Welcome to Canadian Punjabi Post
Follow us on

18

March 2024
 
ਕੈਨੇਡਾ

ਏਅਰ ਕੈਨੇਡਾ ਤੇ ਫੈਡਰਲ ਸਰਕਾਰ ਦਰਮਿਆਨ ਹੋਇਆ 5·9 ਬਿਲੀਅਨ ਡਾਲਰ ਦਾ ਸਮਝੌਤਾ

April 13, 2021 08:46 AM

ਓਟਵਾ, 12 ਅਪਰੈਲ (ਪੋਸਟ ਬਿਊਰੋ) : ਏਅਰ ਕੈਨੇਡਾ ਤੇ ਫੈਡਰਲ ਸਰਕਾਰ 5·9 ਬਿਲੀਅਨ ਡਾਲਰ ਦੇ ਏਡ ਪੈਕੇਜ ਉੱਤੇ ਪਹੁੰਚੀਆਂ ਹਨ। ਕੰਪਨੀ ਦਾ ਕਹਿਣਾ ਹੈ ਕਿ ਇਸ ਨਾਲ ਕਸਟਮਰਜ਼ ਨੂੰ ਰੀਫੰਡ ਕਰਨ, ਇੰਡਸਟਰੀ ਨਾਲ ਸਬੰਧਤ ਨੌਕਰੀਆਂ ਨੂੰ ਬਚਾਉਣ ਤੇ ਕੁੱਝ ਕਮਿਊਨਿਟੀਜ਼ ਤੱਕ ਸੇਵਾਵਾਂ ਸ਼ੁਰੂ ਕਰਨ ਵਿੱਚ ਮਦਦ ਮਿਲੇਗੀ।
ਜਿ਼ਕਰਯੋਗ ਹੈ ਕਿ ਮਹਾਂਮਾਰੀ ਕਾਰਨ ਏਅਰਲਾਈਨਜ਼ ਦਾ ਕੰਮਕਾਜ ਕਾਫੀ ਪ੍ਰਭਾਵਿਤ ਹੋਇਆ ਹੈ। ਇੱਕ ਨਿਊਜ਼ ਰਲੀਜ਼ ਵਿੱਚ ਏਅਰ ਕੈਨੇਡਾ ਦਾ ਕਹਿਣਾ ਹੈ ਕਿ 5·879 ਬਿਲੀਅਨ ਡਾਲਰ ਦਾ ਇਹ ਲਿਕੁਇਡਿਟੀ ਸਮਝੌਤਾ ਸਰਕਾਰ ਦੇ ਲਾਰਜ ਇੰਪਲੌਇਅਰ ਐਮਰਜੰਸੀ ਫਾਇਨਾਂਸਿੰਗ ਫੈਸਿਲਿਟੀ (ਐਲਈਈਐਫਐਫ) ਪ੍ਰੋਗਰਾਮ ਰਾਹੀਂ ਸਿਰੇ ਚੜ੍ਹਿਆ ਹੈ। ਇਸ ਤਹਿਤ 4 ਬਿਲੀਅਨ ਡਾਲਰ ਦੇ ਲੋਨ, ਏਅਰ ਕੈਨੇਡਾ ਦੇ ਸਟੌਕ ਵਿੱਚ 500 ਮਿਲੀਅਨ ਡਾਲਰ ਦਾ ਨਿਵੇਸ਼ ਤੇ ਕਟਮਰਜ਼ ਰੀਫੰਡ ਵਿੱਚ ਮਦਦ ਲਈ 1·4 ਬਿਲੀਅਨ ਡਾਲਰ ਦਾ ਵੱਖਰਾ ਲੋਨ ਸ਼ਾਮਲ ਹੈ।
ਡਿਪਟੀ ਪ੍ਰਧਾਨ ਮੰਤਰੀ ਤੇ ਵਿੱਤ ਮੰਤਰੀ ਕ੍ਰਿਸਟੀਆ ਫਰੀਲੈਂਡ ਨੇ ਸੋਮਵਾਰ ਨੂੰ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਹੋਇਆਂ ਆਖਿਆ ਕਿ ਉਨ੍ਹਾਂ ਨੂੰ ਇਸ ਗੱਲ ਉੱਤੇ ਪੂਰਾ ਭਰੋਸਾ ਹੈ ਕਿ ਇਸ ਤਰ੍ਹਾਂ ਦੇ ਸਮਝੌਤੇ ਕੈਨੇਡੀਅਨਾਂ ਤੇ ਵਰਕਰਜ਼ ਦੇ ਹਿਤਾਂ ਨੂੰ ਮੁੱਖ ਰੱਖਦਿਆਂ ਹੋਇਆਂ ਸਹੀ ਦਿਸ਼ਾ ਵਿੱਚ ਚੁੱਕੇ ਜਾਣ ਵਾਲੇ ਸਹੀ ਕਦਮ ਹਨ। ਇਹ ਕੈਨੇਡਾ ਤੇ ਕੈਨੇਡੀਅਨਾਂ ਲਈ ਬਹੁਤ ਹੀ ਵਧੀਆ ਡੀਲ ਹੈ।
