ਅਭਿਨੇਤਰੀ ਫਾਤਿਮਾ ਸਨਾ ਸ਼ੇਖ਼ ਤਮਿਲ ਵਿੱਚ ਆਈ ਹਿੱਟ ਫਿਲਮ ‘ਅਰੂਵੀ’ ਦੇ ਹਿੰਦੀ ਰੀਮੇਕ ਵਿੱਚ ਸ਼ਾਮਲ ਹੋਵੇਗੀ। ਇਸ ਰੀਮੇਕ ਦਾ ਨਿਰਦੇਸ਼ਨ ਈ ਨਿਵਾਸ ਕਰਨਗੇ, ਜੋ ਪਹਿਲਾਂ ‘ਸ਼ੂਲ’, ‘ਦਮ’ ਅਤੇ ‘ਲਵ ਕੇ ਲੀਏ ਕੁਛ ਭੀ ਕਰੇਗਾ’ ਵਰਗੀਆਂ ਫਿਲਮਾਂ ਬਣਾ ਚੁੱਕੇ ਹਨ। ਸਾਲ 2017 ਵਿੱਚ ਆਈ ਇਸ ਤਮਿਲ ਫਿਲਮ ਵਿੱਚ ਅਭਿਨੇਤਰੀ ਅਦਿਤੀ ਬਾਲਨ ਮੁੱਖ ਭੂਮਿਕਾ ਵਿੱਚ ਸੀ। ਫਾਤਿਮਾ ਦਾ ਆਪਣੇ ਇਸ ਕਿਰਦਾਰ ਬਾਰੇ ਕਹਿਣਾ ਹੈ, ‘‘ਮੈਂ ਇਹ ਕਿਰਦਾਰ ਨਿਭਾਉਣ ਦਾ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੀ ਹਾਂ। ਇਸ ਸਫਰ ਨੂੰ ਸ਼ੁਰੂ ਕਰਨ ਦੇ ਲਈ ਮੈਂ ਬਹੁਤ ਐਕਸਾਈਟਿਡ ਹਾਂ।”
ਡਾਇਰੈਕਟਰ ਨਿਵੇਸ਼ ਕਹਿੰਦੇ ਹਨ, ‘ਅਰੂਵੀ' ਸਿਰਫ ਇੱਕ ਹੀਰੋ ਦੀ ਨਹੀਂ, ਜ਼ਿੰਦਗੀ ਦੀਆਂ ਉਲਝਣਾਂ 'ਤੇ ਜਿੱਤ ਹਾਸਲ ਕਰਨ ਦੀ ਕਹਾਣੀ ਹੈ। ਇਹ ਬੇਹੱਦ ਉਤਸ਼ਾਹ ਪੂਰਨ ਹੈ। ਫਾਤਿਮਾ ਸਨਾ ਸ਼ੇਖ਼ ਇਸ ਕਿਰਦਾਰ 'ਤੇ ਬਿਲਕੁਲ ਫਿੱਟ ਬੈਠਦੀ ਹੈ। ਮੈਨੂੰ ਇਸ ਗੱਲ ਦੀ ਵਾਕਈ ਵਿੱਚ ਖੁਸ਼ੀ ਹੈ ਕਿ ਮੇਰੇ ਅੱਜ ਤੱਕ ਦੇ ਦੇਖੇ ਗਏ ਸਭ ਤੋਂ ਖੂਬਸੂਰਤ ਸਿਨੇਮਾਈ ਕਿਰਦਾਰਾਂ ਵਿੱਚੋਂ ਇੱਕ 'ਤੇ ਕੰਮ ਕਰਨ ਦਾ ਮੈਨੂੰ ਮੌਕਾ ਮਿਲ ਰਿਹਾ ਹੈ। ਫਿਲਮ ਦੀ ਸ਼ੂਟਿੰਗ ਜਲਦੀ ਹੀ ਸ਼ੁਰੂ ਹੋਵੇਗੀ।