* ਵੀਡੀਓ ਵਾਇਰਲ ਹੋਣ ਉੱਤੇ ਮਹਿਲਾ ਐੱਮ ਪੀਜ਼ ਵੱਲੋਂ ਵਿਰੋਧ
ਮੈਲਬੌਰਨ, 24 ਮਾਰਚ (ਪੋਸਟ ਬਿਊਰੋ)- ਆਸਟ੍ਰੇਲੀਆ ਦੀ ਪਾਰਲੀਮੈਂਟ ਵਿੱਚ ਸਰੀਰਕ ਸਬੰਧ ਬਣਾਉਣ ਦੇ ਵੀਡੀਓ ਲੀਕ ਹੋਣ ਨਾਲ ਇਸ ਪੂਰੇ ਦੇਸ਼ ਵਿੱਚ ਰੌਲਾ ਪੈ ਗਿਆ ਹੈ
ਇਸ ਵੀਡੀਓ ਵਿੱਚ ਅਜਿਹੇ ਇਤਰਾਜ਼ਯੋਗ ਕਲਿਪਸ ਹਨ, ਜਿਨ੍ਹਾਂ ਦੇ ਸਾਹਮਣੇ ਆਉਣ ਦੇ ਨਾਲ ਆਸਟ੍ਰੇਲੀਆ ਦੇ ਪ੍ਰਧਾਨ ਮੰਤਰੀ ਸਕੌਟ ਮੌਰੀਸਨ ਬਹੁਤ ਵੱਡੇ ਸਕੈਂਡਲ ਵਿੱਚ ਘਿਰ ਗਏ ਹਨ। ਇਨ੍ਹਾਂ ਇਤਰਾਜ਼ ਯੋਗ ਵੀਡੀਓ ਨੂੰ ਗਰੁੱਪ ਉੱਤੇ ਸ਼ੇਅਰ ਕੀਤਾ ਗਿਆ ਤਾਂ ਕਿਸੇ ਨੇ ਲੀਕ ਕਰ ਦਿੱਤਾ। ਇਨ੍ਹਾਂ ਵੀਡੀਓਜ਼ ਦਾ ਮੀਡੀਆ ਵਿੱਚ ਖੁਲਾਸਾ ਹੋਣ ਤੋਂ ਬਾਅਦ ਤਹਿਲਕਾ ਮੱਚ ਗਿਆ ਹੈ। ਇੱਕ ਕਲਿੱਪ ਵਿੱਚ ਇੱਕ ਮਰਦ ਪਾਰਲੀਮੈਂਟਮੈਂਬਰ ਇੱਕ ਮਹਿਲਾ ਐੱਮ ਪੀ ਸਾਹਮਣੇ ਬੈਠਕੇ ਮਾਸਟਰਬੇਟ ਕਰਦਾ ਦਿਖਾਈ ਦੇ ਰਿਹਾ ਹੈ।ਆਸਟ੍ਰੇਲੀਆ ਦੀ ਇੱਕ ਅਖ਼ਬਾਰ ਅਤੇ ਚੈਨਲ ਨੇ ਐੱਮ ਪੀ ਦੇ ਇਤਰਾਜ਼ਯੋਗ ਦਿ੍ਰਸ਼ਾਂ ਦੇ ਵੀਡੀਓ ਜਾਰੀ ਕੀਤੇ ਹਨ। ਵੀਡੀਓ ਇੱਕ ਵ੍ਹਿਸਲਬਲੋਰ ਨੇ ਲੀਕ ਕੀਤੇ ਹਨ, ਜਿਨ੍ਹਾਂ ਦੇ ਸਾਹਮਣੇ ਆਉਣ ਤੋਂ ਬਾਅਦ ਆਸਟ੍ਰੇਲੀਆ ਦੀਆਂ ਮਹਿਲਾ ਪਾਰਲੀਮੈਂਟ ਮੈਬਰਾਂ ਅਤੇ ਆਮ ਜਨਤਾ ਵੱਲੋਂ ਸਰਕਾਰ ਦਾ ਵਿਰੋਧ ਇੱਕ ਵਾਰ ਫਿਰ ਤੇਜ਼ ਹੋ ਗਿਆ ਹੈ। ਸਰਕਾਰ ਵੱਲੋਂ ਸਮੇਂ ਸਿਰ ਕਾਰਵਾਈ ਨਾ ਕਰਨ ਕਾਰਨ ਲੋਕਾਂ ਵਿੱਚ ਗੁੱਸਾ ਨਜ਼ਰ ਆ ਰਿਹਾ ਹੈ।