ਇਸ ਸਮਝੌਤੇ ਤਹਿਤ ਏਅਰ ਕੈਨੇਡਾ ਉਨ੍ਹਾਂ ਯਾਤਰੀਆਂ ਨੂੰ ਰੀਫੰਡ ਜਾਰੀ ਕਰਨ ਲਈ ਤਿਆਰ ਹੈ ਜਿਨ੍ਹਾਂ ਨੇ ਫਰਵਰੀ 2020 ਤੋਂ ਫਲਾਈਟ ਤਾਂ ਬੁੱਕ ਕਰਵਾਈ ਸੀ ਪਰ ਮਹਾਂਮਾਰੀ ਕਾਰਨ ਕਿਤੇ ਜਾ ਨਹੀਂ ਸਕੇ। ਇਸ ਦੇ ਨਾਲ ਹੀ ਏਅਰਲਾਈਨ ਰੀਜਨਲ ਕਮਿਊਨਿਟੀਜ਼ ਲਈ ਮੁਲਤਵੀ ਜਾਂ ਰੱਦ ਹੋ ਚੁੱਕੀਆਂ ਸੇਵਾਵਾਂ ਮੁੜ ਜਾਰੀ ਕਰਨ ਲਈ ਤਿਆਰ ਹੈ। ਏਅਰਲਾਈਨ ਵੱਲੋਂ ਆਪਣੇ ਹੋਰ ਮੁਲਾਜ਼ਮਾਂ ਦੀ ਛਾਂਗੀ ਨਾ ਕਰਨ ਦਾ ਫੈਸਲਾ ਕੀਤਾ ਗਿਆ ਹੈ ਤੇ ਇੰਪਲੌਈਜ਼ ਦੀ ਪੈਨਸ਼ਨ ਦੀ ਹਿਫਾਜ਼ਤ ਵੀ ਏਅਰਲਾਈਨ ਹੁਣ ਕਰ ਸਕੇਗੀ।
ਫਰੀਲੈਂਡ ਨੇ ਆਖਿਆ ਕਿ ਰੀਫੰਡ ਦੀ ਪ੍ਰਕਿਰਿਆ 30 ਅਪਰੈਲ ਤੋਂ ਸ਼ੁਰੂ ਹੋਵੇਗੀ। ਟਰਾਂਸਪੋਰਟ ਮੰਤਰੀ ਓਮਰ ਅਲਘਬਰਾ ਨੇ ਇੱਕ ਨਿਊਜ਼ ਕਾਨਫਰੰਸ ਵਿੱਚ ਦੱਸਿਆ ਕਿ ਏਅਰ ਕੈਨੇਡਾ ਬਹੁਤ ਹੀ ਅਹਿਮ ਕਸਟਮਰ ਹੈ ਤੇ ਇਹ ਕੈਨੇਡਾ ਦੇ ਐਰੋਸਪੇਸ ਸੈਕਟਰ ਦਾ ਮਹੱਤਵਪੂਰਣ ਹਿੱਸਾ ਹੈ। ਉਨ੍ਹਾਂ ਆਖਿਆ ਕਿ ਹੁਣ ਏਅਰ ਕੈਨੇਡਾ ਪਹਿਲਾਂ ਤੋਂ ਹੀ ਉਲੀਕੀ ਜਾ ਰਹੀ ਯੋਜਨਾ ਦੇ ਹਿਸਾਬ ਨਾਲ ਏਅਰਬੱਸ ਏ 220 ਖਰੀਦਣ ਵਿੱਚ ਕਾਮਯਾਬ ਹੋਵੇਗੀ। ਇਸ ਡੀਲ ਨਾਲ ਵਰਕਰਜ਼ ਤੇ ਕੈਨੇਡੀਅਨ ਸਪਲਾਈ ਚੇਨ ਨਾਲ ਜੁੜੀਆਂ ਕੰਪਨੀਆਂ ਨੂੰ ਵੀ ਫਾਇਦਾ ਹੋਵੇਗਾ।
ਇਸ ਤੋਂ ਇਲਾਵ ਪਹਿਲੀ ਜੂਨ ਤੋਂ ਬਾਥਰਸਟ, ਕੌਮੌਕਸ, ਫਰੈਡਰਿਕਟਨ, ਗੈਂਡਰ, ਗੂਜ਼ ਬੇਅ, ਕੈਮਲੂਪਸ, ਨੌਰਥ ਬੇਅ, ਪੈਨਟਿਕਟਨ, ਪ੍ਰਿੰਸ ਰੂਪਰਟ, ਸੇਂਟ ਜੌਹਨ, ਸਿਡਨੀ ਤੇ ਯੈਲੋਨਾਈਫ ਨੂੰ ਵੀ ਉਡਾਨਾਂ ਸ਼ੁਰੂ ਹੋ ਸਕਦੀਆਂ ਹਨ।   

