ਬਾਲੀਵੁੱਡ ਦੀ ਬੇਹੱਦ ਟੈਲੇਟਿਡ ਅਭਿਨੇਤਰੀ ਕੈਟਰੀਨਾ ਕੈਫ ਨੇ ਅੱਠ ਮਾਰਚ ਤੋਂ ਆਪਣੀ ਫਿਲਮ ‘ਟਾਈਗਰ 3’ ਦੀ ਸ਼ੂਟਿੰਗ ਸ਼ੁਰੂ ਕਰ ਦਿੱਤੀ ਹੈ। ਸ਼ੁਰੂ ਕਰਨ ਤੋਂ ਪਹਿਲਾਂ ਅਭਿਨੇਤਰੀ ਦੱਖਣ ਕੋਰਿਆਈ ਸਟੰਟ ਟੀਮ ਦੇ ਨਾਲ ਫਿਲਮ ਦੇ ਐਕਸ਼ਨ ਸੀਨਜ ਸਿੱਖਣ ਲਈ 14 ਦਿਨਾਂ ਦੀ ਟਰੇਨਿੰਗ ਲੈਂਦੀ ਰਹੀ ਹੈ। ਇੱਕ ਨਿਊਜ਼ ਪੋਰਟਲ ਦੀ ਰਿਪੋਰਟ ਦੇ ਅਨੁਸਾਰ ਡਾਇਰੈਕਟਰ ਮਨੀਸ਼ ਸ਼ਰਮਾ ਨੇ ਆਪਣੇ ਲੀਡ ਅਭਿਨੇਤਾ ਨੂੰ ਐਕਸ਼ਨ ਸੀਨਜ ਲਈ ਤਿਆਰ ਹੋਣ ਲਈ ਕਿਹਾ ਹੈ। ਯਾਨੀ ਜਿੱਥੇ ‘ਟਾਈਗਰ ਜਿੰਦਾ ਹੈ' ਵਿੱਚ ਸਲਮਾਨ ਖਾਨ ਅਤੇ ਕੈਟਰੀਨਾ ਦੈ ਐਕਸ਼ਨ ਤੁਹਾਨੂੰ ਕਾਫੀ ਪਸੰਦ ਆਏ ਸੀ, ਉਮੀਦ ਹੈ ਇਸ ਨਵੀਂ ਫਿਲਮ ਵਿੱਚ ਇਹ ਐਕਸਾਈਟਮੈਂਟ ਹੋਰ ਵੀ ਜ਼ਿਆਦਾ ਹੋਵੇਗੀ।
ਸੂਤਰਾਂ ਮੁਤਾਬਕ ‘ਟਾਈਗਰ 3’ ਦੇ ਲਈ ਸੁਪਰਸਟਾਰ ਸਲਮਾਨ ਖਾਨ ਅਤੇ ਕੈਟਰੀਨਾ ਕੈਫ ਪਿਛਲੇ 15 ਦਿਨਾਂ ਤੋਂ ਸਖਤ ਮਿਹਨਤ ਕਰ ਰਹੇ ਸਨ। ਕੈਟਰੀਨਾ ਆਪਣੇ ਟ੍ਰੇਨਰ ਦੇ ਨਾਲ ਆਪਣੇ ਡੇਲੀ ਰੁਟੀਨ ਨੂੰ ਫਾਲੋ ਕਰਦੇ ਹੋਏ ਦੱਖਣ ਕੋਰੀਆਈ ਟੀਮ ਦੇ ਨਾਲ ਟਰੇਨਿੰਗ ਲੈਂਦੀ ਜ਼ੋਰਾਂ-ਸ਼ੋਰਾਂ ਨਾਲ ਮਾਰਸ਼ਲ ਆਰਟ ਦੀ ਟਰੇਨਿੰਗ ਕਰ ਰਹੀ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਫਿਲਮ ਨਿਰਮਾਤਾ ਕੈਟਰੀਨਾ ਦੀ ਟਰੇਨਿੰਗ 'ਤੇ ਪੂਰਾ ਧਿਆਨ ਦੇ ਰਹੇ ਸਨ। ਇਸ ਦੌਰਾਨ ਭਾਈਜਾਨ ਦੱਖਣ ਅਫਰੀਕੀ ਸਟੰਟ ਟੀਮ ਦੇ ਨਾਲ ਟ੍ਰੇਨਿੰਗ ਲੈ ਰਹੇ ਸਨ। ਪਿੱਛੇ ਜਿਹੇ ਯਸ਼ਰਾਜ ਫਿਲਮਜ਼ ਦੇ ਦਫਤਰ ਵਿੱਚ ਸ਼ੂਟਿੰਗ ਸ਼ੁਰੂ ਹੋਣ ਤੋਂ ਪਹਿਲਾਂ ਪੂਜਾ ਕੀਤੀ ਗਈ। ਯਸ਼ਰਾਜ ਫਿਲਮਜ਼ ਆਪਣੀ ਹਰ ਫਿਲਮ ਦੀ ਸ਼ੂਟਿੰਗ ਤੋਂ ਪਹਿਲਾਂ ਇਹ ਪੂਜਾ ਕਰਦਾ ਹੈ। ਇਸ ਫਿਲਮ ਵਿੱਚ ਇਮਰਾਨ ਹਾਸ਼ਮੀ ਵਿਲੇਨ ਦੇ ਕਿਰਦਾਰ ਵਿੱਚ ਹੋਣਗੇ। ਇਸ ਪੂਜਾ ਵਿੱਚ ਸਲਮਾਨ ਖਾਨ, ਕੈਟੀਰਨਾ ਕੈਫ, ਇਮਰਾਨ ਹਾਂਸ਼ਮੀ ਅਤੇ ਫਿਲਮ ਦੇ ਡਾਇਰੈਕਟਰ ਮਨੀਸ਼ ਸ਼ਰਮਾ ਮੌਜੂਦ ਸਨ।