ਨਵੀਂ ਦਿੱਲੀ, 7 ਦਸੰਬਰ (ਪੋਸਟ ਬਿਊਰੋ)- ਆਧਾਰ ਕਾਰਡ ਧਾਰਕਾਂ ਨੂੰ ਜਲਦੀ ਹੀ ਆਧਾਰ ਨੰਬਰ ਸਰੰਡਰ ਕਰਨ ਦੀ ਖੁੱਲ੍ਹ ਮਿਲ ਸਕਦੀ ਹੈ। ਜੇ ਨਾਗਰਿਕ ਚਾਹੁਣ ਤਾਂ ‘ਆਧਾਰ’ ਤੋਂ ਸਦਾ ਲਈ ਛੁਟਕਾਰਾ ਪਾ ਸਕਦੇ ਹਨ।
‘ਦਿ ਹਿੰਦੂ’ ਦੀ ਖਬਰ ਮੁਤਾਬਕ ਕੇਂਦਰ ਸਰਕਾਰ ਆਧਾਰ ਐਕਟ ਵਿੱਚ ਸੋਧ ਦੇ ਪ੍ਰਸਤਾਵ ਨੂੰ ਆਖਰੀ ਰੂਪ ਦੇਣ ਦੀ ਤਿਆਰੀ ਵਿੱਚ ਹੈ। ਇਸ ਪਿੱਛੋਂ ਸਭ ਨਾਗਰਿਕਾਂ ਨੂੰ ਬਾਇਓਮੈਟ੍ਰਿਕ ਅਤੇੇ ਡਾਟਾ ਸਮੇਤ ਆਪਣਾ ਆਧਾਰ ਨੰਬਰ ਵਾਪਸ ਲੈਣ ਦਾ ਬਦਲ ਦਿੱਤਾ ਜਾਵੇਗਾ। ਇਸ ਦੇ ਮੁਤਾਬਕ ਜੇ ਕੋਈ ਨਾਗਰਿਕ ਚਾਹੇ ਤਾਂ ਆਧਾਰ ਕੈਂਸਲ ਕਰਵਾ ਸਕਦਾ ਹੈ। ਇਸ ਵਿੱਚ ਉਸ ਦਾ ਆਧਾਰ ਨੰਬਰ ਅਤੇ ਡਾਟਾ ਦੋਵੇਂ ਸ਼ਾਮਲ ਹਨ। ਰਿਪੋਰਟ ਮੁਤਾਬਕ ਆਧਾਰ ਜਾਰੀ ਕਰਨ ਵਾਲੀ ਸੰਸਥਾ ਯੂਨੀਕ ਆਈਡੈਂਟੀਫਿਕੇਸ਼ਨ ਅਥਾਰਟੀ ਆਫ ਇੰਡੀਆ (ਯੂ ਆਈ ਡੀ ਏ ਆਈ) ਨੇ ਆਧਾਰ ਐਕਟ ਵਿੱਚ ‘ਆਪਟ ਆਊਟ’ ਕਲਾਜ਼ ਜੋੜਨ ਦਾ ਪ੍ਰਸਤਾਵ ਰੱਖਿਆ ਹੈ। ਇਸ ਅਧੀਨ ਲੋਕ ਆਧਾਰ ਦੇ ਸਰਵਰ ਵਿੱਚੋਂ ਆਪਣੀ ਬਾਇਓਮੈਟਿ੍ਰਕ ਡਿਟੇਲ ਨੂੰ ਡਿਲੀਟ ਕਰਵਾ ਸਕਦੇ ਹਨ।