   

 

 
Have something to say? Post your comment
ਹੋਰ ਕੈਨੇਡਾ ਖ਼ਬਰਾਂ
ਹਾਇਤੀ ਦੇ ਅਹੁਦਾ ਛੱਡ ਰਹੇ ਪ੍ਰਧਾਨ ਮੰਤਰੀ ਨਾਲ ਟਰੂਡੋ ਨੇ ਕੀਤੀ ਗੱਲਬਾਤ ਟੈਕਸਾਂ ਵਿੱਚ ਵਾਧਾ ਕੀਤੇ ਬਿਨਾਂ ਖਰਚੇ ਵਧਾਉਣ ਦਾ ਸਰਕਾਰ ਕੋਲ ਕੋਈ ਚਾਰਾ ਨਹੀਂ : ਗਿਰੌਕਸ ਅਗਲੇ ਦੋ ਸਾਲਾਂ ਵਿੱਚ ਐਲਕੋਹਲ ਐਕਸਾਈਜ਼ ਟੈਕਸ ਵਿੱਚ ਨਹੀਂ ਕੀਤਾ ਜਾਵੇਗਾ ਵਾਧਾ : ਫਰੀਲੈਂਡ ਲਿਬਰਲਾਂ ਨੂੰ ਵੋਟ ਪਾਉਣ ਬਾਰੇ ਸੋਚ ਵੀ ਨਹੀਂ ਰਹੇ ਬਹੁਗਿਣਤੀ ਕੈਨੇਡੀਅਨਜ਼ : ਨੈਨੋਜ਼ ਓਟਵਾ ਵਿੱਚ ਕਤਲ ਕੀਤੇ ਗਏ 6 ਵਿਅਕਤੀਆਂ ਦੀ ਪੁਲਿਸ ਨੇ ਕੀਤੀ ਸ਼ਨਾਖ਼ਤ, 19 ਸਾਲਾ ਲੜਕੇ ਨੂੰ ਕੀਤਾ ਗਿਆ ਚਾਰਜ ਓਟਵਾ ਦੇ ਇੱਕ ਘਰ ਵਿੱਚੋਂ ਮਿਲੀਆਂ 2 ਬਾਲਗਾਂ ਤੇ 4 ਬੱਚਿਆਂ ਦੀਆਂ ਲਾਸ਼ਾਂ ਬੈਂਕ ਆਫ ਕੈਨੇਡਾ ਨੇ ਵਿਆਜ਼ ਦਰਾਂ 5 ਫੀ ਸਦੀ ਉੱਤੇ ਹੀ ਰੱਖਣ ਦਾ ਕੀਤਾ ਐਲਾਨ ਨੇਵਾਲਨੀ ਦੀ ਮੌਤ ਮਗਰੋਂ ਹੋਰ ਰੂਸੀ ਅਧਿਕਾਰੀਆਂ ਉੱਤੇ ਕੈਨੇਡਾ ਨੇ ਲਾਈਆਂ ਪਾਬੰਦੀਆਂ ਨਹੀਂ ਰਹੇ ਕੈਨੇਡਾ ਦੇ ਸਾਬਕਾ ਪ੍ਰਧਾਨ ਮੰਤਰੀ ਬ੍ਰਾਇਨ ਮਲਰੋਨੀ ਡੀਐਨਡੀ ਦੇ ਮੁਲਾਜ਼ਮ ਦੀ ਕੰਪਨੀ ਨੂੰ ਐਰਾਈਵਕੈਨ ਦਾ ਕਾਂਟਰੈਕਟ ਮਿਲਣ ਉੱਤੇ ਆਨੰਦ ਨੇ ਪ੍ਰਗਟਾਈ ਹੈਰਾਨੀ