਰ ਆਏਗੀ। ਮੇਕਰਸ ਫਿਲਮ ਵਿੱਚ ਉਨ੍ਹਾਂ ਦੀ ਬੇਟੀ ਦਾ ਕਿਰਦਾਰ ਨਿਭਾਉਣ ਵਾਲੀ ਅਭਿਨੇਤਰੀ ਨੂੰ ਜਲਦੀ ਹੀ ਫਾਈਨਲ ਕਰਨ ਵਾਲੇ ਹਨ। ਪੂਰੀ ਕਾਸਟ ਫਾਈਨਲ ਹੁੰਦੇ ਸਾਰ ਇਹ ਫਿਲਮ ਫਲੋਰ 'ਤੇ ਆ ਜਾਏਗੀ।
ਇਸ ਵੂਮੈਨ ਸੈਂਟਿ੍ਰਕ ਫਿਲਮ ਦਾ ਟਾਈਟਲ ਅਜੇ ਫਾਈਨਲ ਨਹੀਂ ਹੋਇਆ। ਫਿਲਮ ਦੇ ਬਾਰੇ ਤਾਹਿਰਾ ਕਹਿੰਦੀ ਹੈ, ‘ਮੈਂ ਇਸ ਫਿਲਮ ਦੀ ਸ਼ੁਰੂਆਤ ਕਰਨ ਲਈ ਬੇਤਾਬ ਹਾਂ। ਮੈਂ ਬੀਤੇ ਪੰਜ ਸਾਲ ਤੋਂ ਇਸ ਦਾ ਸਕ੍ਰਿਪਟ ਲਿਖ ਰਹੀ ਹਾਂ। ਖੁਸ਼ ਹਾਂ ਕਿ ਜਲਦੀ ਹੀ ਮੇਰਾ ਸੁਫਨਾ ਪੂਰਾ ਹੋਣ ਜਾ ਰਿਹਾ ਹੈ। ਇਹ ਮੇਰੇ ਲਈ ਆਸਾਨ ਨਹੀਂ ਸੀ।’ ਮਾਧਰੀ ਦੀ ਆਖਰੀ ਹਿੰਦੀ ਫਿਲਮ 2014 ਵਿੱਚ ‘ਗੁਲਾਬ ਗੈਂਗ’ ਸੀ। ਜਲਦ ਹੀ ਉਹ ‘ਕਲੰਕ’ ਅਤੇ ‘ਟੋਟਲ ਧਮਾਲ' ਵਿੱਚ ਵੀ ਦਿਖਾਈ ਦੇਵੇਗੀ।